Римӧ 3:22 - Коми Библия 2023

²² Исус Кристослы эскӧм пыр сетӧма веськыдлунсӧ быд эскысьлы, Енмыс некодӧс оз торйӧд.

Римӧ 3:22 Kruisverwysings

Исай 61:10

Ме долыда нимкодяся Господь йылысь, менам лолӧй нимкодясьӧ менам Ен йылысь, ӧд Сійӧ пасьтӧдіс менӧ мездмӧмыслӧн паськӧмӧн, вевттис менӧ веськыдлуныслӧн кышанӧн, верӧспулы моз пуктіс менам юр вылӧ мича юрвевттьӧд, гӧтырпуӧс моз мичмӧдіс менӧ мичмӧданторъясӧн.

Еремей 23:6

Сылӧн веськӧдлан лунъясӧ Иуда войтыр мездмас, Израиль войтыр кутас повтӧг овны. Сылӧн нимыс лоӧ ”Господь – миян веськыдлуныс”.

Даниил 9:24

Сизимдасысь сизим во индӧма тэнад войтырлы да тэнад вежа карлы, медым дугӧдны лёкнога олӧмсӧ, пуктыны пом лёк вӧчӧмлы да вештыны мыжсӧ, медым пыр ыджыдаліс веськыдлун, медым вынсьӧдны аддзылӧм-петкӧдчылӧмъяс да пророклысь кывсӧ, мавтыштны Вежасьыс-вежаинсӧ.

Лука 15:22

Батьыс тшӧктас кесйӧгъясыслы: ”Вайӧй медбур паськӧмсӧ да пасьтӧдӧй менсьым пиӧс, чунькытшӧдӧй да кӧмӧдӧй сійӧс.

Ап. уджъяс 11:12

Лов тшӧктіс меным майшасьтӧг мунны накӧд. Мекӧд тшӧтш мунісны тайӧ квайт вокыс. Кор ми локтім сійӧ мортыс ордӧ,

Ап. уджъяс 15:9

Сылӧн син водзын миян да на костын абу некутшӧм торъялӧм, эскӧм понданыс Сійӧ сӧстӧммӧдіс налысь сьӧлӧмнысӧ.

Ап. уджъяс 3:16

Исуслӧн нимыс да Сылӧн нимӧ эскӧмыс ёнмӧдіс тайӧ мортсӧ, кодӧс ті ӧні аддзанныд да бура тӧданныд. Исус сетіс сылы эскӧм, и тайӧ эскӧмыс бурдӧдіс сійӧс тіян син водзын.

Римӧ 1:17

Бур Юӧрыс восьтӧ Енлысь веськыдлунсӧ эскӧмсянь да эскӧм пыр. Гижӧма: «Веськыда олысь эскӧмнас кутас овны».

Римӧ 10:12

Иудейяс да грекъяс костын торъялӧмыс абу. Быдӧнлӧн ӧти Господь. Сійӧ лышкыда сетӧ быдӧнлы, коді шыасьӧ Сы дінӧ.

Римӧ 10:4

Кристос – Индӧдыслӧн пом. Сідзкӧ, быдӧн, коді эскӧ Сылы, лоӧ веськыдӧн.

Римӧ 2:1

Мортӧй, тӧд, мый мӧдӧс мыждігӧн тэ он вермы дорйысьны. Мӧдӧс мыждӧмнад тэ асьтӧ мыждан, ӧд ачыд тшӧтш сы моз олан.

Римӧ 3:30

Енмыс ӧти. Вундыштчӧмаӧс и вундыштчытӧмӧс Сійӧ вӧчӧ веськыдӧн эскӧм пыр.

Римӧ 4:16

Кӧсйысьӧмыс подуласьӧ эскӧм вылӧ, медым сійӧ вӧлі буралӧмсянь. Тадзи кӧсйысьӧмыс вына Ӧвраамсянь став чужысьыслы, абу сӧмын Индӧд улын олысьяслы, но и Ӧвраам моз эскысьяслы. Ӧвраам – ставнымлы бать.

Римӧ 8:1

Сідзкӧ, ӧні абу некутшӧм мыждӧм Исус Кристос пытшкын олысьяслы, кодъяс олӧны Лов серти, а оз вир-яй серти.

Римӧ 9:30

Сідзкӧ, мый артмӧ? Ентӧдтӧмъяс эз корсьлыны веськыдлунсӧ, но босьтісны сійӧс эскӧм пыр.

1 Коринфӧ 12:13

Ӧд ми: иудейяс и грекъяс, кесйӧгъяс и мездлуна йӧз – ставным пыртчим ӧти Лов отсӧгӧн ӧти вир-яйӧ, ставным юим ӧти Ловсянь.

1 Коринфӧ 4:7

Тэ ӧмӧй бурджык мукӧдсьыс? Енлӧн сетӧмыс кындзи тэнад ӧмӧй эм мыйкӧ аслад? Абу кӧ, сідзкӧ, мыйла ошйысян, мый ставыс тэнад.

Галатӧ 2:16

Ми тӧдам, мый мортсӧ веськыднас вӧчӧ Исус Кристослы эскӧм, а оз Индӧд серти уджъясыс. Ми эским Исус Кристослы, медым вӧлім веськыдӧсь Кристослы эскӧмӧн, а эгӧ Индӧд серти уджъясӧн. Ӧд Индӧд серти уджъяс некодӧс оз вӧчны Ен водзас веськыдӧн.

Галатӧ 2:20

Ӧні ог нин ме ов, но олӧ ме пытшкын Кристос. Ме кӧ ола тайӧ вир-яяс на, ола Ен Пилы эскӧмӧн. Сійӧ сетіс Асьсӧ ме вӧсна, ӧд ме Сылы муса.

Галатӧ 3:22

Гижӧдыс йӧртіс ставнысӧ мыж улас. Та вӧсна кӧсйысьӧмасӧ эскысьяс вермасны босьтны Исус Кристослы эскӧм пыр.

Галатӧ 3:28

Иудей-ӧ тэ либӧ грек, кесйӧг-ӧ либӧ мездлуна морт, айлов-ӧ либӧ ань – Исус Кристос пытшкын торъялӧмыс абу.

Ефесӧ 3:12

Ми – Кристос пытшкынӧсь, Сылы эскӧм пыр ми повтӧг-майшасьтӧг вермам локны Ен дінӧ.

Филипӧ 3:9

да лои Сы пытшкын веськыдӧн эг Индӧд серти уджъясӧй вӧсна, а Кристослы эскӧм вӧсна. Ӧд веськыдлунсӧ Енмыс сетӧ мортлы сӧмын Кристослы эскӧм пыр.

Колосӧ 3:11

Грек-ӧ тэ либӧ иудей, вундыштчӧмыд-ӧ либӧ абу вундыштчӧмыд, варвар-ӧ либӧ скиф, кесйӧг-ӧ либӧ мездлуна морт – торъялӧмыс абу. Ставыс да ставас Кристос.

Яков 2:23

Тадзи инісны Гижӧдысь кывъясыс: «Ӧвраам эскис Енлы, та вӧсна Енмыс шуис сійӧс веськыдӧн». Сійӧс шуӧма тшӧтш Енлӧн ёртӧн.