Псалтыр 85:3 - Коми Библия 2023

³ Господьӧй, ло бур сьӧлӧма ме дінӧ, быд лун ме шыася Тэ дінӧ.

Псалтыр 85:3 Kruisverwysings

2 Каднебӧг 6:39

сэки Тэ кыв налысь корӧм-кевмӧмсӧ енэжсяньыд, Аслад оланінсянь, да отсав налы. Прӧстит Ассьыд войтыртӧ, ӧд найӧ мыж вӧчисны Тэныд паныд.

Псалтыр 106:23

Кодсюрӧ кывтісны корабльяс вылын саридзӧд, сэні перйисны аслыныс кынӧмпӧт.

Петӧм 32:22

Аарон вочавидзис: «Эн дӧзмы, ыджыдӧй! Тэ ӧд тӧдан, мый тайӧ войтырыс ӧдйӧ сетчӧ лёкас.

Исай 12:1

Сійӧ лунӧ тэ шуан: «Господьӧй, ме ошка Тэнӧ. Тэ скӧралін ме вылӧ, но лӧньӧдін Ассьыд скӧрлунтӧ да бурӧдін менӧ.

Исай 40:1

Бурӧдӧй, бурӧдӧй Менсьым войтырӧс, – тшӧктӧ тіян Енныд. –

Исай 40:2

Меліа висьталӧй Ерусалимлы, юӧртӧй сылы, мый сылӧн сьӧкыдалан кадлы воис пом, мый сылысь мыжъяссӧ прӧститӧма. Господь мынтысис сылы кык пӧвстӧн став сылӧн мыжъясысь.

Исай 6:7

Биа ӧгырнас сійӧ инмӧдчыліс менам вомдорӧ да шуис: «Тэнсьыд мыжтӧ вештӧма, тэнсьыд лёк вӧчӧмъястӧ прӧститӧма, ӧд тайӧ биа ӧгырыс инмӧдчыліс тэнад вомдорӧ».

Еремей 50:20

Сійӧ лунъясас, сійӧ кадас, – висьталӧ Господь, – кутасны корсьны Израиль войтырлысь лёк вӧчӧмъяссӧ, но весьшӧрӧ, кутасны корсьны Иуда войтырлысь мыжъяссӧ, но оз аддзыны, ӧд Ме прӧстита найӧс, кодъясӧс ловйӧн коля.

Езекиль 16:63

Тэ уськӧдан тӧд вылад уджъястӧ, и тэныд лоӧ яндзим. Тэ весиг вомтӧ он восьт, кор Ме вешта став мыжтӧ, мый тэ вӧчин, – висьталӧ Господь Ыджыдыс».

Иона 3:9

Гашкӧ, Енмыс бурсьӧлӧмтчас да вештас Ассьыс ыпъялан скӧрлунсӧ миян вылысь, и ми ловйӧн колям».

Микей 7:19

Тэ бара на буралан миян дінӧ, вештан миянлысь мыжнымӧс. Саридз пыдӧсӧ Тэ шыбитан мыжъяснымӧс.

Иоан 1:29

Аскинас Иоан аддзис сы дінӧ локтысь Исусӧс да шуис: «Видзӧдлӧй, тайӧ Енлӧн Баля. Сійӧ вештӧ став йӧзлысь мыжъяссӧ.

Индӧд 13:17

Господьлы сиӧмторъясысь тіян киӧ мед нинӧм оз веськав. Сӧмын ставсӧ бырӧдӧм бӧрын Господь дугдас скӧравны, бурсьӧлӧмтчас да жалитас тіянӧс, сетас тіянлы уна ныв-пиӧс, кыдзи [висьталіс тіянлы да] кыв сетӧмӧн кӧсйысис тіян батьяслы.

Индӧд 32:43

[Нимкодясьӧй, енэжъяс, Господькӧд ӧтвылысь, Енлӧн став анделыс, копыртчылӧй Сылы!] Нимкодясьӧй, войтыръяс, Сылӧн войтыркӧд [ёнмӧдчӧй, Енлӧн пиян]! Сійӧ водзӧс перъяс Сылы паныд сувтысьяслысь, мынтысяс налы Аслас кесъялысьяслысь вирсӧ кисьтӧмысь [мынтысяс Сійӧс мустӧмтысьяслы]. Господь сӧстӧммӧдас Ассьыс мусӧ, вештас войтырыслысь мыжсӧ.