Римӧ 15:3 - Коми Библия 2023

³ Ӧд Кристос эз Ас йывсьыс мӧвпав. Гижӧма: «Тэнӧ омӧльтысьяслӧн лёкӧдӧмыс уси ме вылӧ».

Римӧ 15:3 Kruisverwysings

Матвей 10:25

Велӧдчысьлы тырмымӧн быдмыны велӧдысьыс кодьӧдз, кесйӧглы – ыджыдыс кодьӧдз. Керка кутысьӧс кӧ Вельзевулӧн шуасны, сылысь гортсасӧ лёкджыка на нимтасны.

Матвей 26:39

Ачыс водзлань муныштіс да кымынь уськӧдчӧмӧн кевмысис: «Батьӧй, позьӧ кӧ, вешты Ме дінысь тайӧ чашасӧ. Сӧмын мед лоас Тэнад кӧсйӧм серти, а оз Менам».

Матвей 26:42

Исус мӧдысь муніс да бара кевмысис: «Батьӧй, Ме дінысь кӧ оз позь вештыны тайӧ чашасӧ, Меным кӧ колӧ юны сійӧс, мед лоас Тэнад кӧсйӧм серти».

Матвей 27:44

Тадзи тшӧтш лёкӧдісны Исусӧс орччӧн тувъялӧм лёк вӧчысьяс.

Иоан 15:10

Ме ставсӧ вӧча Батьлӧн тшӧктӧм серти да ола Сылӧн муслун пытшкын. Ті кӧ вӧчанныд Менам тшӧктӧм серти, сэки тшӧтш кутанныд овны Менам муслун пытшкын.

Иоан 15:24

Ме кӧ эг вӧч налӧн син водзын сійӧ уджъяссӧ, кодъясӧс некод эз вӧчлы, сэки эськӧ найӧ эз вӧвны мыжаӧсь. Ӧні найӧ аддзылісны Менсьым уджъясӧс, но Менӧ да Менсьым Батьӧс мустӧмтӧны.

Иоан 4:34

Исус шуис налы: «Менам сёянӧй – ставсӧ вӧчны Менӧ Мӧдӧдысьлӧн кӧсйӧм серти да эштӧдны Сылысь уджсӧ.

Иоан 5:30

Ме нинӧм ог вӧч Ассянь. Ме мыжда сы серти, мый кыла Батьсянь, та вӧсна Менам мыждӧмӧй веськыд. Ӧд Ме ог Ас кӧсйӧм серти вӧч, а Менӧ мӧдӧдысь Батьлӧн кӧсйӧм серти вӧча».

Иоан 6:38

Ме ӧд лэччи енэжсянь эг Ас кӧсйӧм серти вӧчны, но лэччи, медым вӧчны Менӧ мӧдӧдысь Батьлӧн кӧсйӧм серти.

Иоан 8:29

Менӧ Мӧдӧдысьӧй Мекӧд. Батьӧй эз коль Менӧ ӧтнамӧс, ӧд Ме ставсӧ вӧча Сылӧн кӧсйӧм серти».

2 Коринфӧ 8:9

Ті тӧданныд миян Господь Исус Кристослысь буралӧмсӧ. Сійӧ вӧлі озыр, но гӧльмис тіян вӧсна, медым Аслас гӧльлунӧн озырмӧдны тіянӧс.

Филипӧ 2:5

Мӧвпалӧй да вӧчӧй Исус Кристос моз.

Филипӧ 2:8

Асьсӧ Сійӧ улӧ пуктіс, кывзысис весиг кувтӧдзыс, крест вылын кувтӧдзыс.