Псалтыр 79:4 - Коми Библия 2023

⁴ Енмӧй, выльысь сувтӧд миянӧс! Сет миянлы аддзыны Тэнсьыд югыд чужӧмбантӧ, сэки ми мездмам.

Псалтыр 79:4 Kruisverwysings

Ӧксыяслӧн 3 небӧг 9:7

сэки Ме бырӧда Израиль войтырӧс сійӧ му вывсьыс, мый Ме сеті налы. А тайӧ крамсӧ, мый Ме вежӧді-торйӧді Аслым, Ме ӧтдорта Аслам чужӧмбан водзысь, и Израиль войтыр лоӧ серамтуйын войтыръяс пӧвстын.

Неемий 1:3

Найӧ вочавидзисны, пленысь локтысьяс пӧ ёна сьӧкыдалӧны асланыс муын, сэні пӧ найӧс увтыртӧны. Ерусалим карлысь пӧ стенъяссӧ жуглӧма, а дзиръяяссӧ сотӧма.

Неемий 2:19

Кор та йылысь кылісны хоронса Санваллат, аммон войтырысь Тови чина морт да Гешем араб, серамвыв лэптісны миянӧс. Найӧ увтыртӧмӧн шуалісны: «Мыйсяма уджӧ ті босьтчинныд? Он-ӧ ӧксылы паныд кыпӧдчӧй?»

Псалтыр 80:6

Тайӧ тшӧктӧмсӧ Енмыс сетіс Ӧсиплӧн рӧдлы, кор петіс Египетлы паныд. Сэні найӧ кылісны кывъяс, кодъясӧс водзынджык эз кывлыны.

Исай 43:28

Та вӧсна Ме янӧді крамын кесъялысьясӧс, лэдзи бырӧдны Яковӧс, лёкӧдны Израильӧс.

Еремей 24:9

Быдлаын, кытчӧ Ме вӧтла найӧс, вӧча найӧс повзьӧдчанторйӧн, и мукӧд войтыръяс кутасны повны, кор тӧдмаласны, мый накӧд лои. Найӧс кутасны лёкӧдны-омӧльтны, серамтуйӧ пуктыны да ёрны.

Еремей 25:18

Ме юктӧді Ерусалимын да Иуда каръясын олысьясӧс, иудаса ӧксыясӧс да юралысьясӧс, медым вӧчны налысь каръяссӧ из чукӧрӧн да повзьӧдчанторйӧн, сетны найӧс ёрны-омӧльтны. Ставыс ӧніӧдз тадзи.

Еремей 42:18

Господь Саваоф, Израильлӧн Ен, тадзи висьталӧ: ”Кыдзи Менам скӧрлунӧй да ярлунӧй киссис ерусалимса олысьяс вылӧ, тадзи жӧ Менам скӧрлунӧй киссяс тіян вылӧ, кор ті воанныд Египетӧ. Тіянӧс пондасны ёрны да лёкӧдны-омӧльтны, ті лоанныд повзьӧдчанторйӧн, и водзӧ ті онӧ нин аддзылӧй тайӧ мусӧ”.

Еремей 51:51

– Миянӧс янӧдісны, ми кылім лёкӧдӧм, миянлы лои юръяндзим, ӧд йӧз муысь локтысьяс пырисны Господьлӧн крамса вежаинъясӧ.

Бӧрданкыв 1:11

Ерусалимын олысьяс ойзӧны, корсьӧны нянь, став озырлунсӧ найӧ вежӧны сёян вылӧ, медым ловйӧн кольны. – Видзӧдлы, Господьӧй! Тэ аддзан, кутшӧма менӧ мустӧмтӧны.

Бӧрданкыв 5:1

Господьӧй, эн вунӧд, мый миянкӧд лоис. Видзӧдлы, кутшӧма миянӧс увтыртӧны.

Езекиль 22:5

И орчча и ылі муясын олысьяс кутасны серавны тэ вылын. Тэ ассьыд нимтӧ пежалін, шызьӧмӧн тырӧм кар.

Езекиль 35:12

Сэки тэ тӧдмалан, мый Ме – Господь. Ме кывлі, кыдзи тэ лёкӧдін-омӧльтін Израиль керӧсъяс, шуалін, керӧсвыв мусӧ пӧ куштӧма, ӧні сійӧ миян киын.

Езекиль 36:15

Ме ог нин лэдз мукӧд войтыръяслы янӧдны тэнӧ, и тэ он кут кывны налысь увтыртӧмсӧ. Водзӧ тэ он вай кулӧм аслад войтырыдлы, – висьталӧ Господь Ыджыдыс».

Езекиль 36:3

Но тэ пророкав налы, мый Господь Ыджыдыс тадзи висьталӧ: тіянӧс куштӧма, и мукӧд войтыръяс быд боксянь кӧсйӧны босьтны тіянӧс аслыныс. Найӧ лёкӧдӧмӧн сёрнитӧны тіян йылысь.

Даниил 9:16

Господьӧй, Аслад веськыдлуныд ради вешты Ассьыд скӧрлунтӧ да ярлунтӧ Аслад Ерусалим кар дорысь да Тэнад вежа керӧс дорысь. Миян мыжъяс вӧсна да батьяснымлӧн лёк вӧчӧм вӧсна орччӧн олысь войтыръяс лёкӧдӧны Ерусалим карӧс да Тэнсьыд войтыртӧ.

Софоний 3:18

– Ме чукӧрта найӧс, кодъяс шогсьӧны гажӧдчан лунъяс вӧсна, ӧд найӧс нуӧдісны Ерусалимысь, найӧс личкӧ лёкӧдӧм-омӧльтӧмыс.

Закар 8:13

Иуда войтыр да Израиль войтыр, ті вӧлінныд мукӧд войтыръяс пӧвстын ёрӧмӧн, но Ме мезда тіянӧс, и ті лоанныд бурсиӧмӧн. Энӧ полӧй, лоӧй зумыдӧсь!

Индӧд 28:37

Став войтыръяс, кодъяс пӧвстӧ Господь [Ен] вӧтлас тіянӧс, повзясны сыысь, мый лоӧ тіянкӧд. Найӧ лӧсьӧдласны тіян йылысь шусьӧгъяс, серамвыв лэптасны тіянӧс.