Римӧ 6:13 - Коми Библия 2023

¹³ Вир-яйныдлысь весиг ӧти юкӧн энӧ сетӧй мыжыслы лёксӧ вӧчӧм вылӧ. Ӧні ті – кулӧмысь ловзьӧмаяс. Сідзкӧ, сетӧй асьнытӧ да вир-яйныдлысь быд юкӧн Енмыслы, мед вӧчны веськыд уджъяс.

Римӧ 6:13 Kruisverwysings

2 Каднебӧг 30:8

Ӧні батьясныд моз энӧ асныралӧй. Сетчӧй Господьлы да локтӧй Сылӧн крамӧ, кодӧс Сійӧ вежӧдіс пыр кежлӧ. Кесъялӧй Господьлы, асланыд Енлы, и Сійӧ вештас тіян вылысь Ассьыс ыпъялан скӧрлунсӧ.

Шусьӧгъяс 12:18

Думышттӧг шуӧмыд шыпурт моз сатшкӧ, а мывкыд мортлӧн сёрниыс бурдӧдӧ.

Исай 55:7

Лёк вӧчысь мед бергӧдчас аслас лёк туй вылысь, мыж вӧчысь мед эновтчас аслас лёк мӧвпъясысь, сійӧ мед бергӧдчас Господь дінӧ, ӧд Господь бур сьӧлӧма, мед локтас миян Ен дінӧ, ӧд Сійӧ прӧститӧ.

Езекиль 18:4

Став йӧзыс Менам киын. Батьыслӧн и пиыслӧн олӧмыс – Менам киын. Коді мыжсӧ вӧчис, сійӧ и кулас.

Даниил 3:28

Тэ веськыда мыждін миянӧс да миян батьяслысь вежа Ерусалим карсӧ, Тэ мыждін Аслад збыльыд серти, миян мыжъяс вӧсна став тайӧ сьӧкыдсӧ Тэ мӧдӧдін миянлы.

Лука 15:24

Менам пиӧй вӧлі кулӧма, а ӧні ловъя, вӧлі вошӧма, а ӧні сюрис”. Ставныс пондасны гажӧдчыны.

Лука 15:32

Вокыд вӧсна колӧ гажӧдчыны-нимкодясьны, ӧд сійӧ вӧлі кулӧма, а ӧні ловъя, вӧлі вошӧма, а ӧні сюрис”».

Иоан 5:24

Веськыда, веськыда висьтала тіянлы: коді кывзӧ Менсьым кывъясӧс да эскӧ Менӧ Мӧдӧдысьлы, сылӧн эм помтӧм олӧм. Сійӧс оз кутны мыждыны, кулӧмсьыс сійӧ вуджис нин олӧмас.

Римӧ 1:29

Найӧ тырӧмаӧсь быдпӧлӧс ылӧгнас да лёкнас. Кырсалӧны, горшасьӧны, лӧгалӧны, вежалӧны, виӧны, вензьӧны, пӧръясьӧны да лёксьӧны.

Римӧ 12:1

Вокъяс, Енлӧн ыджыд буралӧмыс вӧсна кора тіянӧс: сетӧй асьнытӧ Енлы ловъя, вежа да шогмана вись пыдди. Тайӧ лоӧ бур мывкыда кесъялӧм Енмыслы.

Римӧ 6:11

Тадзи ті лыддьӧй асьнытӧ мыжыслы кулӧмаӧн, а Енмыслы Исус Кристос пытшкын ловъяӧн.

Римӧ 6:16

Ті ӧмӧй онӧ тӧдӧй: кодлы ті сетанныд асьнытӧ кесъявны, сылӧн ті и кесйӧгъяс. Кывзысянныд кӧ мыжыслысь – куланныд, Енмыслысь кӧ кывзысянныд – веськыдӧн лоанныд.

Римӧ 6:19

Ме сёрнита тіянкӧд быдлунъя олӧмсьыс босьтӧм кывъясӧн, медым ті верминныд гӧгӧрвоны менӧ. Водзын кӧ ті вир-яйныдлысь быд юкӧн сетінныд пежыслы вӧчны лёк уджъяс, ӧні быд юкӧн сетӧй веськыдлуныслы вӧчны вежа уджъяс.

Римӧ 7:23

но вир-яйысь ме аддза мӧдпӧлӧс индӧд. Сійӧ паныд сувтӧ пытшкӧсса индӧдлы да кӧрталӧ менӧ вир-яйын олысь мыжыслӧн индӧдӧн.

