Псалтыр 7:10 - Коми Библия 2023

¹⁰ Веськыд Енмӧй, лёк вӧчысьяслӧн скӧралӧмлы Тэ пукты пом, а веськыда олысьӧс ёнмӧд, ӧд Тэ пыдӧдз тӧдмалан мортлысь сьӧлӧмсӧ да пытшкӧсса мӧвпъяссӧ.

Псалтыр 7:10 Kruisverwysings

Олӧм 15:1

Тайӧ лоӧмторъясыс бӧрын Ӧврамлы петкӧдчис Господь да шуис: «Эн пов, Ӧврам, Ме – тэнад сайӧдыд. Тэныд вичмас ыджыд тырдон».

1 Каднебӧг 28:9

А тэ, Соломон пиӧй, тӧд аслад батьыдлысь Енсӧ, кесъяв Сылы став сьӧлӧмнад да став олӧмнад. Ӧд Господь быдӧнлысь тӧдмалӧ сьӧлӧмсӧ да тӧдӧ мӧвпъяссӧ. Кутан кӧ корсьны Сійӧс, сэки аддзан, а эновтан кӧ, Сійӧ пыр кежлӧ эновтас тэнӧ.

2 Каднебӧг 6:30

сэки Тэ кыв найӧс енэжсяньыд, Аслад оланінсянь, да прӧстит найӧс. Тэ ӧд тӧдан быдӧнлысь сьӧлӧмсӧ, сӧмын ӧтнадӧн Тэ тӧдан мортлысь сьӧлӧмсӧ. Мынтысь быдӧнлы сылӧн уджъясыс серти,

Иов 8:6

тэ кӧ сӧстӧм да веськыд, Сійӧ бергӧдас чужӧмбансӧ тэлань да веськыдлуныд серти сетас тэныд овны.

Псалтыр 112:2

Господьлысь нимсӧ мед лоӧ ошкӧма ӧні и нэмъяс чӧж!

Псалтыр 125:4

Господьӧй, бергӧд миян войтырлысь коляссӧ пленысь, кыдзи визув ва Тэ веськӧдан Негев кос му вылӧ.

Псалтыр 3:3

унаӧн сёрнитӧны ме йылысь, Енмыс пӧ оз мезды сійӧс.

Псалтыр 84:11

Буралӧмыс да збыльыс паныдасясны, веськыдлуныс да лӧньлуныс окыштчасны.

Шусьӧгъяс 11:20

Наян сьӧлӧма мортыд – Господьлы зывӧк, сӧстӧма олысьыд – шогмана Сылы.

Шусьӧгъяс 2:21

Ӧд веськыда олысьяс му вылын водзӧ оласны, сӧстӧмъяс сэні ловъяӧсь кольӧны.

Шусьӧгъяс 28:18

Сӧстӧма олысь повтӧг ветлӧ, а коді чукльӧдлӧ, виччысьтӧг усьӧ.

Еремей 11:20

Но Господь Саваоф веськыда мыждӧ, Сійӧ тӧдӧ мортлысь сьӧлӧмсӧ да мӧвпъяссӧ. Господьӧй, сет меным аддзыны, кыдзи Тэ водзӧс перъян налысь, ӧд ассьым тӧжд-могӧс ме вайи Тэ водзӧ.

Еремей 17:10

Ме, Господь, видзӧда мортлӧн сьӧлӧмӧ, туяла мортлысь пытшкӧссӧ, Ме мынтыся быдӧнлы сылӧн туйясыс серти, сылӧн уджъяслӧн вотӧсыс серти.