Руфа 3:7 - Коми Библия 2023

⁷ Вооз сёйис-юис да долыдпырысь водіс узьны нянь тэчас бокӧ. Руфа гусьӧникӧн матыстчис, лэптыштіс Воозлӧн кок увсьыс шебрассӧ да водіс.

Руфа 3:7 Kruisverwysings

Олӧм 43:34

Ӧсип тшӧктіс сетны налы сёянсӧ аслас пызан вылысь, а Веняминлы мукӧд сертиыс – вит пӧв унджык. Вокъяс юисны да гажӧдчисны Ӧсипкӧд ӧтвылысь.

Ӧксыяслӧн 2 небӧг 13:28

Аслас кесйӧгъяслы Авессалом шуис: «Видзӧдӧй Амнон бӧрся, и кор сійӧ коддзас, ме тшӧкта тіянлы вины сійӧс. Энӧ полӧй, ӧд тайӧ менам тшӧктӧм. Лоӧй повтӧмӧсь да зумыдӧсь!»

Ӧксыяслӧн 3 небӧг 21:7

Езавель гӧтырыс шуис: «Абу ӧмӧй тэ ӧксыыс Израильын? Чеччы, сёй да лӧнь. Ме сета тэныд изреельса Навотлысь виноград йӧрсӧ».

Эсфир 1:10

Сизимӧд луннас винаысь гажмӧм Артаксеркс ӧксы корис ас дінас ассьыс сизим кесъялысь евнукӧс: Мехуманӧс, Биззетӧс, Харвонӧс, Бигтайӧс, Авагтайӧс, Зетарӧс да Каркасӧс.

Псалтыр 104:15

«Энӧ вӧрӧдӧй Менсьым мавтыштӧмаясӧс, Менам пророкъяслы энӧ вӧчӧй лёксӧ».

Еклесиаст 10:19

Гажтӧ вӧчӧны нимкодясьӧм могысь, и винаыд олӧмтӧ гажӧдӧ, но ставсьыс мынтысьӧ сьӧм.

Еклесиаст 2:24

Мырсян-пессян олӧмас мортлы сёйӧм-юӧм да нимкодясьӧм дорысь бурджыкыс абу. Ме гӧгӧрвои, мый и тайӧ – Енсянь.

Еклесиаст 8:15

Ме ошки нимкодясьӧм, ӧд мортлы сёйӧм-юӧмысь да нимкодясьӧмысь бурджыкыс шонді улас абу. Нимкодясьӧмыс лоӧ сыкӧд став олан лунъяс чӧжыс, мыйтӧм Енмыс сетӧ сылы мырсьыны-пессьыны шонді улас.

Еклесиаст 9:7

Та вӧсна нимкодясьӧмӧн сёй няньтӧ, долыд сьӧлӧмӧн ю винатӧ, ӧд тайӧс Енмыс сетӧма тэныд.

1 Коринфӧ 10:31

Та вӧсна сёянныд-ӧ, юанныд-ӧ али нӧшта мыйкӧ вӧчанныд – ставсӧ вӧчӧй Енмӧс ошкӧм могысь.

Ефесӧ 5:18

Энӧ коддзӧдчӧй винаӧн, ӧд тасянь овлӧ олӧмас лэдзчысьӧмыс. Мӧдарӧ, сетӧй Ловлы тыртны асьнытӧ.

Ёрдысьяс 16:25

Войтырыс ёна гажмис. Найӧ шуисны, вайӧдӧй пӧ Самсонӧс дзескыдінысь, мед сійӧ гажӧдыштас миянӧс. Самсонӧс вайӧдісны, и йӧзыс кутісны тешитчыны сы вылын. Сійӧс сувтӧдісны кык сюръя костӧ.

Ёрдысьяс 19:22

Кор найӧ гажаа коллялісны кадсӧ, шогмытӧм йӧз кытшалісны пӧрысь мортлысь керкасӧ. Найӧ игӧдчисны ӧдзӧсас да шуисны пӧрысь мортлы, керка кутысьлы: «Петкӧд татчӧ тэ ордӧ локтысьӧс! Ми кӧсъям узьны сыкӧд».

Ёрдысьяс 19:6

Найӧ кыкӧн пуксисны да сёйисны-юисны. Гӧтырыслӧн батьыс шуис левитлы: «Кольччы нӧшта ӧти вой кежлӧ, бурпӧт олышт на».

Ёрдысьяс 19:9

Сэсся левит чеччис да кӧсйис кесйӧг-гӧтырыскӧд да кесйӧгыскӧд петны туйӧ. Но тесьтыс шуис сылы: «Видзӧдлы, рыт нин воӧ. Узь тані, бурпӧт шойччы. Аски водз асывнас мӧдӧдчанныд гортад».

Руфа 3:6

Руфа муніс гумла вылӧ да вӧчис энькаыслӧн тшӧктӧм серти.

Руфа 3:8

Войнас Вооз сыркмуніс, бергӧдчис да аддзис кок улас куйлысь аньӧс.