Псалтыр 99:1 - Коми Библия 2023

¹ [Давидлӧн] аттьӧалана псалом. Му вылын олысьяс, гораа нимкодясьӧмӧн ошкӧй Господьӧс!

Псалтыр 99:1 Kruisverwysings

Ӧксыяслӧн 2 небӧг 6:2

Сэсся накӧд муніс Иуда муӧ Баала карӧ, мед вайны сэтысь Енлысь кудсӧ. Кудсӧ вӧлі сиӧма херувимъяс вылын пукалысь Господь Саваофлы.

1 Каднебӧг 16:30

Му вылын олысьяс, полӧй-тіралӧй Сыысь! Муюгыдыс сулалӧ зумыда, сійӧ оз вӧрзьыв.

Псалтыр 18:10

Господьысь полӧмыс сӧстӧм, олӧ нэмъяс чӧж. Господьлӧн мыждӧмыс збыль да ставнас веськыд.

Псалтыр 2:6

«Ме мавтышті Ассьым Ӧксыӧс да сувтӧді Сійӧс Сионӧ, Менам вежа керӧс вылӧ».

Псалтыр 80:1

Сьылысьясӧн веськӧдлысьлы. Ворсӧны гефса ворсанторйӧн. Асафлӧн псалом.

Псалтыр 80:2

Долыда сьылӧй Енлы, Сійӧ – миян выныс! Гораа сьылӧмӧн ошкӧй Яковлысь Енсӧ!

Псалтыр 82:5

Найӧ шуалӧны, мунам пӧ да бырӧдам найӧс войтыръяс пӧвстысь, медым Израиль нимсӧ весиг вунӧдасны.

Псалтыр 93:1

Господьӧй, Тэ – водзӧс перйысь Ен. Водзӧс перйысь Енмӧй, петкӧдчы дзирдлуннад!

Псалтыр 96:10

Господьӧс радейтысьяс, мустӧмтӧй лёксӧ! Сійӧ видзӧ Аслас эскана войтырлысь олӧмсӧ, мездӧ найӧс лёк вӧчысьяслӧн киысь.

Псалтыр 96:9

Тэ – Медвылыссаыс став му пасьталаыс, Господьӧй, став енсьыс Тэ медвылын.

Псалтыр 97:1

[Давидлӧн] псалом. Сьылӧй Господьлы выль сьыланкыв! Сійӧ вӧчис шензьӧданаторъяс. Сылӧн веськыд киыс да вежа выныс вайисны Сылы вермӧмсӧ.

Псалтыр 97:4

Му вылын олысьяс, гораа ошкӧй Господьӧс, сьылӧй-гажӧдчӧй да нимкодясьӧй!

Петӧм 25:22

Йитӧд кудлӧн вевт вывтсянь, куд вылын сулалысь кык херувим костысь, Ме кута шыасьны тэ дінӧ, кута сетны Израиль пиянлы тшӧктӧмъяс тэ пыр».

Исай 19:14

Найӧ дзикӧдз кежӧдісны Египетӧс туй вывсьыс. Господь шӧйӧвоштіс Египетӧс, сійӧ лои код морт кодь, коді ветлӧдлӧ аслас вос вывті.

Еремей 4:24

Видзӧдлі керӧсъяс вылӧ, а найӧ сыркакылісны, став керӧсъясыс дзӧрисны-тіралісны.

Еремей 49:21

Эдомӧс лоӧ путкыльтӧма, сылӧн усьӧмысь муыс сыркмунлас, Гӧрд саридзӧдз воас эдомсаяслӧн горзӧм шыныс.

Еремей 5:22

Ті ӧмӧй онӧ полӧй Меысь, – висьталӧ Господь, – ті ӧмӧй онӧ тіралӧй Ме водзын? Лыасӧ Ме пукті саридзлы вежтасӧн, потши саридзсӧ нэмъяс кежлӧ, сы сайӧ саридз оз вермы вуджнысӧ. Гыясыс ӧдӧбӧн уськӧдчылӧны, но сэсся бӧр бергӧдчӧны, найӧ ызгӧны, но вежтассӧ вуджны оз вермыны.

Еремей 50:46

Вавилон кар босьтӧм шыысь муыс сыркмунлас, войтыръяс кыласны вавилонсаяслысь горзӧмсӧ.

Езекиль 43:7

«Морт пиӧй, тайӧ крамыс Менам юралан пуклӧсӧй да Менам кок улӧй. Тані Ме кута овны Израиль пиян пӧвстын нэмъяс чӧж. Израиль войтыр да налӧн ӧксыясыс оз нин кутны пежавны Менсьым вежа нимӧс идолъяслы сетчӧмнас да кулӧм ӧксыясныслы ыджыд казьтылан изъяс сувтӧдӧмнас.

Лука 19:12

Исус висьталіс: «Ӧксы рӧдысь ӧти морт мӧдӧдчас ылі муӧ, медым сэні ӧксы ним босьтны да бӧр локны аслас муӧ ӧксыӧн.

Лука 19:14

Ас войтырыслы тайӧ мортыс вӧлі мустӧм, та вӧсна бӧрсяньыс найӧ мӧдӧдасны юӧртысьясӧс висьтавны, огӧ пӧ кӧсйӧй, медым сійӧ вӧлі миян ӧксыӧн.

Лука 19:27

Менӧ мустӧмтысьясӧс, менам юралӧмлы паныд сувтысьясӧс вайӧдӧй татчӧ да виӧй найӧс менам син водзын”».

Филипӧ 2:12

Мусаяс, кор ме вӧлі тіян дінын, ті пыр кывзысинныд менсьым. Сідзкӧ, ӧні, кор абу тіянкӧд, ёнджыка на кывзысьӧй да тӧждысьӧй асланыд мездмӧм вӧсна полӧмӧн да тіралӧмӧн.

Восьтӧм 11:17

Найӧ шуалісны: – Господьӧй Енмӧй, Ставсӧвермысьӧй, ми аттьӧалам Тэнӧ. Тэ эм, вӧлін и локтан! Аслад ыджыд выннад Тэ лоин ӧксыӧн.

Восьтӧм 20:11

Сэсся ме аддзи ыджыд да еджыд юралан пуклӧс да сы вылын Пукалысьӧс. Енэжыс да муыс пышйисны Сылӧн син водзысь, но налы некытчӧ вӧлі дзебсьынысӧ.

Восьтӧм 6:14

Енэжыс гартыштчис тубрасӧ да саяліс, а керӧсъяс да діяс вешйисны асланыс местаысь.