Псалтыр 91:3 - Коми Библия 2023

³ Кутшӧм бур асывнас юӧртны Тэнсьыд буралӧмтӧ, рытнас – Тэнсьыд збыльтӧ,

Псалтыр 91:3 Kruisverwysings

Ӧксыяслӧн 2 небӧг 24:15

Асывнас Господь ыстіс Израиль войтырлы пӧрӧс висьӧм. Висьӧмыс ыджыдаліс Енлӧн индӧм кадӧдз. Войвыв Дансянь лунвыв Бер-Шеваӧдз куліс сизимдас сюрс морт.

Ӧксыяслӧн 3 небӧг 8:37

Налӧн му вылӧ кӧ пуксяс тшыг кад либӧ паськалас пӧрӧс висьӧм, налысь няньсӧ кӧ бырӧдас сотысь тӧвру, кутшӧмкӧ висьӧм, саранча либӧ лёльӧ, налӧн му вылӧ кӧ уськӧдчас вӧрӧг, суас кӧ найӧс ускӧттьӧ либӧ висьӧм,

Псалтыр 68:21

Лёкӧдӧмыс дойдіс менсьым сьӧлӧмӧс, ме дзикӧдз жебми. Ме виччыси жалитӧм, но сійӧ эз ло, виччыси бурӧдысьясӧс, но найӧ эз тыдавны.

Псалтыр 91:6

Господьӧй, кутшӧм ыджыдӧсь Тэнад уджъясыд, кутшӧм мывкыдаӧсь Тэнад мӧвпъясыд!

Шусьӧгъяс 6:5

Морт киӧ шедӧм газель моз, кыйсьысь киӧ веськалӧм лэбач моз мезды асьтӧ.

Шусьӧгъяс 7:23

Дзугйӧ шыбитчысь лэбач моз сійӧ эз тӧд, мый олӧмсӧ воштас, мый сылысь муссӧ ньӧв розьӧдас.

Еклесиаст 9:12

Мортыд оз тӧд ассьыс оландырсӧ. Тывйыштӧм чериӧс моз, дзугйӧ гартчӧм лэбачӧс моз мортсӧ лоӧ тывйыштӧма сьӧкыд кадӧ, мый виччысьтӧг суас сійӧс.

Осий 9:8

Ме, пророк, аслам Енкӧд ӧтвыв видза Ефремӧс, но менам став туйяс вылӧ пукталӧма дзуг, весиг Ен керкаын меным паныд сувтӧны.

Амос 3:5

Шедас ӧмӧй пӧтка лэчкӧ, оз кӧ некод лэчсӧ окты? Вӧрзьылас ӧмӧй дзугйыс, нинӧм кӧ сэтчӧ оз шед?

1 Тимофейлы 6:9

Коді кӧсйӧ озырмыны, сійӧ сетчӧ ыштӧмас да шедӧ налькйӧ. Сійӧ сетчӧ быдпӧлӧс мывкыдтӧмлунас да лёк кӧсйӧмас, мый бырӧдӧ йӧзсӧ да вайӧдӧ найӧс кулӧмӧ.

2 Тимофейлы 2:26

Сэки найӧ мынасны омӧльыслӧн налькйысь, ӧд омӧльыс кыйӧма найӧс, медым веськӧдлыны наӧн.