Псалтыр 81:3 - Коми Библия 2023

³ Дорйӧй гӧльясӧс да батьтӧм-мамтӧмъясӧс, веськыда мыждӧй увтыртӧмаясӧс да коньӧръясӧс.

Псалтыр 81:3 Kruisverwysings

Ӧксыяслӧн 4 небӧг 4:23

«Мыйла талун сы дінӧ муннысӧ? – юаліс верӧсыс. – Талун ӧд абу выль тӧлысь пасъян лун и абу шойччан лун». Ань вочавидзис: «Эн тӧждысь, ставыс бур».

1 Каднебӧг 15:16

Левитъяслӧн веськӧдлысьяслы Давид тшӧктіс сувтӧдны левитъяс пӧвстысь сьылысьясӧс, нӧшта арфаӧн, гуслиӧн да кимвалӧн ворсысьясӧс, медым найӧ гораа да нимкодясьӧмӧн сьылісны-ворсісны.

1 Каднебӧг 15:19

Еман, Асаф да Этан гораа ворсісны ыргӧн кимвалъяс вылын,

1 Каднебӧг 15:24

Овед-Эдом да Ехий тшӧтш видзисны кудсӧ. Шеваний, Иосафат, Нафанаил, Амасай, Закар, Бенай да Элизер попъяс ворсісны трубаӧн Енлӧн куд водзын.

1 Каднебӧг 16:42

Еманӧс да Едутунӧс индісны ворсны трубаӧн, кимвалӧн да мукӧд ворсанторйӧн, медым ошкыны Енмӧс. Едутунлысь пиянсӧ пуктісны видзны вежа чомлысь пыранінсӧ.

1 Каднебӧг 16:6

Бенай да Яхазиэл попъясӧс вӧлі сувтӧдӧма, медым найӧ дугдывтӧг ворсісны трубаӧн Енлӧн Йитӧд куд водзын.

1 Каднебӧг 25:1

Давид да тышкайӧзӧн веськӧдлысьяс торйӧдісны кесъялӧм вылӧ Асафлысь, Еманлысь да Едутунлысь пиянсӧ, медым найӧ Енмӧс ошкӧмӧн ворсісны гуслиӧн, арфаӧн да кимвалӧн. Кесъявны индӧм йӧзлӧн нимъясныс татшӧмӧсь:

2 Каднебӧг 13:12

Енмыс миянкӧд, Сійӧ – миян юралысьным. Кор Сылӧн попъясыс кутасны тутсыны трубаясӧ, ми петам тышӧ тіянлы паныд. А ті, Израиль войтыр, энӧ тышкасьӧй Господькӧд, тіян батьяслӧн Енкӧд, ӧд тіян оз ло вермӧмыс».

2 Каднебӧг 13:14

Иудаса тышкайӧз бергӧдчисны да аддзисны, мый на вылӧ уськӧдчӧны водзысяньыс и бӧрсяньыс. Сэки найӧ шыасисны Господь дінӧ, а попъяс кутісны тутсыны трубаясӧ.

2 Каднебӧг 2:4

Ӧні ме кыпӧда аслам Господь Енлы крам. Ме вежӧда-торйӧда сійӧс Господьлы, медым тшынӧдны Господь водзын чӧскыд ӧвтанторъяс, медым вайны крамӧ вежа нянь, медым рытын и асылын, шойччан лунӧ и выль тӧлысь чужигӧн да миян Господь Енлы сиӧм гажӧдчан лунъясӧ вайны сотан висьяс, кыдзи пыр кежлӧ тшӧктӧма вӧчны Израильлы.

2 Каднебӧг 5:12

сьылысь-ворсысь левитъяс – Асаф, Еман, Едутун, налӧн пиянныс да вокъясныс – ставныс сулалісны висьпуктанін асывладорын. На вылын вӧлі вӧсни шабді дӧраысь паськӧм. Найӧ ворсісны кимвалӧн, арфаӧн да гуслиӧн. Накӧд орччӧн сё кызь поп тутсісны трубаясӧ.

2 Каднебӧг 8:13

Мӧисейлӧн Индӧдын урчитӧм висьяс сійӧ вайліс шойччан лунӧ, выль тӧлысь чужигӧн да куимысь вонас гажӧдчан лунъяс дырйи: Шомтӧм нянь сёян лунъясӧ, Ветымынӧд лунся гаж дырйи да Чом вӧчан лунъясӧ.

Псалтыр 149:3

Ошкӧй Сылысь нимсӧ йӧктӧмӧн, сьылӧй Сылы тимпанӧн да гуслиӧн ворсӧмӧн.

Псалтыр 33:2

Ошка Господьӧс быд кадӧ, менам вомысь дугдывтӧг петӧ Сылы ошкӧмыс,

Псалтыр 98:6

Мӧисей и Аарон вӧліны Господьлӧн попъяс, Самуил вӧлі Господь дінӧ шыасьысьяс лыдын. Найӧ шыасьлісны Господь дінӧ, и Сійӧ вочавидзліс налы.

Бӧрданкыв 2:6

Сад йӧрысь чомйӧс моз Сійӧ кисьтіс Ассьыс оланінсӧ, бырӧдіс войтырыслысь вежа чукӧртчанінсӧ. Господь лэдзис вунӧдны Сионын гажӧдчан лунъяс да шойччан лунъяс, ёна скӧралігас янӧдіс ӧксыӧс да попъясӧс.

Наум 1:15

Со, керӧсъяс вывті локтӧ бур юӧр вайысь. Сійӧ лӧнь олӧм йылысь юӧртӧ: – Иуда, пасйы гажӧдчан лунъястӧ, вай кыв сетан висьястӧ. Лёк йӧз оз нин мунны тэнад муӧд, найӧс дзикӧдз бырӧдӧма!

Лыд 15:3

да ваянныд Господьлы чӧскыда ӧвтысь сотан вись либӧ начкан вись пыдди ӧшкӧс либӧ ыжӧс, лоӧ-ӧ тайӧ висьыс кыв сетан вись либӧ ас кӧсйӧм серти ваян вись либӧ гаждырся вись,

Лыд 28:11

Выль тӧлысь чужигӧн вайӧй Господьлы сотан вись пыдди дзоньвидза кык ӧшкӧс, ӧти межӧс да арӧса сизим баляӧс.

Индӧд 16:15

Сизим лун чӧж пасйӧй Господьлы, асланыд Енлы, сиӧм гаж сійӧ местаас, мый Господь бӧръяс [медым сэні ті шыасинныд Сы дінӧ]. Господь, тіян Енныд, бурсиас тіянлысь быдтаснытӧ да уджнытӧ, та вӧсна сьӧлӧмсяньныд нимкодясьӧй.

Колосӧ 2:16

Сідзкӧ, некод мед оз мыжав тіянӧс сёян-юанысь, вежа лунъясысь, выль тӧлысь пасйӧмысь да шойччан лунӧ кутчысьӧмысь,