8 Тэ вӧсна менӧ лёкӧдӧны, менам чужӧмӧй сотчӧ.
Шойччы, менам лолӧй, ӧд Господь тӧждысьӧ тэ вӧсна.
Мед ошкасны Господьӧс енэжыс да муыс, саридзыс да сэні став олысьыс.
Найӧ тӧдӧмӧн дӧзмӧдісны Енсӧ, корисны Сылысь сёян сьӧлӧм сертиныс.
Та вӧсна Ен нуӧдіс войтырсӧ Гӧрд саридзлань кытшола туйӧд, овтӧминті. Израиль войтыр петіс Египет муысь тышкайӧз моз чукӧръясӧн.
Коймӧд луннас водз асывсянь гымаліс-чардаліс, Синай керӧс вевттьысис сук кымӧрӧн, кыліс горасьыс-гора буксан шы. Чомъяс дінын став войтырыс полӧмысла тіраліс.
Синай керӧс ставнас тшыналіс, ӧд Господь лэччис сэтчӧ биӧн. Керӧсыс ёна вӧрис, и пачысь моз сэтысь кайис тшын.
Ме сета тэныд пемыдінын видзан озырлун, дзебӧм озырлун, медым тэ тӧдін: Ме – Господь, Израильлӧн Ен, Ме чуксала тэнӧ нимнад.
Господьӧй, косяв енэжсӧ да лэччы! Керӧсъяс мед дзӧрӧны-тіралӧны Тэ водзын
Тэ вӧчлін повзьӧдана уджъяс, та йылысь ми весиг мӧвпыштнысӧ эгӧ кужлӧй. Тэ лэччин, и керӧсъяс дзӧрисны-тіралісны Тэ водзын.
Тэ петан мездыны Ассьыд войтыртӧ, дорйыны Ассьыд мавтыштӧматӧ. Тэ пасьвартан лёк вӧчысьяслысь юралысьсӧ, колян сійӧс нинӧмтӧг.
Сэки Енлӧн гӧлӧс шыыс вӧрзьӧдліс мусӧ, но ӧні Сійӧ кӧсйысис: – Нӧшта ӧтчыдысь Ме вӧрзьӧда мусӧ, и ог сӧмын мусӧ, вӧрзьӧда тшӧтш енэжсӧ.
Енэжас воссис Енлӧн крамыс, и крамысь тыдовтчис Йитӧд куд. Сэки кутіс чардавны-гымавны, кылісны гора шыяс, муыс кутіс вӧрны, да киссис гырысь шер.
Сэки Девора шуис Вараклы: «Пет тышӧ! Талун Господь сетас Сисарӧс тэнад киӧ. Ачыс Господь мунас тэ водзвылын». Варак лэччис Тавор керӧсысь, сы бӧрся лэччис дас сюрс морт.
