Римӧ 1:1 - Коми Библия 2023

¹ Гижӧ Павел, Исус Кристослӧн кесйӧг, Енмӧн корӧм апостол. Менӧ бӧрйӧма висьтавлыны Енлысь Бур Юӧрсӧ.

Римӧ 1:1 Kruisverwysings

1 Каднебӧг 23:13

Амрамлӧн вӧліны Аарон да Мӧисей пиян. Ааронӧс да сылысь пиянсӧ вӧлі вежӧдӧма, медым найӧ вӧліны вежасьыс-вежаӧсь, да пыр кежлӧ торйӧдӧма, медым найӧ сотісны висьяс Господь водзын, кесъялісны Сылы да бурсиисны Сылӧн нимӧн.

Исай 49:1

Кывзӧй менӧ, саридз дорын олысьяс, сюся кывзӧй, ылысса войтыръяс! Господь чукӧстіс менӧ чужтӧдз на, мам кынӧмын на сетіс меным ним.

Еремей 1:5

– Сыӧдз, кор Ме вӧчи тэнӧ мам кынӧмад на, Ме вӧлі тӧда нин тэнӧ. Сыӧдз, кор Ме вӧчи тэнӧ, мам кынӧмсьыд петтӧдз на, Ме вежӧді тэнӧ, пукті тэнӧ войтыръяслы пророкӧ.

Марк 1:14

Иоанлӧн дзескыдінӧ веськалӧм бӧрын Ен Юралӧм йылысь Евангелльӧ висьталігтыр Исус муніс Галилеяӧ.

Иоан 12:26

Меным кесъялысь мед локтӧ Ме бӧрся. Кӧні Ме лоа, сэні тшӧтш лоӧ Менам кесъялысьӧй. И Меным кесъялысьӧс Батьӧй бурӧ пуктас.

Иоан 15:15

Ме ог нин шу тіянӧс кесйӧгъясӧн, ӧд кесйӧг оз тӧд, мый ыджыдыс вӧчӧ. Ме шуа тіянӧс ёртъясӧн, ӧд Ме висьталі тіянлы ставсӧ, мый кывлі Батьсянь.

Иоан 15:20

Кутӧй тӧд выланыд Менсьым кывъясӧс: кесйӧг абу ыджыдджык аслас ыджыдысь. Менӧ кӧ вӧтлісны, вӧтласны тшӧтш тіянӧс. Менсьым кывъясӧс кӧ кывзісны, кывзасны тшӧтш тіянлысь.

Ап. уджъяс 13:9

Савл, мӧд ногӧн Павел, Вежа Лолӧн тырӧмӧн веськыда сылы синмас видзӧдӧмӧн шуис:

Ап. уджъяс 20:24

Ме нинӧм вылӧ ог видзӧд, олӧмӧй меным абу дона. Сӧмын кӧсъя долыд сьӧлӧмӧн помӧдз мунны лӧсьӧдӧм туйӧдыс да помавны кесъялӧмӧс, мый Господь Исус сетіс меным – висьтавны Енлӧн буралӧм йылысь Евангелльӧсӧ.

Ап. уджъяс 21:40

Павеллы лэдзисны сёрнитны. Сод вылас сулалӧмӧн Павел лэптіс кисӧ. Кор йӧзыс ланьтісны, сійӧ пондіс сёрнитны еврей кыв вылын:

Ап. уджъяс 22:21

Господь шуис меным: ”Мун, Ме мӧдӧда тэнӧ ылӧ ентӧдтӧмъяс дінӧ”».

Ап. уджъяс 22:7

Ме уси муас да кылі шыасьӧм: ”Савл, Савл, мыйла вӧтлан Менӧ?”

