Псалтыр 72:15 - Коми Библия 2023

¹⁵ Но ме кӧ шуи, мый кута на моз сёрнитны, ме эськӧ мыжа вӧлі Тэнад войтырыд водзын.

Псалтыр 72:15 Kruisverwysings

Ӧксыяслӧн 3 небӧг 10:10

Ӧксы-ань козьналіс Соломон ӧксылы сё кызь талант зарни, дона изъяс да унасьыс-уна чӧскыд ӧвтантор. Та мында ӧвтанторйыс, мый саваса ӧксы-ань козьналіс Соломон ӧксылы, Израильын эз на вӧвлы.

Ӧксыяслӧн 3 небӧг 10:14

Быд во Соломонлы вайлісны квайтсё квайтымын квайт талант зарни.

2 Каднебӧг 9:1

Саваса ӧксы-ань кыліс Соломонлӧн нималӧмыс йылысь да муніс Ерусалимӧ, медым нӧдкывъясӧн тӧдмавны Соломонлысь мывкыдлунсӧ. Сыкӧд вӧлі зэв уна йӧз. Верблюдъяс вылын найӧ вайисны уна зарни, дона изъяс да чӧскыд ӧвтанторъяс. Ӧксы-ань аддзысис Соломонкӧд. Сійӧ сёрнитіс Соломонкӧд быдтор йылысь, мый кӧсйис тӧдны.

Псалтыр 21:4

Тэ вежа, Тэ олан Израиль войтыр пӧвстын, найӧ сьылӧмӧн ошкӧны Тэнӧ.

Псалтыр 45:4

весиг саридзса ваыс кӧ кыптас ыджыд шыӧн, керӧсъяс кӧ вӧрзясны сылӧн гызьӧмысь.

Псалтыр 72:19

Ӧти здукӧн найӧс лоӧ бырӧдӧма, найӧ вошасны, налӧн олӧмныс лёка помасяс.

Исай 60:6

Тэ дінӧ локтас уна верблюд, Мадианысь да Эфаысь локтасны том верблюдъяс. Саваын олысьяс локтасны тэ дінӧ, ваясны чӧскыд ӧвтанторъяс да зарни, кыпӧдасны Господьлы ошкӧм.

Матвей 2:11

Керкаӧ пырӧм бӧрын найӧ аддзисны кагаӧс Мария мамыскӧд. Пидзӧс выланыс уськӧдчӧмӧн найӧ копыртчылісны кагалы да сетісны Сылы дона козинъяс: зарни, ладан да смирна.

Матвей 21:9

Водзас да бӧрас мунысьяс горзісны: – Осанна! Ошкӧм Давид Пилы! Бурсиӧма Господь нимӧн Локтысьӧс! Ошкӧм Медвылыссалы!

Матвей 6:10

Мед воас Тэнад Юралӧмыд. Мед инас Тэнад кӧсйӧмыд му вылын енэжын моз.

Иоан 11:25

Исус шуис: «Ме эм Ловзьӧдысьыс да Олӧмыс. Меным эскысь весиг кулӧм бӧрас кутас овны.

Иоан 14:19

Регыд муюгыдыс оз нин аддзы Менӧ, а ті кутанныд аддзыны Менӧ. Ме ола, та вӧсна ті тшӧтш кутанныд овны.

Иоан 5:23

медым став йӧзыс бурӧ пуктісны Писӧ Батьсӧ моз. Коді оз бурӧ пукты Писӧ, сійӧ оз бурӧ пукты и Батьсӧ, коді мӧдӧдіс Писӧ.

Филипӧ 2:11

медым Ен Батьӧс ошкӧм могысь быд морт шуис: «Исус Кристос эм Господь».

1 Фессалоникаӧ 3:11

Ачыс Енмыс, миян Бать, да миян Господь Исус Кристос мед веськӧдасны миянлысь туйнымӧс тіян дінӧ.

2 Тимофейлы 4:22

Господь Исус Кристос тэкӧд. Енлӧн буралӧмыс тіянкӧд. Аминь.

2 Петыр 3:18

Быдмӧй буралӧмас да миян Мездысь Исус Кристос Господьнымӧс тӧдмалӧмас. Сылы ошкӧмыс ӧні да нэмъяс чӧж. Аминь.

1 Иоан 1:2

Олӧмыс петкӧдчис, и ми аддзылім Сійӧс. Ӧні висьталам Сы йылысь, юӧртам тіянлы помтӧм Олӧмыс йылысь. Сійӧ вӧлі Батьыскӧд, ӧні Сійӧс восьтӧма миянлы.

Иуда 1:25

Ыджыд мывкыда ӧти Ен мездіс миянӧс Исус Кристос Господьным пыр. Сылы ошкӧм-нимӧдӧмыс, Сылӧн выныс-ыджыдалӧмыс олӧм пуксьытӧдзыс, ӧні да нэмъяс чӧж. Аминь.

Восьтӧм 1:18

Ме ловъя. Ме вӧлі кулӧма, но ӧні ловъя нэмъяс чӧж. Аминь. Менам киын адысь да кулӧмысь восьтаныс.