Псалтыр 72:11 - Коми Библия 2023

¹¹ Найӧ шуалӧны: «Кытысь Енмыс тӧдмалас? Медвылыссаыс ӧмӧй тӧдӧ та йылысь?»

Псалтыр 72:11 Kruisverwysings

Исай 11:9

Менам вежа керӧс вылын оз нин пондыны вӧчны лёксӧ. Кыдзи саридзыс тырӧма ваӧн, сідзи муыс лоӧ тырӧма Господьӧс тӧдӧмӧн.

Исай 49:7

Господь, Израильӧс Мездысь, сылӧн вежа Ен, тадзи висьталӧ ыджыдалысьяслӧн кесйӧглы, кодӧс ставныс увтыртӧны, кодӧс лёкӧдӧны войтыръяс: – Тэнӧ аддзигӧн ӧксыяс сувтасны, юралысьяс копыртчасны муӧдзыс, ӧд Господь эскана, ӧд Израильлӧн вежа Ен бӧрйис тэнӧ.

Исай 54:5

Ӧд тэнад верӧсыд – тэнӧ Вӧчысьыд, Сылӧн нимыс – Господь Саваоф. Тэнӧ Мездысьыд – Израильлӧн вежа Ен, Сійӧс шуӧны став му пасьтала ыджыдалысь Енмӧн.

Микей 7:17

Змейяс моз найӧ пондасны нювны мусӧ, мувывса веглясьысьяс моз петасны асланыс изкаръясысь, тіралӧмӧн локтасны Господь Енным дінӧ. Найӧс полӧм босьтас Тэысь!

Лыд 24:7

Тіян пельсаясысь ваыс оз бырлы, пуктӧм кӧйдыснытӧ юкталас ва. Тіян ӧксыныд лоӧ Агагысь ыджыдджык, сылысь юралӧмсӧ лоӧ вылӧ кыпӧдӧма.

Римӧ 11:25

Вокъяс, мед ті энӧ мӧвпалӧй ас мывкыдсяньныд, висьтала тіянлы тайӧ гусяторсӧ – Израиль войтырӧс суис чорзьӧдчӧм, но эз ставнысӧ. Чорзьӧдчӧмыс кыссяс сэтчӧдз, кытчӧдз мукӧд войтыръясысь оз мездмы индӧм лыдыс.

Восьтӧм 11:15

Кор сизимӧд анделыс тутсіс трубаӧ, енэжас кылісны гора шыяс. Найӧ шуалісны: – Став муюгыдыс лои миян Господьлӧн да Сылӧн Мавтыштӧмалӧн юраланінӧн. Сійӧ кутас юравны нэмъяс чӧж!

Восьтӧм 17:14

Найӧ кутасны тышкасьны Балякӧд, но Баля вермас найӧс, ӧд Сійӧ – ыджыдъяслӧн Ыджыдыс да ӧксыяслӧн Ӧксыыс. Сыкӧд тшӧтш лоӧны Сылӧн корӧмаясыс, бӧрйӧмаясыс да эскана йӧзыс».

Восьтӧм 21:24

Мездмӧм войтыръяс кутасны овны сылӧн югыдас. Мувывса ӧксыяс ваясны тайӧ карас ассьыныс ошйысян-нимӧданторнысӧ.

Восьтӧм 21:26

Сэтчӧ лоӧ вайӧма войтыръяслысь ошйысян-нимӧданторсӧ.