Псалтыр 81:2 - Коми Библия 2023

² «Ті онӧ веськыда мыждӧй, ті доръянныд лёк вӧчысьясӧс!

Псалтыр 81:2 Kruisverwysings

2 Каднебӧг 5:13

Труба шыыс да сьылан шыыс юргисны ӧтмоза, ӧти шыӧн. Тадзи найӧ ошкисны-нимӧдісны Господьӧс. Кор кыліс трубалӧн тутсан шыыс, кимваллӧн да мукӧд ворсанторлӧн шыыс, кор пондісны сьывны-ошкыны Господьӧс: «Сійӧ бур, Сылӧн буралӧмыс оз помасьлы», сэки Господьлысь крамсӧ тыртіс кымӧр.

Неемий 12:42

а сідзжӧ Маасей, Шемай, Элазар, Уззей, Иоханан, Малкий, Элам да Эзер. Сьылысьяс гораа сьылісны, наӧн веськӧдліс Израхий.

Псалтыр 92:3

Господьӧй, юяс гызьӧны, юяс ыджыд шыӧн гызьӧны, кыпӧдӧны ассьыныс гыяссӧ.

Петӧм 15:20

Мирьям пророк, Ааронлӧн чойыс, босьтіс тимпан, сы бӧрся мукӧд аньыс тимпанӧн тшӧтш петісны сьывны-йӧктыны.

Марк 14:26

Енлы сьылӧм бӧрын найӧ кайисны Олив керӧсӧ.

Ефесӧ 5:19

Сьылӧй ӧтвылысь псаломъяс, ошкана сьыланкывъяс да бурсьылӧмъяс. Сьылӧй Господьлы да ошкӧй Сійӧс став сьӧлӧмсяньныд.

Колосӧ 3:16

Кристослӧн кывйыс мед озыра овмӧдчас тіян пытшкӧ. Мывкыда велӧдӧй-туйдӧдӧй ӧта-мӧднытӧ. Господьӧс аттьӧалӧмӧн сьӧлӧмсяньныд сьылӧй псаломъяс, ошкана сьыланкывъяс да бурсьылӧмъяс.

Яков 5:13

Тіян пиысь кӧ кодкӧ сьӧкыдалӧ, мед кевмысьӧ. Нимкодясьӧ кӧ, мед сьылӧ Енмӧс ошкана сьыланкывъяс.