Руфа 3:9 - Коми Библия 2023

⁹ «Коді тэ?» – юаліс Вооз. Ань вочавидзис: «Ме Руфа, тэнад кесйӧг. Ло меным дорйысьӧн, ӧд тэ миян рӧдысь, миян вӧсна кывкутысь».

Руфа 3:9 Kruisverwysings

Езекиль 16:8

Бӧрынджык, кор Ме муні тэ бокті, Ме аддзи, мый воӧма тэнад мусукасян кадыд. Ме павкниті тэ вылӧ паськӧм дорышӧс да вевтти тэнсьыд куш яйтӧ. Ме кыв сеті тэныд, мый тэ лоан Менам, да кӧрталі тэкӧд йитӧд, – висьталӧ Господь Ыджыдыс. –

Лука 14:11

Ӧд асьсӧ вылӧ пуктысьӧс лэдзасны, асьсӧ улӧ пуктысьӧс кыпӧдасны».

Руфа 2:20

«Мед бурсиас сійӧс Господь, коді бур сьӧлӧма ловъяяс да кулӧмаяс дінӧ! – шуис моньыслы Ноеминь. – Тайӧ мортыс миян рӧдысь, миян вӧсна кывкутысь».

Руфа 3:10

Вооз шуис: «Господь мед бурсиас тэнӧ, нылӧй! Ӧні тэ воддза дорсьыд бурджыка на вӧчин – эн кут корсьны гӧль ни озыр том мортӧс.

Руфа 3:12

Дерт, ме верма босьтны тэ вӧсна кывкутӧм, но миян рӧдвужын эм на матыссаджык морт, кодлы колӧ тэ вӧсна кывкутӧмсӧ босьтны.

Руфа 3:8

Войнас Вооз сыркмуніс, бергӧдчис да аддзис кок улас куйлысь аньӧс.

Руфа 4:4

Та йылысь ме кӧсйи сёрнитны тэкӧд. Тані пукалысьяс да войтырлӧн юрнуӧдысьяс дырйи тэ верман ньӧбны мусӧ. А он кӧ кӧсйы ньӧбны, висьтав, медым ме тӧді. Тэысь водзджык некод оз вермы ньӧбнысӧ, а он кӧ ньӧб, ме верма». Рӧдвуж мортыс воча шуис: «Ме ньӧба».

Руфа 4:6

Та бӧрын рӧдвуж мортыс шуис: «Ме ог вермы ньӧбны Ноеминьлысь мусӧ, ӧд менам пиянлы тайӧ муыс оз вудж. Тэ ньӧб тайӧ мусӧ, ме ог вермы».

Ӧксыяслӧн 1 небӧг 25:41

Авигея муӧдзыс копыртчӧмӧн шуис: «Ме дась лоны сылӧн кесйӧгӧн, дась весиг мыськавны ыджыдӧйлӧн кесйӧгъяслысь кокнысӧ».