Псалтыр 57:1 - Коми Библия 2023

¹ Сьылысьясӧн веськӧдлысьлы. Сьылӧны ”Эн бырӧд” шылад улӧ. Давидлӧн кывбур.

Псалтыр 57:1 Kruisverwysings

Псалтыр 125:1

Крамӧ мунігӧн сьылӧм. Кор Господь бӧр вайӧдіс миянӧс пленысь Сионӧ, ми вӧлім мича вӧт аддзысь кодьӧсь.

Псалтыр 13:5

Но найӧс полӧм босьтас, [кор нинӧмысь лоӧ повнысӧ,] ӧд Енмыс дорйӧ веськыда олысьясӧс.

Псалтыр 142:1

Давидлӧн псалом. [Давид лӧсьӧдіс тайӧ сьыланкывсӧ, кор Авессалом пиыс вӧтлысис сы бӧрся.] Господьӧй, кыв менсьым кевмысьӧмӧс, кывзы менсьым кевмӧмӧс да вочавидз меным, ӧд Тэ эскана да веськыд!

Псалтыр 2:12

Вылӧ пуктӧй Писӧ, медым Сійӧ эз скӧрмы, и медым ті энӧ кулӧй туй выланыд, ӧд Сылӧн скӧрлуныс регыд нин ыпнитас. Шудаӧсь Сы вылӧ лача кутысьяс.

Псалтыр 36:7

Лӧня виччысь Господьӧс да лача кут Сы вылӧ. Эн вежав наяна вӧчысьлы, кодлӧн ставыс артмӧ.

Псалтыр 56:1

Сьылысьясӧн веськӧдлысьлы. Сьылӧны ”Эн бырӧд” шылад улӧ. Давид лӧсьӧдіс тайӧ кывбурсӧ, кор пышйис Саулысь изкыртаӧ.

Псалтыр 58:1

Сьылысьясӧн веськӧдлысьлы. Сьылӧны ”Эн бырӧд” шылад улӧ. Давид лӧсьӧдіс тайӧ кывбурсӧ, кор Саул мӧдӧдіс Давидлӧн керка дорӧ кыйӧдчысьясӧс, медым вины сійӧс.

Псалтыр 59:1

Сьылысьясӧн веськӧдлысьлы. Сьылӧны ”Шушан эдут” шылад улӧ. Давид лӧсьӧдіс тайӧ кывбурсӧ велӧдӧм могысь,

Псалтыр 61:4

Дыр-ӧ ті понданныд дзескӧдны менӧ? Ті ставныд усянныд пӧлыньтчӧм стен моз, нёровтчӧм потшӧс моз.

Псалтыр 63:7

Найӧ кӧсйӧны лёксӧ вӧчны, шуалӧны, миян пӧ эм гуся сёрнитчӧм. Збыльысь, мортлысь сьӧлӧмсӧ он вермы туявны-тӧдмавны.

Псалтыр 75:1

Сьылысьясӧн веськӧдлысьлы. Ворсӧны струнаа ворсанторйӧн. Асафлӧн псалом. Сьыланкыв.

Псалтыр 9:10

Господь лоӧ сайӧдчанінӧн дзескӧдӧмалы, дзебсянінӧн – шог дырйи.

Псалтыр 91:1

Псалом. Сьылӧны шойччан лунӧ.

Псалтыр 91:4

ошкыны Тэнӧ арфаӧн да гуслиӧн, дас струнаа ворсанторйӧн.

Псалтыр 91:9

Но Тэ, Господьӧй, нэмъяс чӧж Медвылыссаыс.

Исай 10:25

Но регыд нин, вывті регыд Менам лӧглунӧй тіян вылӧ кусас. Менам скӧрлунӧй бергӧдчас Ассур вылӧ, медым бырӧдны сійӧс.

Исай 26:20

Менам войтырӧй, мунӧй асланыд гортӧ да йигнасьӧй! Дзебсьӧй дженьыдик кад кежлӧ, кытчӧдз оз лӧнь Господьлӧн скӧрлуныс.

