Римӧ 13:4 - Коми Библия 2023

⁴ Юралысь – Енлӧн кесйӧг, сійӧс пуктӧма тэныд бур вылӧ. Вӧчан кӧ лёксӧ, пов! Оз ӧд весьшӧрӧ сійӧ новлӧдлы шыпурт. Сійӧ – Енлӧн кесйӧг, вермӧ чорыда дойдны лёк вӧчысьӧс.

Римӧ 13:4 Kruisverwysings

Ӧксыяслӧн 3 небӧг 10:9

Ошкӧм Господьлы, тэнад Енлы! Аслас кӧсйӧм серти Сійӧ пуксьӧдіс тэнӧ Израильлӧн юралан пуклӧсӧ. Господь дугдывтӧг радейтӧ Израиль войтырӧс, та вӧсна пуктіс тэнӧ ӧксыӧ, медым тэ юралін да мыждін веськыда».

2 Каднебӧг 19:6

Сійӧ шуис ёрдысьяслы: «Видзӧдӧй ас бӧрсяныд, мый ті вӧчанныд, ӧд мортӧс мыждӧмысь ті кывкутанныд онӧ йӧз водзын, а Господь водзын. Господь лоӧ тіянкӧд ёрд вылын.

Шусьӧгъяс 16:14

Ӧксылӧн скӧрмӧмыс кулӧм вайӧ, но мывкыд морт вермас лӧньӧдны сійӧс.

Шусьӧгъяс 20:2

Ӧксылӧн скӧрлуныс левлӧн равзӧм кодь, сійӧс дӧзмӧдысьыс лёксӧ аслыс вӧчӧ.

Шусьӧгъяс 20:26

Мывкыд ӧксы лёк вӧчысьясӧс тӧлӧдас, вартан гӧгыльӧн на вывті мунас.

Шусьӧгъяс 20:8

Кор ӧксы пукалӧ ёрдысь пуклӧсын, сылӧн син водзысь став лёкыс разалӧ.

Исай 1:17

велӧдчӧй вӧчны бурсӧ! Зільӧй вӧчны веськыда, отсалӧй увтыртӧмалы, дорйӧй батьтӧм-мамтӧмӧс, сувтӧй дӧва дор.

Еремей 5:28

тшӧгнысла найӧ лӧсталӧны, пӧтлытӧг вӧчӧны лёксӧ, найӧ оз веськыда мыждыны, батьтӧм-мамтӧмъясӧс оз дорйыны, гӧльяслы оз отсавны ёрд вылын.

Езекиль 22:27

Ерусалимса юралысьяс кыйдӧс чашйысь кӧинъяс кодьӧсь. Озырмӧдчӧм могысь найӧ вир кисьтӧны да йӧзӧс виалӧны.

Езекиль 25:14

Аслам Израиль войтыр отсӧгӧн Ме водзӧс перъя эдом войтырлысь. Найӧ вӧчасны эдом войтырлы Менам скӧрлун да ярлун серти. Сэки эдомсаяс тӧдмаласны Менсьым водзӧс перйӧмӧс, – висьталӧ Господь Ыджыдыс.

Микей 3:9

Кывзӧй тайӧс, Яков рӧдлӧн юралысьяс, Израиль войтырлӧн веськӧдлысьяс! Веськыда мыждӧмсӧ ті нинӧмӧ пуктанныд, став веськыдсӧ чукльӧдланныд.

Римӧ 12:19

Мусаяс, энӧ перйӧй водзӧс ас вӧснаныд, сетӧй тайӧс вӧчны Енлӧн скӧрлунлы. Ӧд гижӧма: «Ме водзӧс перъя, Ме мынтыся, – висьталӧ Господь. –

Римӧ 13:6

Тайӧ уджыс налӧн Енлы кесъялӧм, та вӧсна ті мынтанныд налы вотсӧ.

1 Фессалоникаӧ 4:6

Эскысь мед оз вӧч лёксӧ мӧд эскысьлы, оз ылӧдлы сійӧс, ӧд Господь мыждас таысь. Та йылысь висьтавлім нин тіянлы да ӧлӧдлім тіянӧс.

Нав Исус 20:5

Вир кисьтӧм вӧсна вӧтӧдысь морт кӧ локтас сэтчӧ, морт виысьӧс мед оз сетны сы киӧ. Ӧд сійӧ мӧвпышттӧг виис, эз лӧгав ни эз мустӧмт мортӧс, кодӧс виис.

Нав Исус 20:9

Тайӧ каръясас вермис пышйыны быдӧн, коді мӧвпышттӧг виис мортӧс, Израиль пиян пӧвстысь-ӧ либӧ йӧз муысь локтысьяс пӧвстысь-ӧ сійӧ. Тадзи сійӧ вермис пышйыны водзӧс перйысь мортысь, медым сійӧс войтыр водзын мыждытӧг эз вины.

1 Петыр 2:14

юралысьяслысь, ӧд ӧксы найӧс пуктӧма мыждыны лёк вӧчысьясӧс да ошкыны бур вӧчысьясӧс.