Руфа 2:13 - Коми Библия 2023

¹³ Руфа вочавидзис: «Ыджыдӧй, тэ зэв бур сьӧлӧма ме дінӧ. Ме ог шогмы лоны тэныд весиг кесйӧг туйӧ. Но тэ бурмӧдін менсьым сьӧлӧмӧс аслад кывъясӧн».

Руфа 2:13 Kruisverwysings

Олӧм 32:6

Юӧр нуысьяс бӧр локтісны Яков дінӧ да шуисны: «Ми ветлім тэнад Исав вокыд дінӧ. Сійӧ ачыс локтӧ тэнӧ вочаавны, и сыкӧд локтӧ нёльсё морт».

Олӧм 33:10

«Ог, – шуис Яков. – Ло бур сьӧлӧма ме дінӧ да сибӧд менсьым козинӧс. Ме локті тэ водзӧ, кыдзи Ен водзӧ локтӧны, и тэ бура сибӧдін менӧ.

Олӧм 33:15

Исав шуис: «Коля тэ дінӧ ассьым некымын мортӧс». Яков шуис: «Оз ков! Меным тырмана, мый тэ бур сьӧлӧма ме дінӧ, ыджыдӧй!»

Олӧм 33:8

Исав юаліс: «Чукӧр бӧрся чукӧр меным воча локтісны пемӧсъясыд. Мыйла тэ ыстін найӧс?» Яков шуис: «Медым тэ вӧлін бур сьӧлӧма ме дінӧ, ыджыдӧй».

Олӧм 34:3

Сикемӧс кутіс кыскыны Яковлӧн Дина нылыс дінӧ. Дина лои муса Сикемлы, и сійӧ зілис бурасьны Динакӧд.

Олӧм 43:14

Ставсӧвермысь Ен мед сетас сійӧ мортыслы бур сьӧлӧм, мед лэдзас Симеонӧс да Веняминӧс бӧр локны тіянкӧд. А меным кӧ шуӧма лоны челядьтӧг, мед лоӧ сідзи».

Ӧксыяслӧн 2 небӧг 16:4

Сэки ӧксы шуис Сивейлы: «Ставыс, мый ӧнӧдз вӧлі Мепибошетлӧн, лоӧ тэнад». Сивей копыртчылӧмӧн воча шуис: «Ӧксыӧй-ыджыдӧй, тэ бур сьӧлӧма ме дінӧ! Мед и водзӧ лоас тадзи».

Шусьӧгъяс 15:33

Господьысь полӧмыд мывкыдлун сетӧ, раммӧдчӧм бӧрти пыдди пуктӧм воӧ.

Осий 2:16

Сійӧ лунӧ, – висьталӧ Господь, – Израиль шыасяс Ме дінӧ: «Верӧсӧй», и водзӧ оз нин шу Меным: «Ваалӧй».

Филипӧ 2:3

Нинӧм энӧ вӧчӧй асьнытӧ петкӧдлӧм могысь да вылӧ кыпӧдчӧм могысь. Быдӧн мед рам сьӧлӧмӧн пуктӧ мӧдсӧ ассьыс вылӧджык

Ёрдысьяс 19:3

Верӧсыс босьтіс аскӧдыс кесйӧгсӧ, кык осёлӧс да муніс кесйӧг-гӧтырысла. Сійӧ кӧсйис бурасьны кесйӧг-гӧтырыскӧд да корны сійӧс бӧр ас дінас. Верӧссӧ аддзӧм бӧрын ань нуӧдіс сійӧс бать керкаас.

Руфа 2:12

Тэнад бур вӧчӧмысь мед тырвыйӧ мынтысяс тэныд Господь, Израильлӧн Ен, кодлӧн борд улӧ тэ пырин, медым аддзыны аслыд дорйӧм».

Руфа 2:14

Пажын кадӧ Вооз корис Руфаӧс, медым локтас да босьтас нянь, кӧтӧдлас уксуса ваӧ да сёяс. Руфа пуксис ид вундысьяскӧд орччӧн. Вооз мыччис сылы пражитӧм тусь. Руфа сёйис пӧттӧдзыс, да сылӧн тусьыс коли на.

Ӧксыяслӧн 1 небӧг 1:18

Анна шуис: «Ло бур сьӧлӧма аслад кесйӧг дінӧ». Сэсся Анна муніс, кутіс сёйны, и эз нин шогсьы воддза мозыс.

Ӧксыяслӧн 1 небӧг 25:41

Авигея муӧдзыс копыртчӧмӧн шуис: «Ме дась лоны сылӧн кесйӧгӧн, дась весиг мыськавны ыджыдӧйлӧн кесйӧгъяслысь кокнысӧ».