Римӧ 7:5

Тшыкӧм вир-яйын оліганым лёк кӧсйӧмыс ыджыдаліс миян пытшкын Индӧдыс отсӧгӧн, сэки ми вайим вотӧс кулӧмыслы.

1 Коринфӧ 6:15

Ті ӧмӧй онӧ тӧдӧй, мый тіян вир-яйныд – Кристос вир-яйлӧн юкӧн? Сідзкӧ, босьта ӧмӧй Кристос вир-яйлысь юкӧнсӧ да йита сійӧс кырсалысь анькӧд? Ен мед видзас!

1 Коринфӧ 6:20

Енмыс ньӧбис тіянӧс ыджыд дон вылӧ. Сідзкӧ, ошкӧй Енсӧ вир-яйнад и ловнад, ӧд ставыс Сылӧн.

1 Коринфӧ 6:9

Ті ӧмӧй онӧ тӧдӧй, мый лёксӧ вӧчысьяслы оз вичмы Енлӧн Юраланіныс. Энӧ ылӧдлӧй асьнытӧ! Кырсалысьлы, идоллы юрбитысьлы, гозъякост олӧм пежалысьлы, пеж оласногалы, ӧта-мӧдныскӧд узьлысь айуловлы,

2 Коринфӧ 10:4

Миян вермасянторным абу мортсянь, сыын эм Енлӧн выныс. Ми жугӧдам сійӧн чорыд мытшӧдъяс, ковтӧм мӧвпъяс,

2 Коринфӧ 5:14

Миянӧн веськӧдлӧ Кристослӧн муслуныс, сійӧн ми мӧвпалам, мый ӧти кӧ куліс ставныс вӧсна, сідзкӧ, ставныс кулісны.

2 Коринфӧ 5:15

Кристос куліс ставныс понда, медым олысьяс эз нин ас вӧснаныс овны, но олісны на понда Кулысь да Ловзьысь вӧсна.

2 Коринфӧ 8:5

Найӧ сетісны ёна унджык миян виччысьӧм дорысь. Ен кӧсйӧм серти найӧ сиисны асьнысӧ медводз Господьлы, сэсся миянлы.

Ефесӧ 2:5

Миянӧс, лёк вӧчӧм вӧсна кулӧмаясӧс, Сійӧ ловзьӧдіс Кристоскӧд. Сылӧн буралӧмыс мездіс тіянӧс.

Ефесӧ 5:14

Сійӧн и шуӧма: – Садьмы, узьысь, ловзьы кулӧмысь, и тэнӧ югдӧдас Кристос.

Индӧд 25:16

Господьлы, тіян Енлы, зывӧк быдӧн, коді тадзи ылӧдчӧ.

Филипӧ 1:20

Лача кута, мый меным нинӧмысь лоӧ яндысьнысӧ, но воддза мозыс лоа повтӧмӧн да кута водзӧ вайны Кристослы ошкӧмсӧ аслам вир-яйын – олӧмӧн али кулӧмӧн.

Колосӧ 2:13

Тіянӧс, мыжъясныд да вундыштчытӧмныд вӧсна кулӧмаясӧс, Енмыс ловзьӧдіс Кристоскӧд. Сійӧ прӧститіс миянлысь став лёк вӧчӧмнымӧс,

Колосӧ 3:5

Та вӧсна бырӧдӧй ас пытшсьыныд мувывсасӧ: кырсалӧм, пеж оласног, лёкколӧм, лёк вылӧ ыштӧм да горшасьӧм. Горшасьӧмыс лоӧ сійӧ жӧ мый идоллы юрбитӧм.

2 Фессалоникаӧ 2:12

Тадзи лоӧ мыждӧма быдӧнӧс, коді радейтӧ ылӧгсӧ да оз эскы збыльыслы.

2 Тимофейлы 2:15

Тӧждысь шогмыны Енлы, аслад уджысь эн яндысь, збыльсӧ висьтав веськыда.

Яков 4:1

Кытысь артмӧ тіян пӧвстын лёксьӧмыс да вензьӧмыс? Оз-ӧ чужны найӧ тіян вир-яйын ыпъялан-тышкасян ыштӧмъяссянь?

1 Петыр 2:24

Миянлысь мыжъяснымӧс Аслас вир-яйын Сійӧ кыпӧдіс крест вылӧ, медым ми дугдім вӧчны мыжсӧ да олім веськыда. Сылӧн дойясӧн ті бурдінныд.

1 Иоан 1:9

А висьтасям кӧ мыж вӧчӧмысь, сэки веськыд да эскана Ен прӧститӧ мыжнымӧс да весалӧ миянӧс быд лёкысь.