Римӧ 10:15 - Коми Библия 2023

¹⁵ Кыдзи нӧ висьталасны, абу кӧ мӧдӧдӧма висьтавнысӧ? Гижӧма: «Кутшӧм шензьӧданаӧсь кокъясыс сылӧн, коді вайӧ бур юӧр, юӧртӧ лӧнь олӧм йылысь».

Римӧ 10:15 Kruisverwysings

Исай 40:9

Сион, бур юӧр вайысь, кыпӧдчы джуджыд керӧс вылӧ! Ерусалим, бур юӧр вайысь, висьтавлы гора шыӧн! Эн пов, висьтавлы иудаса каръяслы: «Со, тіян Енныд!»

Исай 52:7

Кутшӧм шензьӧданаӧсь кокъясыс сылӧн, коді керӧсъяс вывті нуӧ бур юӧр, юӧртӧ лӧнь олӧм йылысь, вайӧ нимкодь юӧр, висьталӧ мездмӧм йылысь, Сионлы шуӧ: «Тэнад Енмыд ӧксыалӧ!»

Исай 57:19

Ме кӧсйыся сетны лӧнь олӧм ылыссалы, лӧнь олӧм матыссалы, – висьталӧ Господь, – Ме бурдӧда найӧс.

Исай 61:1

Господь Ыджыдлӧн Лолыс Ме вылын, ӧд Господь мавтыштіс Менӧ висьтавны бур юӧр коньӧръяслы. Сійӧ мӧдӧдіс Менӧ бурдӧдны доймӧм сьӧлӧмаясӧс, юӧртны дзескыдінӧ йӧршитӧмаяслы мездлун йылысь, дорӧмаяслы чепъяс орӧдӧм йылысь,

Еремей 23:32

Ме сувта сійӧ пророкъяслы паныд, кодъяс висьталӧны ылӧг вӧтъяс, – висьталӧ Господь. – Пӧръясьӧмӧн да ошйысян кывъясӧн найӧ кежӧдӧны Менсьым войтырӧс ылӧгас. Ме эг мӧдӧдлы найӧс, эг тшӧктывлы налы вӧчны тайӧс. Менам войтырлы найӧ бурсӧ оз вайны, – висьталӧ Господь.

Наум 1:15

Со, керӧсъяс вывті локтӧ бур юӧр вайысь. Сійӧ лӧнь олӧм йылысь юӧртӧ: – Иуда, пасйы гажӧдчан лунъястӧ, вай кыв сетан висьястӧ. Лёк йӧз оз нин мунны тэнад муӧд, найӧс дзикӧдз бырӧдӧма!

Матвей 9:38

Кевмӧй вунданінын Ыджыдыслы, мед ыстас Аслас вунданінӧ уджалысьясӧс».

Лука 10:1

Та бӧрын Господь бӧрйис нӧшта сизимдас велӧдчысьӧс, сэсся кыкӧн-кыкӧн мӧдӧдіс найӧс кар-сиктъясӧ, кытчӧ кӧсйис Ачыс мунны.

Лука 2:10

Андел шуис налы: «Энӧ полӧй! Ме висьтала тіянлы нимкодьсьыс-нимкодь юӧр, тайӧ ваяс ыджыд долыдлун став войтырлы.

Лука 2:14

– Ошкӧм Медвылысса Енлы! Му вылын лӧнь олӧм, йӧз костын бур кӧсйӧм!

Лука 8:1

Та бӧрын Исус ветлӧдліс карысь карӧ, сиктысь сиктӧ да висьтавліс Ен Юралӧм йылысь Бур Юӧр. Сыкӧд ветлӧдлісны дас кыкнан велӧдчысьыс

Иоан 20:21

Исус шуис налы мӧдысь: «Лӧнь олӧм тіянлы! Кыдзи Бать мӧдӧдіс Менӧ, сідзи Ме мӧдӧда тіянӧс».

Ап. уджъяс 10:36

Сійӧ мӧдӧдіс Израиль войтырлы Ассьыс кывсӧ, лӧньлун йылысь Бур Юӧрсӧ, кодӧс вайис Исус Кристос. Сійӧ ставныслы Господь.

Ап. уджъяс 13:26

Вокъясӧй, Ӧвраам пиян, тшӧтш Енмысь полысьяс! Тіянлы мӧдӧдӧма тайӧ мездана кывсӧ.

Ап. уджъяс 22:21

Господь шуис меным: ”Мун, Ме мӧдӧда тэнӧ ылӧ ентӧдтӧмъяс дінӧ”».

Ап. уджъяс 9:15

Господь шуис: «Мун. Ме бӧрйи сійӧс кесъявны Меным, юӧртны Менсьым нимӧс войтыръяслы да ӧксыяслы, тшӧтш Израиль войтырлы.

Римӧ 1:15

Ёна кӧсъя висьтавны Бур Юӧрсӧ тшӧтш тіянлы, Римын олысьяслы.

Римӧ 15:20

Мед эз ло вӧчӧма мукӧдлӧн подув вылын, ме зіли висьтавны Бур Юӧрсӧ сэні, кӧні Кристос нимсӧ эз на кывлыны.

Ефесӧ 2:17

Сійӧ локтіс юӧртны бурасьӧм йылысь тіянлы, кодъяс вӧлінныд ылынӧсь Енсьыс, и налы, кодъяс вӧліны матынӧсь Ен дінас.

Ефесӧ 3:8

Меным, став вежа войтыр пиысь медся тӧдчытӧмыслы, уси шуд висьтавлыны ентӧдтӧмъяслы Кристослӧн помтӧм-дортӧм озырлун йылысь Бур Юӧрсӧ

Ефесӧ 6:15

Тіян кӧмкотӧн мед лоӧ дасьлун висьтавлыны лӧньлун йылысь Бур Юӧрсӧ.

1 Петыр 1:12

Енмыс восьтіс пророкъяслы, мый тайӧс юӧртігӧн найӧ кесъялісны миянлы, а эз аслыныс. Ӧні тайӧс юӧртісны найӧ, кодъяс висьталісны тіянлы Бур Юӧрсӧ енэжсянь мӧдӧдӧм Вежа Лов вынӧн. Весиг анделъяс кӧсйӧны тӧдны тайӧ гусяторсӧ.