Ап. уджъяс 26:1

Агриппа шуис Павеллы: «Тэ верман сёрнитны ас кузяыд». Павел кисӧ лэптылӧм бӧрын заводитіс дорйысяна сёрнисӧ:

Ап. уджъяс 26:14

Ми ставным усим муас. Сэки ме кылі еврей кыв вылын ме дінӧ шыасьӧм: ”Савл, Савл, мыйла вӧтлан Менӧ? Сьӧкыд тэныд мунны ёсь зорлы паныд”.

Ап. уджъяс 27:23

Тайӧ войнас петкӧдчыліс меным андел, сійӧс мӧдӧдіс Ен, кодлы ме сеті ачымӧс да кодлы ме кесъяла.

Ап. уджъяс 9:15

Господь шуис: «Мун. Ме бӧрйи сійӧс кесъявны Меным, юӧртны Менсьым нимӧс войтыръяслы да ӧксыяслы, тшӧтш Израиль войтырлы.

Римӧ 1:16

Ме ог яндысь висьтавлыны Кристослысь Бур Юӧрсӧ, ӧд сійӧ Енлӧн выныс, мездӧ быд эскысьӧс: медводз иудейясӧс, сэсся грекъясӧс.

Римӧ 1:5

Сы пыр миянлы вичмис буралӧм. Сійӧ пуктіс миянӧс апостолавны, медым вайӧдны войтыръясӧс Сылӧн нимлы эскӧмас да кывзысьӧмас.

Римӧ 1:9

Енмыс, кодлы ме став сьӧлӧмӧн кесъяла Сылӧн Пиыс йылысь Бур Юӧр висьталігӧн, тӧдӧ, мый кевмысигӧн ме век казьтывла тіянӧс.

Римӧ 11:13

Тіянлы, кодъяс мукӧд войтыръясысь, висьтала: менӧ сувтӧдӧма апостолавны тіянлы, и ме ошйыся аслам кесъялӧмӧн.

Римӧ 15:16

кесъявны Исус Кристослы ентӧдтӧмъяс пӧвстын. Менӧ сувтӧдӧма вӧчны вежа удж: висьтавны Енлысь Бур Юӧрсӧ да вайны ентӧдтӧмъясӧс Ен водзӧ шогмана да Вежа Лолӧн вежӧдӧм вись пыдди.

Римӧ 15:29

Ме тӧда, мый локта тіян дінӧ Кристослӧн тыр бурсиӧмӧн.

Римӧ 16:18

Татшӧм йӧзыс кесъялӧны оз Исус Кристос Господьнымлы, но асланыс рушкулы. Мича сёрнинас найӧ кокньыда ылӧдлӧны восьса сьӧлӧмаясӧс.

1 Коринфӧ 1:1

Гижӧ Павел, Енлӧн корӧм-кӧсйӧм серти Исус Кристослӧн апостол. Сосфен воккӧд

1 Коринфӧ 9:1

Ме ӧмӧй абу апостол? Ме ӧмӧй кӧртасьӧма мыйӧнкӧ? Ме ӧмӧй эг аддзыв Исус Кристосӧс, миянлысь Господьӧс? Ті – Господь пытшкынӧсь. Тайӧ ӧмӧй абу менам уджлӧн вотӧсыс?

2 Коринфӧ 1:1

Гижӧ Павел, Ен кӧсйӧм серти Исус Кристослӧн апостол. Тимофей воккӧд ми чолӧмалам тіянӧс, коринфса вичкоӧс, да Акайя пасьтала став вежа войтырӧс.

2 Коринфӧ 11:5

Чайта, ме нинӧмӧн абу лёкджык тайӧ ”ыджыд апостолъясысь”.

2 Коринфӧ 11:7

Медым тіянӧс вылӧ пуктыны, ме улӧ пукті ачымӧс. Гашкӧ, ме мыжа сыысь, мый Енлысь Евангелльӧсӧ висьтавлі тіянлы дон босьттӧг?

