Псалтыр 85:6 - Коми Библия 2023

⁶ Господьӧй, кыв менсьым кевмӧмӧс, кывзы менсьым кевмысьӧмӧс.

Псалтыр 85:6 Kruisverwysings

Псалтыр 138:7

Кытчӧ ме муна Тэнад Лов дінысь, кытчӧ пышъя Тэнад чужӧмбан водзысь?

Псалтыр 149:2

Гажӧдчы, Израиль, тэнӧ Вӧчысь йылысь! Нимкодясьӧй, сионса олысьяс, асланыд Ӧксы йылысь!

Псалтыр 53:6

Енмыс – меным отсӧг сетысьыс, Господь ёнмӧдӧ менсьым лолӧс.

Псалтыр 71:20

Тайӧн помасьӧны Давидлӧн, Ессей пилӧн, кевмысьӧмъясыс. Ошкӧм.

Псалтыр 74:1

Сьылысьясӧн веськӧдлысьлы. Сьылӧны ”Эн бырӧд” шылад улӧ. Асафлӧн псалом. Сьыланкыв.

Псалтыр 77:8

Найӧ мед оз лоны асланыс батьяс кодьӧсь: асныраӧсь да паныд кыпӧдчысьяс, Енлысь кывзысьтӧмъяс да Сыысь кежысьяс.

Псалтыр 90:14

Господь висьталӧ: «Сійӧ радейтӧ Менӧ, та вӧсна Ме мезда сійӧс. Ме доръя сійӧс, ӧд сійӧ тӧдӧ Менсьым нимӧс.

Исай 57:15

Медвылыссаыс да Меднималанаыс, пыр Олысьыс, кодлӧн нимыс – Вежа, Сійӧ тадзи висьталӧ: – Ме ола выліинын да вежаинын, но Ме матын шогӧ усьӧмаяс да рам сьӧлӧмаяс дінӧ, медым ловзьӧдны рам сьӧлӧмаясӧс да бурӧдны шогӧ усьӧмаясӧс.

Еремей 3:5

Тэ ӧмӧй пыр пондан лӧгавны? Тэ ӧмӧй помтӧг кутан скӧравны?” Тадзи тэ, Израиль войтыр, сёрнитан, но ачыд тэ сы мында лёксӧ вӧчан».

Еремей 33:11

нимкодясьӧм да гажӧдчӧм, кутас кывны верӧспулӧн да гӧтырпулӧн гӧлӧс шыныс. Бара кутас кывны Господьлӧн крамӧ аттьӧалана вись вайысьяслӧн гӧлӧс шыныс. Найӧ кутасны шуавны: ”Ошкӧй Господь Саваофӧс, ӧд Сійӧ бур, Сылӧн буралӧмыс оз помасьлы!” Тайӧ муас олысьяслы Ме бара сета воддза кодьыс бур олӧм, – висьталӧ Господь.

Осий 6:2

Кык лун мысти Сійӧ ловзьӧдас миянӧс, коймӧд луннас сувтӧдас кок выланым. Сэки ми пондам овны Сылӧн чужӧмбан водзын.

Аввакум 3:2

Господьӧй, ме кылі Тэ йылысь, ме повзи Тэнад уджъясысь. Вӧч Ассьыд уджъястӧ тшӧтш миян лунъясӧ, сет бара аддзывны найӧс талун. Скӧралігад ло бур сьӧлӧма миян дінӧ.