Исай 50:10

Коді тіян пӧвстысь полӧ Господьысь, кывзысьӧ Сылӧн кесйӧглысь? Коді ветлӧ пемыдас, кӧні абу югыдыс, сійӧ мед лача кутӧ Господьлӧн нимыс вылӧ, мед мыджсьӧ аслас Ен вылӧ.

Матвей 24:22

Тайӧ кадсӧ кӧ оз ло дженьдӧдӧма, ловъя морт оз коль. Но бӧрйӧмаяс вӧсна тайӧ кадсӧ лоӧ дженьдӧдӧма.

Лука 13:34

Ерусалим, Ерусалим! Пророкъясӧс виалысь да тэ дінӧ ыстӧмаясӧс изъялысь! Кымынысь Ме кӧсйи чукӧртны тэнсьыд ныв-питӧ, кыдзи лэбач чукӧртӧ ассьыс пиянсӧ борд улас, но ті энӧ кӧсйӧй.

Иоан 16:20

Веськыда, веськыда висьтала тіянлы: ті кутанныд сыркъялӧмӧн бӧрдны, а муюгыдыс кутас нимкодясьны. Ті шогӧ усянныд, но тіян шогныд бергӧдчас нимкодьлунӧ.

Индӧд 9:26

Ме кевмыси Господьлы: ”Господьӧй Ыджыдӧй, [енъяслӧн Ӧксы,] эн бырӧд Ассьыд войтыртӧ. Ӧд Тэ мездін найӧс Аслад ыджыд вынӧн, петкӧдін Египетысь вына кинад [да ён сойнад].

Восьтӧм 21:4

Сійӧ чышкас налысь став синвасӧ. Кулӧмыс оз нин ло, оз ло шогсьӧм, бӧрдӧм ни висьӧм, ӧд важыс кольӧма.

Восьтӧм 7:14

«Ыджыдӧй, тэ ачыд тӧдан», – вочавидзи ме. Сэки сійӧ шуис меным: – Тайӧ йӧзыс мунісны уна сьӧкыд пыр. Найӧ мыськисны паськӧмнысӧ Баля вирӧн, и паськӧмныс лои еджыд.

Руфа 2:12

Тэнад бур вӧчӧмысь мед тырвыйӧ мынтысяс тэныд Господь, Израильлӧн Ен, кодлӧн борд улӧ тэ пырин, медым аддзыны аслыд дорйӧм».

Ӧксыяслӧн 1 небӧг 22:1

Давид пышйис Геф карысь да дзебсис Адуллам кар дорӧ кырта горсйӧ. Кор та йылысь тӧдмалісны вокъясыс да став сылӧн рӧдыс, локтісны сы дінӧ.

Ӧксыяслӧн 1 небӧг 24:3

Саул босьтіс аскӧдыс Израиль войтырысь куим сюрс медбур айуловӧс да муніс корсьны Давидӧс да сылысь йӧзсӧ изкыртаясысь, кӧні олісны керӧсвывса кӧзаяс.

Ӧксыяслӧн 1 небӧг 24:4

Туй вывті муніганыс найӧ воисны ыж йӧр дінӧ. Сэні Саул пырис кырта горсйӧ асмогасьны. Буретш тайӧ кырта горсъяс, пыді пельӧсас, дзебсясис Давид аслас йӧзкӧд.

Ӧксыяслӧн 1 небӧг 24:8

Тайӧ кывъяснас Давид ӧлӧдіс ассьыс йӧзсӧ да эз лэдз уськӧдчыны Саул вылӧ. Саул петіс кырта горсйысь да мӧдӧдчис водзӧ.

Ӧксыяслӧн 1 небӧг 26:9

Давид шуис Авишайлы: «Эн ви сійӧс! Господьлӧн мавтыштӧма вылӧ ки лэптысь оз коль мыждытӧг.