Псалтыр 80:9 - Коми Библия 2023

⁹ Кывзы, Менам войтырӧй, Ме ӧлӧда тэнӧ. Тэ кӧ эськӧ кывзысин Менсьым, Израиль!

Псалтыр 80:9 Kruisverwysings

Ӧксыяслӧн 2 небӧг 7:10

Ме торйӧда Аслам Израиль войтырлы му да вужйӧда найӧс сэтчӧ. Найӧ лӧня да повтӧг кутасны овны асланыс муын. Лёк вӧчысьяс оз кутны дзескӧдны найӧс воддза мозыс,

Ӧксыяслӧн 3 небӧг 4:20

Иуда да Израиль войтырлӧн лыдыс вӧлі саридздор лыа мында. Найӧ сёйисны-юисны да олісны нимкодясьӧмӧн.

Ӧксыяслӧн 3 небӧг 4:25

Соломонлӧн ӧксыалӧм дырйи Иуда да Израиль войтыр войвыв Дансянь лунвыв Бер-Шеваӧдз повтӧг олісны. Быдӧн вермис пукавны аслас виноград йӧрын, аслас инжир пу улын.

1 Каднебӧг 21:5

Йоав юӧртіс Давидлы войтырлысь лыдсӧ. Вӧлӧмакӧ, Израильын миллион сё сюрс морт, кодъяс вермӧны тышӧ петны, а Иудаын – нёльсё сизимдас сюрс морт.

Псалтыр 105:44

Но Господь аддзис налысь шогсӧ, кывзіс налысь бӧрдӧмӧн шыасьӧмсӧ.

Псалтыр 44:3

Ӧксыӧй, став йӧзыс пӧвстысь тэ медся мичаыс, тэнад вомысь петӧны мелі кывъяс, та вӧсна Енмыс бурсиис тэнӧ нэмъяс кежлӧ.

Исай 27:2

Сійӧ лунӧ сьылӧй бур виноград йӧр йылысь!

Исай 27:6

Локтана кадӧ Яков вужъясяс, Израиль сетас вож да кутас дзоридзавны. Муюгыдыс тырас вотӧсӧн.

Исай 37:31

Сэки Иуда чужанкотырлӧн колясыс бара пыдӧдз лэдзас вужсӧ да ваяс вотӧс.

Исай 5:2

Сійӧ потшис йӧрсӧ, весаліс мусӧ изъясысь да пуктіс сэтчӧ медбур виноград пуяс. Йӧр шӧрас лэптіс башня, вӧчис виноград пычкан гу да кутіс виччысьны вотӧс кисьмӧмсӧ. Но чӧскыд вотӧс пыдди воис курыд вотӧс.

Еремей 12:2

Тэ пуктін найӧс, и найӧ вужъясисны, найӧ быдмӧны да вайӧны вотӧс. Найӧ сёрнитӧны Тэ йылысь, но сьӧлӧмнаныс ылынӧсь Тэысь.

Еремей 2:21

Ме пукті да быдті тэнӧ, тэ вӧлін бур вотӧс вайысь виноград пу кодь, артмин медся бур кӧйдысысь, но лоин мӧд виноград пулӧн вожйӧн.

Нав Исус 24:12

Эз тіян шыпуртныд, эз тіян ньӧввужныд вӧтлы аморейяслысь кык ӧксыӧс тіян водзвылысь, а Меӧн мӧдӧдӧм гырысь зіяс.