2 Коринфӧ 12:11

Тіян водзын ошйысигӧн ме вӧлі мывкыдтӧм морт кодь, ті ӧд асьныд менӧ вайӧдінныд та выйӧдзыс. Дерт, ме нинӧм кодь, но тіянлы аслыныд колӧ вӧлі ошкыны менӧ, ме ӧд нинӧмӧн абу лёкджык ”ыджыд апостолъясысь”.

2 Коринфӧ 2:12

Кор ме локті Троада карӧ висьтавлыны Кристос йылысь Бур Юӧрсӧ, Господь восьтіс меным ӧдзӧс сэні уджавны.

2 Коринфӧ 4:5

Ми огӧ ас йылысь висьтавлӧй, а висьтавлам Исус Кристос йылысь, мый Сійӧ – Господь. Сійӧ мӧдӧдіс миянӧс кесъявны тіянлы.

Галатӧ 1:1

Гижӧ Павел. Менӧ пуктӧма апостолавны абу йӧз кӧсйӧм серти. Эз морт менӧ пукты апостолӧ, а Исус Кристос да Сійӧс ловзьӧдысь Ен Бать.

Ефесӧ 1:1

Гижӧ Павел, Ен кӧсйӧм серти Исус Кристослӧн апостол. Чолӧмала тіянӧс, Ефес карын олысьясӧс, Исус Кристослы эскысь вежа войтырӧс.

Ефесӧ 1:13

Кор ті кылінныд збыльсӧ, тіянӧс мездӧм йылысь Бур Юӧрсӧ, ті тшӧтш кутінныд эскыны Кристослы. Сэки Енмыс пасйис тіянӧс кӧсйысьӧм Вежа Лолӧн.

Ефесӧ 4:11

Ӧтиясӧс Сійӧ сувтӧдіс апостолъясӧн, мӧдъясӧс – пророкъясӧн, коймӧдъясӧс – буръюӧртысьясӧн, нёльӧдъясӧс – вичкоса веськӧдлысьясӧн, витӧдъясӧс – велӧдысьясӧн,

Индӧд 10:8

Сійӧ кадас Господь торйӧдіс Левий чужанкотырӧс, медым найӧ новлӧдлісны Господьлысь Йитӧд кудсӧ, кесъялісны Господь водзын [кевмысисны] да бурсиисны Сылӧн нимӧн. И тайӧ ӧніӧдз тадзи.

Филипӧ 1:1

Павел да Тимофей, Исус Кристослӧн кесйӧгъяс, чолӧмалӧны Филип карын олысь да Исус Кристослы эскысь став вежа войтырӧс, вичкоса веськӧдлысьясӧс да отсасьысьясӧс.

Филипӧ 2:11

медым Ен Батьӧс ошкӧм могысь быд морт шуис: «Исус Кристос эм Господь».

Колосӧ 1:1

Гижӧ Павел, Ен кӧсйӧм серти Исус Кристослӧн апостол. Тимофей воккӧд

Колосӧ 1:25

Енмыс пуктіс менӧ кесъявны вичкоыслы, тырвыйӧ юӧртны тіянлы Енлысь кывсӧ.

1 Фессалоникаӧ 2:2

Ті тӧданныд, мый таысь водзджык Филип карын ми уна сьӧкыд нуим, миянӧс янӧдісны да нӧйтісны. Но та вылӧ видзӧдтӧг, Ен отсӧгӧн, восьсӧн да повтӧг висьтавлім тіянлы Сылысь Бур Юӧрсӧ.

1 Фессалоникаӧ 2:8

Ми ёна радейтам тіянӧс, та вӧсна вӧлім дасьӧсь юксьыны тіянкӧд Енлӧн Бур Юӧрнас, весиг сетны ассьыным олӧмнымӧс. Ӧд ті сэтшӧм мусаӧсь миянлы!

1 Фессалоникаӧ 2:9

Вокъяс, ті тӧданныд, Енлысь Бур Юӧрсӧ висьтавлігӧн ми уджалім кок йылысь усьтӧдз. Мырсим лун и вой, ӧд тіян пӧвстысь некодӧс эгӧ кӧсйӧй сьӧктӧдны.

