Римӧ 4:15 - Коми Библия 2023

¹⁵ А Индӧдсӧ торкалӧмысь лэччӧ Енлӧн скӧрлун. Эз кӧ вӧв Индӧдыс, эз вӧв и Индӧдсӧ торкалӧмыс.

Римӧ 4:15 Kruisverwysings

Ӧксыяслӧн 4 небӧг 22:13

«Мунӧй да юалӧй Господьлысь, мый меным да менам войтырлы колӧ вӧчны. Юалӧй, мый Иуда войтырлы колӧ вӧчны тайӧ небӧгас гижӧмаыс серти. Ӧд Господьлӧн ыджыд скӧрлуныс ыпнитіс миян вылӧ сыысь, мый миян батьяс эз кывзысьны да эз овны тайӧ небӧгас гижӧм кывъясыс серти».

Еремей 4:8

Та вӧсна пасьталӧй ассьыныд шогалан паськӧмнытӧ, сыркъялӧй-бӧрдӧй, ӧд Господьлӧн яр скӧрлуныс абу вешйӧма миян дінысь.

Бӧрданкыв 2:22

Гаж вылӧ моз быдласянь Тэ вайӧдін бырӧдысьӧс. Господьлӧн скӧралан лунӧ некод эз мездмы, некод ловйӧн эз коль. Найӧс, кодъясӧс ме чужті-быдті, бырӧдіс менӧ мустӧмтысь.

Езекиль 7:19

Найӧ эзысьнысӧ ывлаӧ шыбитасны, зарнинысӧ пежӧн лыддясны. Господьлӧн скӧралан лунӧ эзысь ни зарни оз мезды найӧс, ӧд эзысь-зарнитӧ он сёй, кынӧмтӧ наӧн он пӧткӧд. Буретш эзысь-зарниӧ найӧ крукасисны, мыжас вӧйисны.

Софоний 1:18

Господьлӧн скӧралан лунӧ налӧн эзысь-зарниныс оз вермы мездыны найӧс, Господьлӧн скӧрлуна биыс бырӧдас ставнас мусӧ, Сійӧ виччысьтӧг бырӧдас му вылас став олысьсӧ.

Лыд 32:14

И ӧні ті, мыж вӧчысьяслӧн йылӧм, батьясныд моз кыпӧдчинныд паныд, медым Господьлӧн скӧрлуныс ёнджыка на ыпнитіс Израиль вылӧ!

Иоан 15:22

Эг кӧ Ме лок да эг сёрнит накӧд, найӧ эськӧ эз вӧвны мыжаӧсь. Ӧні найӧ оз вермыны шуны, мый абу мыжаӧсь.

Иоан 3:36

Коді эскӧ Пиыслы, сылӧн эм помтӧм олӧм. Коді оз эскы Пиыслы, сылӧн оз ло олӧмыс, но Енлӧн скӧрлуныс лоӧ сы вылын.

Римӧ 1:17

Бур Юӧрыс восьтӧ Енлысь веськыдлунсӧ эскӧмсянь да эскӧм пыр. Гижӧма: «Веськыда олысь эскӧмнас кутас овны».

Римӧ 5:13

Дерт, Индӧдсӧ сеттӧдз мыжыс вӧлі нин муюгыдас, но Индӧдтӧгыс мыж вӧчӧмыс оз лыддьыссьы мыжӧн.

1 Коринфӧ 15:56

Кулӧмыслӧн чушканыс – мыж, а мыжыслы вынсӧ сетӧ Индӧд.

Галатӧ 3:10

А Индӧдӧ кутчысьысьяс ёрӧм улынӧсь. Ӧд гижӧма: «Ёрӧм улӧ веськалӧ быдӧн, коді оз ов став тшӧктӧмыс серти, мый гижӧма Индӧд небӧгӧ».

Галатӧ 3:19

Мыйла, сідзкӧ, колӧ Индӧдыс? Сійӧс сетӧма вӧлі бӧрынджык йӧзыслӧн мыж вӧчӧм вӧсна, и вӧлі вына кӧсйысьӧм серти чужысьлӧн локтӧдз. Индӧдсӧ сетӧма анделъяс пыр да шӧракостас сулалысьлӧн киӧн.

Ефесӧ 5:6

Некод мед оз ылӧдлы тіянӧс ковтӧм сёрниӧн, ӧд таысь кывзысьтӧмъясӧс суас Енлӧн скӧрлуныс.

Колосӧ 3:6

Тадзи олӧмысь кывзысьтӧм йӧз вылӧ лэччӧ Енлӧн скӧрлуныс.

1 Иоан 3:4

Мыжсӧ вӧчысь торкӧ Индӧдсӧ, ӧд мыжыс и эм Индӧд торкӧм.

Восьтӧм 19:15

Вӧв вылын Пукалысьлӧн вомысь петіс ёсь шыпурт. Шыпуртнас Сійӧ кутас бытшкавны войтыръясӧс, кӧрт беддьӧн веськӧдлыны наӧн. Пычкан гуын кутас талявны виноград – дасьтыны Ставсӧвермысь Енлысь скӧрлуна винасӧ.