Римӧ 10:3 - Коми Библия 2023

³ Найӧ оз гӧгӧрвоны Енмыслысь веськыдлунсӧ да зільӧны сувтӧдны ассьыныс веськыдлун. Та вӧсна найӧ эз сетчыны Ен веськыдлунлы.

Римӧ 10:3 Kruisverwysings

Неемий 9:33

Быдторйын, мый суис миянӧс, Тэ веськыда вӧчин, ӧд Тэ веськыд, а ми – мыжаӧсь.

Иов 33:27

Сьылӧмӧн сійӧ кутас юӧртны йӧзыслы: «Ме мыж вӧчи, эг вӧв веськыд, но Енмыс эз мынтысь меным уджъясӧй серти.

Псалтыр 71:19

Ошкӧм Сылӧн ыджыд нимлы нэмъяс чӧж! Сылӧн дзирдлуныс мед вевттяс став мусӧ! Аминь, аминь.

Исай 51:1

– Кывзӧй Менӧ, веськыдлунсӧ да Господьӧс корсьысьяс! Видзӧдлӧй изкыртаыс вылӧ, мыйысь вӧчӧма-кералӧма тіянӧс, видзӧдлӧй му пыдӧсӧ, кытысь кодйӧма-перйӧма тіянӧс.

Исай 51:6

Лэптӧй синнытӧ енэжланьыс, видзӧдлӧй увлань му вылас. Енэжыс тшын моз бырас, муыс паськӧм моз важмас, му вылын олысьяс геб моз куласны. Но Меӧн мӧдӧдӧм мездмӧмыс пыр лоӧ, Менам веськыдлунӧй оз вежсьыв.

Исай 51:8

Паськӧмӧс моз найӧс воз сёяс, вурунӧс моз йирас-бырӧдас. Но Менам веськыдлунӧй пыр лоӧ, Меӧн мӧдӧдӧм мездмӧмыс лоӧ нэмъяс чӧж.

Исай 56:1

Господь тадзи висьталӧ: – Мыждӧй веськыда, олӧй веськыда, ӧд регыд воас Месянь мездмӧмыс, регыд воссяс Менам веськыдлунӧй.

Исай 57:12

Но Ме петкӧдла тэнсьыд веськыдлунтӧ да тэнсьыд уджъястӧ – таысь тэныд бурыс оз ло.

Исай 64:6

Ми ставным пежӧсь, миян веськыдлунным няйтчӧм паськӧм кодь, ми ставным косьмӧм коръяс кодьӧсь, миян мыжъясным тӧвныр моз нӧбӧдӧны миянӧс.

Бӧрданкыв 3:22

– Господьлӧн буралӧмыс вӧсна ми эгӧ бырӧй, Сылӧн буралӧмлы абу помыс.

Даниил 9:24

Сизимдасысь сизим во индӧма тэнад войтырлы да тэнад вежа карлы, медым дугӧдны лёкнога олӧмсӧ, пуктыны пом лёк вӧчӧмлы да вештыны мыжсӧ, медым пыр ыджыдаліс веськыдлун, медым вынсьӧдны аддзылӧм-петкӧдчылӧмъяс да пророклысь кывсӧ, мавтыштны Вежасьыс-вежаинсӧ.

Левит 26:41

мый вӧсна Ме [скӧрмӧмӧн] налы паныд сувті, вӧтлі найӧс вӧрӧг муӧ. Сэні найӧ мынтысясны мыжсьыныс, и налӧн вундыштчытӧм сьӧлӧмныс раммас Ме водзын.

Лука 10:29

Асьсӧ дорйӧм могысь Индӧдӧ велӧдысь юаліс Исуслысь: «Коді меным матыссаыс?»

Лука 16:15

Исус шуис налы: «Йӧз водзын ті петкӧдланныд асьнытӧ веськыда олысьясӧн, но Енмыс тӧдӧ тіянлысь сьӧлӧмнытӧ. Мый йӧзыс донъялӧны вылӧ, сійӧ Енмыслы зывӧк».

Римӧ 1:17

Бур Юӧрыс восьтӧ Енлысь веськыдлунсӧ эскӧмсянь да эскӧм пыр. Гижӧма: «Веськыда олысь эскӧмнас кутас овны».

Римӧ 10:2

Ме тӧда, мый налӧн сьӧлӧмыс ӧзъялӧ Енмыслы, но налы оз тырмы гӧгӧрвоӧмлуныс.

Римӧ 10:20

Исай повтӧг висьталӧ Енлысь шуӧмсӧ: – Менӧ аддзисны найӧ, кодъяс эз корсьны Менӧ. Ме восьті Ачымӧс налы, кодъяс эз корны тайӧс.

Римӧ 11:7

Сідзкӧ, мый артмӧ? Израиль эз аддзы, мый корсис, сӧмын бӧрйӧмаяс аддзисны. Мукӧдыс чорзьӧдчисны,

Римӧ 3:22

Исус Кристослы эскӧм пыр сетӧма веськыдлунсӧ быд эскысьлы, Енмыс некодӧс оз торйӧд.

Римӧ 5:19

Ӧтилӧн кывзысьтӧм вӧсна кӧ ставӧн лоисны мыжаӧсь, тадзи ӧтилӧн кывзысьӧм вӧсна ставӧн лоасны веськыдӧсь.

2 Коринфӧ 5:21

Кристослӧн эз вӧв некутшӧм мыж, но Енмыс пуктіс Сы вылӧ миянлысь мыжъяснымӧс, медым Сы пыр ми лоим Ен водзын веськыдӧн.

Индӧд 6:25

Господь шуас миянӧс веськыдӧн, ми кӧ кутам овны Господь Енным водзын став тайӧ индӧд-тшӧктӧмыс серти сідзи, кыдзи Сійӧ миянлы тшӧктіс”».

Филипӧ 3:9

да лои Сы пытшкын веськыдӧн эг Индӧд серти уджъясӧй вӧсна, а Кристослы эскӧм вӧсна. Ӧд веськыдлунсӧ Енмыс сетӧ мортлы сӧмын Кристослы эскӧм пыр.

2 Петыр 1:1

Гижӧ Симон-Петыр, Исус Кристослӧн кесйӧг да апостол. Чолӧмала тіянӧс, миян моз сьӧлӧманыд эскӧмсӧ босьтысьясӧс. Тайӧ донаторсӧ ми босьтім миян Енлӧн да Мездысь Исус Кристослӧн веськыдлун вӧсна.