Руфа 3:15 - Коми Библия 2023

¹⁵ Руфалы сійӧ шуис: «Вай ассьыд вевттьӧдтӧ, кутышт сійӧс». Руфа кутіс вевттьӧдсӧ, а Вооз кисьтіс сэтчӧ квайт куд тыр ид. Сэсся Вооз пуктіс ид тыра нопсӧ Руфалы пельпом вылас. Та бӧрын Вооз муніс карӧ.

Руфа 3:15 Kruisverwysings

Исай 3:23

Чӧскыд дук пыдди на дорысь кутас ӧвтны лёк дукӧн, вӧнь пыдди налы лоӧ гез, читкыля юрси пыдди – куш плеш, мича паськӧм пыдди – шогалан паськӧм, мичлун пыдди – юръяндзим.

Исай 32:8

А пыдди пуктана морт мӧвпалӧ бур вӧчӧм йылысь, сійӧ зумыда кутчысьӧ бур вӧчӧмас.

Галатӧ 6:10

Эм кӧ на позянлун, вӧчамӧй бурсӧ быдӧнлы, торъя нин эскысь чой-воклы.

Руфа 3:14

Руфа узис асылӧдзыс Воозлӧн кок улын да чеччис югдытӧдзыс на, медым йӧзыс эз аддзывны сійӧс. Вооз мӧвпыштіс: «Мед эськӧ некод оз тӧдмав аньлысь гумла вылӧ волӧмсӧ».

Руфа 3:16

Руфа локтіс энькаыс ордӧ. Энькаыс юаліс: «Но мый, нылӧй?» Руфа висьталіс Воозлӧн кӧсйысьӧм йылысь.