Псалтыр 89:15 - Коми Библия 2023

¹⁵ Гажӧд миянӧс сійӧ лунъясыс пыдди, кор Тэ дойдалін миянӧс, сійӧ воясыс пыдди, кор ми нуим сьӧкыдсӧ.

Псалтыр 89:15 Kruisverwysings

Иов 29:3

Сылӧн биыс ӧзъяліс ме весьтын, Сылӧн югӧр улын ме муні пемыдыс пыр.

Псалтыр 100:1

Давидлӧн псалом. Господьӧй, ме кута сьывны Тэныд ошкӧм, кута сьывны буралӧмыд да веськыдлуныд йылысь.

Псалтыр 4:6

Вайӧй шогмана висьяс да лача кутӧй Господь вылӧ.

Псалтыр 44:3

Ӧксыӧй, став йӧзыс пӧвстысь тэ медся мичаыс, тэнад вомысь петӧны мелі кывъяс, та вӧсна Енмыс бурсиис тэнӧ нэмъяс кежлӧ.

Псалтыр 90:6

Он повзьы пемыдас ветлысь пӧрӧс висьӧмысь и луншӧр кадӧ бырӧдысь висьӧмысь.

Псалтыр 97:2

Господь петкӧдліс Ассьыс мездӧмсӧ, восьтіс войтыръяслы Ассьыс веськыдлунсӧ.

Шусьӧгъяс 16:15

Ӧксылӧн югыд видзӧдласын – олӧм, сылӧн бур сьӧлӧмыс тувсов зэр кодь.

Исай 2:5

Яковсянь чужысьяс, локтӧй, кутам овны Господьлӧн югыдас!

Левит 25:9

сизимӧд тӧлысьлӧн дасӧд лунӧ – Мыж вештан лунӧ – буксӧй буксанӧн став му пасьтала.

Наум 1:15

Со, керӧсъяс вывті локтӧ бур юӧр вайысь. Сійӧ лӧнь олӧм йылысь юӧртӧ: – Иуда, пасйы гажӧдчан лунъястӧ, вай кыв сетан висьястӧ. Лёк йӧз оз нин мунны тэнад муӧд, найӧс дзикӧдз бырӧдӧма!

Лыд 10:10

Кор гажӧдчан лунъяс дырйи да выль тӧлысь пасйигӧн ваянныд сотан да бурасян висьяс, тутсӧй трубаясӧ, и тіян Енныд тӧд вылас уськӧдас тіянӧс. Ме – Господь, тіян Енныд».

Лыд 23:21

Яковлӧн шогыс абу, Израильлӧн ставыс бур. Господь, налӧн Енмыс, накӧд, ӧксыӧс моз найӧ паныдалӧны Сійӧс.

Лыд 6:26

Господь мед бергӧдас Ассьыс чужӧмбансӧ тэлань да сетас тэныд лӧнь олӧм!

Ап. уджъяс 2:28

Тэ петкӧдлан меным олӧмыслысь туйсӧ, Аслад чужӧмбан водзын Тэ тыртан менӧ нимкодьлунӧн.

Римӧ 10:15

Кыдзи нӧ висьталасны, абу кӧ мӧдӧдӧма висьтавнысӧ? Гижӧма: «Кутшӧм шензьӧданаӧсь кокъясыс сылӧн, коді вайӧ бур юӧр, юӧртӧ лӧнь олӧм йылысь».

Римӧ 10:18

Юала: «Найӧ ӧмӧй эз кывлыны?» Кывлісны, дерт. – Став му пасьталаыс юргӧ налӧн гӧлӧс шыныс, муюгыдыслӧн медылі пельӧсӧдз воӧны налӧн кывъясыс.

Восьтӧм 21:23

Карыслы югзьӧдӧм вылӧ оз ков шонді ни тӧлысь, ӧд Енлӧн дзирдлуныс югзьӧдӧ сійӧс, а сылӧн биыс – Баляыс.