7 Ӧд коді куліс, сійӧ мыніс мыжыслӧн кипод улысь.
Морт Пи локтіс, сёйӧ-юӧ, Сы йылысь шуӧны, рушку тыртысь да вина юысь пӧ, вот перйысьяскӧд да мыжаяскӧд ёртасьысь пӧ. Мывкыдлунсӧ пыдди пуктӧны мывкыдлуныслӧн челядь».
Ми кулім мыжыслы, позьӧ ӧмӧй водзӧ овны мыжас?
Ми кӧ кулім Кристоскӧд, эскам, мый пондам и овны Сыкӧд.
Верӧс сайӧ петӧм аньӧс Индӧдыс кӧрталӧ ловъя верӧсыскӧд. Верӧсыс кӧ кулӧ, сійӧ мынӧ кӧрталан Индӧдсьыс.
Тадзи тшӧтш ті, вокъясӧй, Кристос вир-яйӧ йитчӧмнаныд кулінныд Индӧдыслы да лоинныд Мӧдыслӧн, кулӧмысь Ловзьысьыслӧн, медым вайны Енлы вотӧс.
Сідзкӧ, ӧні абу некутшӧм мыждӧм Исус Кристос пытшкын олысьяслы, кодъяс олӧны Лов серти, а оз вир-яй серти.
Кристос вир-яйнас нуис сьӧкыдсӧ миян вӧсна. Сідзкӧ, ті тшӧтш лоӧй дасьӧсь нуны сьӧкыдсӧ, медым коляс кадсӧ тайӧ му вылас олінныд Ен кӧсйӧм серти, энӧ нин асланыд лёк кӧсйӧм серти. Ӧд вир-яйнас сьӧкыдалысь ылыстчӧ мыж вӧчӧмысь.
