Псалтыр 58:9 - Коми Библия 2023

⁹ Но Тэ, Господьӧй, сералан лёк вӧчысьяс вылын, Тэ янӧдан войтыръясӧс.

Псалтыр 58:9 Kruisverwysings

Иов 18:18

Сійӧс лоӧ вӧтлӧма югыдсьыс пемыдӧ, лоӧ шыбитӧма кулӧмаяс дінӧ.

Иов 27:21

Сійӧ кутас зільны пышйыны, но асыв тӧв кыпӧдас сійӧс, ыджыд ӧдӧн нӧбӧдас да нем жалиттӧг шыбитас мӧдлаӧ.

Иов 3:16

Менӧ эськӧ гуалісны чӧвтчӧм кагаӧс моз, пузчужӧмаӧс моз, коді югыдсӧ эз аддзыв.

Псалтыр 10:2

Лёк вӧчысьяс зэвтӧмаӧсь ньӧввужсӧ, дасьтӧмаӧсь ньӧвъяссӧ, медым пемыд кадӧ лыйлыны веськыд сьӧлӧмаясӧс.

Псалтыр 10:5

Господь тӧдмалӧ веськыда олысьӧс, а лёк вӧчысьӧс да виалӧм-дзескӧдӧмсӧ радейтысьӧс Сійӧ мустӧмтӧ.

Псалтыр 118:12

Ошкӧм Тэныд, Господьӧй! Велӧд менӧ Аслад тшӧктӧмъясӧ.

Шусьӧгъяс 1:27

кор полӧмыс гартыштас тіянӧс тӧвныр моз, сьӧкыдыс суас тіянӧс турӧб моз, шогалӧм-дзескӧдӧмыс тіян вылӧ воас.

Шусьӧгъяс 10:25

Тӧвныр мунас – и лёк вӧчысь бырӧ, а веськыда олысь бырлытӧм подув вылын сулалӧ.

Шусьӧгъяс 14:32

Лёк вӧчысь аслас лёклуныс вӧсна усьӧ, веськыда олысьлӧн весиг кулігас лачаыс лоӧ.

Еклесиаст 7:6

Вежӧртӧмлӧн серамыс пӧрт улын сотчысь лежнӧглӧн трачкӧдчӧм кодь. И тайӧ, вӧлӧмакӧ, весьшӧрӧ.

Исай 17:13

Войтыръяс горзӧны, быттьӧ пыдӧстӧм ваяс бузгӧны. Но Господь чирыштас найӧс, и найӧ ылӧдз пышъясны. Найӧ тӧвзясны керӧсъяс вывті тӧвнырӧн нӧбӧдан кыд моз, ыджыд тӧвнырӧн нӧбӧдан бус моз.

Исай 40:24

Найӧс сӧмын на пуктӧма-кӧдзӧма, найӧ муртса на вужъясьӧмаӧсь му пытшкас, но кор Господь пӧльыштас на вылӧ, найӧ косьмасны, и тӧвнырыс нӧбӧдас найӧс идзасӧс моз.

Еремей 23:19

Со, Господьсянь кыпӧдчӧ ыджыд тӧвныр, Сылӧн скӧрлуныс локтӧ тӧвныр моз, гартчӧ лёк вӧчысьяслӧн юр весьтын.

Лыд 16:30

Но Господь кӧ вӧчас вӧвлытӧмтор, и муыс воссяс да ньылыштас найӧс [налысь чомъяснысӧ] да ставсӧ, мый налӧн эм, и найӧ ловйӧн мунасны пыдӧстӧминӧ, сэки ті тӧдмаланныд, мый тайӧ йӧзыс нинӧмӧ пуктісны Господьӧс».