1 Тимофейлы 1:1

Гижӧ Павел, Исус Кристослӧн апостол. Миянӧс мездысь Ен да Господь Исус Кристос, код вылӧ ми лача кутам, индісны менӧ апостолӧн.

1 Тимофейлы 2:7

Та йылысь юӧртны сувтӧдіс менӧ Ен. Сійӧ индіс менӧ апостолӧн да ентӧдӧмъясӧс збыляс-эскӧмас велӧдысьӧн. Кристос водзын збыль висьтала, ог пӧръясь.

2 Тимофейлы 1:11

Та вылӧ менӧ и пуктӧма, медым висьтавлыны Бур Юӧрсӧ, апостолавны да велӧдны мукӧд войтырӧс.

Титлы 1:1

Гижӧ Павел, Енлӧн кесйӧг да Исус Кристослӧн апостол. Менӧ мӧдӧдӧма, мед отсавны Енлӧн бӧрйӧмаяслы эскыны да тӧдны збыльсӧ, медым эськӧ найӧ вермисны овны вежавидзӧмӧн

Еврейяслы 5:4

Морт оз вермы ачыс асьсӧ индыны аркирейӧн, тайӧс вермӧ вӧчны сӧмын Ен, коді тшӧтш Ааронӧс индіс аркирейӧн.

Еврейяслы 7:26

Дзик татшӧм аркирей колӧ миянлы: вежа, сӧстӧм да мыжтӧм, кодӧс торйӧдӧма мыжа йӧзысь да кыпӧдӧма енэжсьыс вылӧджык на.

Яков 1:1

Гижӧ Яков, Енлӧн да Господь Исус Кристослӧн кесйӧг. Чолӧмала дас кык чужанкотырӧс, кодъяс разалӧмаӧсь став му пасьталаыс.

1 Петыр 4:17

Мыждан кадыс матын нин, и медводз Енмыс кутас мыждыны Ассьыс войтырсӧ. Сідзкӧ, медводз кӧ кутас мыждыны миянӧс, сэки мый виччысьӧ найӧс, кодъяс оз кывзысьны Енлӧн Евангелльӧлысь?

2 Петыр 1:1

Гижӧ Симон-Петыр, Исус Кристослӧн кесйӧг да апостол. Чолӧмала тіянӧс, миян моз сьӧлӧманыд эскӧмсӧ босьтысьясӧс. Тайӧ донаторсӧ ми босьтім миян Енлӧн да Мездысь Исус Кристослӧн веськыдлун вӧсна.

Иуда 1:1

Гижӧ Иуда, Исус Кристослӧн кесйӧг, Яковлӧн вок. Чолӧмала тіянӧс, кодъясӧс Ен Бать корис да вежӧдіс. Исус Кристос видзӧ тіянӧс.

Восьтӧм 1:1

Тайӧ – Исус Кристослы Енсянь восьтӧм. Тайӧн Енмыс петкӧдліс Аслас кесйӧгъяслы, мый колӧ лоны регыдъя кадӧ. Аслас андел пыр Кристос восьтіс тайӧс Аслас Иоан кесйӧглы.

Восьтӧм 22:6

Андел шуис меным: «Тайӧ кывъясыс веськыдӧсь да збыльӧсь. Вежа пророкъяслӧн Господь Ен мӧдӧдіс Ассьыс анделсӧ, медым петкӧдлыны Аслас кесйӧгъяслы, мый колӧ лоны регыдъя кадӧ».

Восьтӧм 22:9

Но андел шуис меным: «Эн вӧч тайӧс! Ме кесъяла Енмыслы тэ моз, пророкъяс-вокъясыд моз да на моз, кодъяс олӧны тайӧ небӧгас гижӧм серти. Енмыслы копыртчыв!»