Руфа 1:2 - Коми Библия 2023

² Тайӧ мортсӧ шуисны Элимелек, гӧтырсӧ – Ноеминь, пиянсӧ – Махлон да Килион. Найӧ вӧліны иудаса Виплием-Епрафа карысь.

Руфа 1:2 Kruisverwysings

Олӧм 35:19

Ракель куліс. Сійӧс дзебисны Виплием-Епрафаӧ мунан туй бокӧ.

Микей 5:2

Виплием-Епрафа, тэ Иуда рӧдысь медічӧтыс! Но Виплием карысь петас Меным Сійӧ, коді лоӧ Израильын Юралысьӧн. Сылӧн петӧм-чужӧмыс важысянь на, нэмъяс пуксьытӧдз.

Ёрдысьяс 17:7

Иуда муын Виплием карын, Иуда чужанкотыр пӧвстын, оліс ӧти том левит.

Ёрдысьяс 3:30

Сійӧ лунӧ израильсаяс вермисны моавсаясӧс. Кӧкъямысдас во чӧж Израиль муын эз вӧвны тышъяс. [Эхуд кувтӧдзыс вӧлі Израиль войтырлы ёрдысьӧн.]

Руфа 1:3

Элимелек куліс, и Ноеминь ӧтнасӧн колис пияныскӧд.

Руфа 1:5

Махлон да Килион кулісны. Ноеминь колис верӧстӧг да пиянтӧг.

Руфа 2:1

Ноеминьлӧн Элимелек верӧс рӧдын вӧлі Вооз нима морт. Сійӧ вӧлі озыр да пыдди пуктана.

Руфа 4:9

Вооз шуис юрнуӧдысьяслы да став йӧзыслы: «Ӧні ті кылінныд, мый ме ньӧба Ноеминьлысь ставсӧ, мый вӧлі Элимелеклӧн, Килионлӧн да Махлонлӧн.

Ӧксыяслӧн 1 небӧг 1:1

Ефрем керӧсвыв муын, Раматаим-Зофим карын, оліс Элкан нима морт. Рӧднас сійӧ вӧлі Епрафаысь. Сійӧ вӧлі Ерохамлӧн пи, Ерохам – Элихулӧн, Элиху – Тохулӧн, Тоху – Цуфлӧн.

Ӧксыяслӧн 1 небӧг 17:12

Давид вӧлі Иуда муысь Виплием-Епрафа карысь Ессейлӧн пи. Ессейлӧн вӧлі кӧкъямыс пи. Сауллӧн ӧксыалан кадӧ Ессей вӧлі пӧрысь нин, сійӧ вӧлі войтырыслӧн ыджыдъясысь ӧти.

Ӧксыяслӧн 1 небӧг 17:21

Израильсаяс да филистимсаяс сулалісны ӧта-мӧдныслы воча.