15 Сійӧ шыасяс Ме дінӧ, и Ме вочавидза сылы. Ме лоа сыкӧд сьӧкыд нуигас, мезда сійӧс да нимӧда сійӧс.
Мезды менӧ налькйысь, кодӧс гусьӧн октісны меным, ӧд Тэ – менам сайӧдчаніныс.
Сійӧ лунӧ тэ шуан: «Господьӧй, ме ошка Тэнӧ. Тэ скӧралін ме вылӧ, но лӧньӧдін Ассьыд скӧрлунтӧ да бурӧдін менӧ.
Сионын шогсьысьяслы пӧим пыдди сетны мича юрвевттьӧд, бӧрдӧм пыдди – нимкодясьӧм, шогсьӧм пыдди – ошкӧм. Сэки найӧс шуасны зумыда сулалысь веськыда олысьясӧн, пуясӧн, кодъясӧс Господь вужйӧдіс, медым найӧ ошкисны Сійӧс.
Шудаӧсь шогсьысьяс, ӧд найӧс шогсьыс пальӧдасны.
Веськыда, веськыда висьтала тіянлы: ті кутанныд сыркъялӧмӧн бӧрдны, а муюгыдыс кутас нимкодясьны. Ті шогӧ усянныд, но тіян шогныд бергӧдчас нимкодьлунӧ.