Римӧ 11:5 - Коми Библия 2023

⁵ Тадзи и ӧні: Енмыс буралӧмыс кузя видзӧма коляссӧ, Ассьыс бӧрйӧмаясӧс.

Римӧ 11:5 Kruisverwysings

Ӧксыяслӧн 4 небӧг 19:4

Гашкӧ, Господь, тэнад Енмыд, кылас ассурса ӧксылӧн эскана мортлысь кывъяссӧ. Сылӧн ыджыдыс, ассурса ӧксы, мӧдӧдіс сійӧс, медым омӧльтны ловъя Енмӧс. Гашкӧ, Господь, тэнад Енмыд, мыждас сійӧс омӧльтана кывъяссьыс. Кевмысь ловйӧн кольӧмаяс вӧсна».

Исай 4:3

Сэки Сион-Ерусалимын ловйӧн кольӧмаясӧс кутасны шуны вежаясӧн. Тадзи шуасны Ерусалимын олысьясӧс, кодъясӧс гижӧма ловъяяслӧн небӧгӧ.

Римӧ 11:28

Найӧ эз сибӧдны Бур Юӧрсӧ, Енлы паныд сувтісны. Тайӧ лои тіян вӧсна. Но найӧ бӧрйӧм войтыр, и Енмыс радейтӧ найӧс батьясныс вӧсна.

Римӧ 9:11

Пияныслӧн чужтӧдз на, бурсӧ-лёксӧ налӧн вӧчтӧдз на, Енмыс шуис Ревеккалы: «Ыджыдджыкыс кутас кесъявны ичӧтджыкыслы». Енмыс тайӧн петкӧдліс, мый бӧрйӧмыс Сы сайын. Сійӧ бӧрйӧ оз мортлӧн уджъяс серти, но Аслас лӧсьӧдӧм да корӧм сертиыс.

Римӧ 9:27

Израиль йылысь Исай тадзи висьталӧ: – Израиль войтырлӧн лыдыс кӧ лоӧ весиг саридздор лыа мында, мездмас сӧмын колясыс.