Римӧ 1:32 - Коми Библия 2023

³² Найӧ тӧдӧны Енлысь веськыда мыждӧмсӧ, мый татшӧмтор вӧчысьӧс виччысьӧ кулӧм. Но та вылӧ видзӧдтӧг найӧ вӧчӧны лёксӧ, весиг ошкӧны тадзи вӧчысьясӧс.

Римӧ 1:32 Kruisverwysings

Псалтыр 50:18

Ме эськӧ вайи Тэныд вись, но Тэ он кӧсйы сійӧс, сотан вись оз шогмы Тэныд.

Шусьӧгъяс 28:4

Енлысь Индӧдсӧ вунӧдысь лёк вӧчысьясӧс ошкӧ, а Индӧд серти олысь лёк вӧчысьяслы паныд сувтӧ.

Осий 7:3

– Ӧксы нимкодясьӧ, мый йӧзыс лёксӧ вӧчӧны, юралысьяс нимкодясьӧны, мый йӧзыс пӧръясьӧны.

Лука 11:48

Тайӧн ті петкӧдланныд, мый ӧтувтчанныд батьясныдлӧн уджъясӧ: найӧ виисны пророкъясӧс, а ті сійӧ пророкъясыслы изъяс сувтӧданныд.

Ап. уджъяс 22:20

Кор Тэ йылысь висьталысь Степанӧс виисны, ме вӧлі сэні, видзи виысьяслысь паськӧмсӧ да лыдди виӧмсӧ бурторйӧн”.

Ап. уджъяс 8:1

Степанӧс виӧмсӧ Савл лыддис буртор вӧчӧмӧн. Сійӧ лунсяньыс Ерусалимын ёна кутісны вӧтлыны эскысьясӧс. Апостолъясысь кындзи ставныс найӧ разӧдчисны Иудея да Самария пасьтала.

Римӧ 1:18

Ентӧг олӧм вылӧ да лёк вӧчӧм вылӧ лэччӧ енэжсянь Енлӧн скӧрлуныс, ӧд йӧзыс лёк вӧчӧмнас пӧдтӧны збыльсӧ.

Римӧ 1:21

Но Енсӧ тӧдігӧн найӧ эз пуктыны Сійӧс Ен туйӧ да эз аттьӧавны Сійӧс, мӧвпалісны ковтӧмсӧ да налӧн вежӧрыс пемдіс.

Римӧ 6:21

Кутшӧм вотӧс ті сэки чукӧртінныд? Ӧні сыысь весиг аслыныд яндзим, ӧд сійӧ вайӧ кулӧм.

Римӧ 6:23

Мыжыс ӧд мынтысьӧ кулӧмӧн, а Енмыс сетӧ помтӧм олӧм миян Господь Исус Кристос пытшкын.

2 Фессалоникаӧ 2:12

Тадзи лоӧ мыждӧма быдӧнӧс, коді радейтӧ ылӧгсӧ да оз эскы збыльыслы.