Римӧ 6:4 - Коми Библия 2023

⁴ Пыртчӧмнаным ми кулім Кристоскӧд да миянӧс вӧлі гуалӧма Сыкӧд. Но Батьыслӧн дзирдлунӧн Кристосӧс вӧлі ловзьӧдӧма, та вӧсна ми тшӧтш вермам овны выль олӧмӧн.

Римӧ 6:4 Kruisverwysings

Иоан 11:40

Исус шуис Марпалы: «Эг ӧмӧй тэныд шулы, мый эскан кӧ, аддзан Енлысь дзирдлунсӧ?»

Иоан 2:11

Тайӧ медводдза шензьӧданаторсӧ Исус вӧчис Канаын, галилеяса карын. Тадзи петкӧдліс Сійӧ Ассьыс дзирдлунсӧ, и велӧдчысьясыс кутісны эскыны Сылы.

Ап. уджъяс 2:24

Но Енмыс ловзьӧдіс Сійӧс да мездіс кулӧмыслӧн вын улысь. Кулӧмыс эз вермы Сійӧс кутны.

Ап. уджъяс 2:32

Дзик тайӧ Исусӧс Енмыс ловзьӧдіс, и ми ставным тайӧс аддзылім.

Римӧ 6:19

Ме сёрнита тіянкӧд быдлунъя олӧмсьыс босьтӧм кывъясӧн, медым ті верминныд гӧгӧрвоны менӧ. Водзын кӧ ті вир-яйныдлысь быд юкӧн сетінныд пежыслы вӧчны лёк уджъяс, ӧні быд юкӧн сетӧй веськыдлуныслы вӧчны вежа уджъяс.

Римӧ 6:3

Онӧ ӧмӧй тӧдӧй, мый ми ставным пыртчиганым йитчим Исус Кристоскӧд да Сылӧн кулӧмкӧд?

Римӧ 6:8

Ми кӧ кулім Кристоскӧд, эскам, мый пондам и овны Сыкӧд.

Римӧ 6:9

Ми тӧдам: ловзьӧм бӧрас Кристос оз нин кув, ӧд кулӧмыс Сы вылын оз нин ыджыдав.

Римӧ 7:6

Ӧні ми кулім Индӧдыслы, мынім сылӧн став кӧртӧдысь. Ми кесъялам Енмыслы выль ногӧн, Лов серти, а огӧ важ мозыс, Индӧдлӧн шыпас серти.

Римӧ 8:11

Тіян пытшкын кӧ олӧ Енлӧн Лолыс, коді ловзьӧдіс Исусӧс кулӧмысь, сідзкӧ, Кристосӧс Ловзьӧдысь ловзьӧдас тшӧтш тіянлысь кулана вир-яйнытӧ сійӧ Ловнас, коді олӧ тіян пытшкын.

1 Коринфӧ 6:14

Енмыс ловзьӧдіс Господьӧс, Аслас вынӧн Сійӧ ловзьӧдас тшӧтш миянӧс.

2 Коринфӧ 13:4

Крестӧ тувъялігӧн Сійӧ вӧлі вынтӧм, ӧні Ен вынӧн Сійӧ ловъя. Ми Кристос пытшкынӧсь, сідзкӧ, ми тшӧтш вынтӧмӧсь, но Сыкӧд олам Ен вынӧн, медым кесъявны тіянлы.

2 Коринфӧ 5:17

Сідзкӧ, коді Кристос пытшкын, сійӧ – выль олысь. Важыс кольӧма, ӧні ставыс выль.

Ефесӧ 4:17

Ме ёна кора тіянӧс Господь нимӧн: водзӧ энӧ нин олӧй ентӧдтӧмъяс моз. Налӧн мӧвпъясыс ковтӧмӧсь,

Ефесӧ 5:8

Коркӧ ті вӧлінныд пемыдӧн, ӧні ті Господь пытшкынӧсь да лоинныд югыднас. Сідзкӧ, олӧй югыдыслӧн ныв-пи моз.

Колосӧ 3:10

да вежсинныд выль мортӧ. Татшӧм мортыс выльмӧ, медым тӧдны ассьыс Вӧчысьсӧ да лоны Сы кодьӧн жӧ.

Колосӧ 4:1

Ыджыдъяс, лоӧй веськыдӧсь кесйӧгныдкӧд, быдӧнӧс сибӧдӧй ӧтмоза. Тӧдӧй, енэжас тіян вылын тшӧтш эм Ыджыдыс.

1 Петыр 3:21

Тайӧ лоӧмторйыс индӧ миян пыртчӧм вылӧ, мый абу вир-яй вылысь няйт мыськӧм, но сӧстӧм сьӧлӧмсянь Енлы кӧсйысьӧм. Пыртчӧм пыр ми мездмам Исус Кристослӧн ловзьӧм вӧсна.

1 Иоан 2:6

Сылы, коді шуӧ, ме пӧ Сы пытшкын, колӧ овны Сы моз.