Псалтыр 46:10 - Коми Библия 2023

¹⁰ Войтыръяслӧн юралысьяс чукӧртчӧны Ен войтыр дінӧ, тайӧ войтырыс кесъялӧ Ӧвраамлӧн Енлы. Мувывса став веськӧдлысьыс Енмыслӧн, Сійӧ юралӧ-ыджыдалӧ на вылын.

Псалтыр 46:10 Kruisverwysings

Ӧксыяслӧн 3 небӧг 18:36

Рытъя вись ваян кадӧ Илля пророк матыстчис висьпуктанін дорӧ да [енэжас видзӧдӧмӧн гораа] шуис: «Господьӧй, Ӧвраамлӧн, Исааклӧн да Израильлӧн Ен! [Кыв менӧ, Господьӧй, кыв менӧ талун би пытшсянь!] Талун мед тӧдмаласны тайӧ йӧзыс, мый Тэ – Израильлӧн Ен, и мый ме – Тэнад кесйӧг. Найӧ мед аддзасны, мый ме ставсӧ вӧчи Тэнад тшӧктӧм серти.

Ӧксыяслӧн 4 небӧг 19:12

Мукӧд войтыръясӧс ӧмӧй мездісны налӧн енъясыс? Менам батьяс бырӧдісны налысь Гозан, Харан да Рецеф каръяс, тшӧтш Телассар муысь Эден карын олысьясӧс.

Ӧксыяслӧн 4 небӧг 6:23

Арамейяслы дасьтісны ыджыд пызан. Вердӧм-юкталӧм бӧрын израильса ӧксы лэдзис найӧс асланыс ӧксы дінӧ. Та бӧрын арамейяс дугдісны усьласьны Израиль му вылӧ.

1 Каднебӧг 29:11

Господьӧй, Тэнад эм нималӧм, вын, дзирдлун, вермӧм да юралӧм. Ставыс, мый эм енэжас да му вылас – тайӧ Тэнад. Господьӧй, Тэ – Ӧксы, Тэ ставыс вылын Медыджыдыс.

Псалтыр 100:3

Став шогмытӧмсӧ ме ылыста аслам син водзысь, лёк вӧчӧмсӧ ме мустӧмта, сійӧ оз ляксьы ме дінӧ.

Псалтыр 21:13

Уна ӧш чукӧртчисны ме гӧгӧр, васанса тшӧгӧдӧм ӧшъяс кытшалісны менӧ.

Псалтыр 37:15

Ме лои пельтӧм морт кодь, ог кыв да ог вермы вочавидзны.

Псалтыр 57:5

Налӧн ядыс – змей яд кодь, найӧ тупкӧмаӧсь пельнысӧ, найӧ пельтӧм змей кодьӧсь.

Петӧм 18:11

Ӧні ме тӧда, мый Господь став енсьыс ыджыд, ӧд Израиль войтырӧс Сійӧ мездіс вылӧ кыпӧдчысь египетсаяслӧн кипод улысь».

Исай 2:11

Вылӧ кыпӧдчысьяс лэдзасны юрнысӧ, ышнясьысьяс улӧдз копыртчасны, сійӧ лунӧ сӧмын Господь лоӧ медся вылын.

Исай 2:17

Вылӧ кыпӧдчысьясӧс лоӧ улӧ лэдзӧма, ышнясьысьяс улӧдз копыртчасны, сійӧ лунӧ сӧмын Господь лоӧ медся вылын,

Исай 2:4

Господь отсалас воны ӧти кывйӧ войтыръяслы, кутас веськыда мыждыны чужанкотыръясӧс. Сэки йӧзыс дорасны шыпуртъясысь гӧръяс, шыясысь – чарлаяс. Войтыръяс ӧта-мӧдныслы паныд оз нин лэптыны шыпуртсӧ, водзӧ оз кутны велӧдчыны тышкасьны.

Исай 5:16

Но Господь Саваоф веськыда мыждӧ, та вӧсна Сійӧс лоӧ ыдждӧдлӧма. Аслас веськыда вӧчӧмнас вежа Ен петкӧдлас Ассьыс вежалунсӧ.

Еремей 49:35

– Господь Саваоф тадзи висьталӧ: Ме чегъяла Эламлысь ньӧввужсӧ – сылысь медыджыд вынсӧ.

Езекиль 30:8

Кор Ме биӧн сота Египетӧс да пасьварта сылы отсасьысьясӧс, сэки египетсаяс тӧдмаласны, мый Ме – Господь.

Езекиль 38:23

Петкӧдла Ассьым вынӧс да вежалунӧс, восьта Ачымӧс уна войтыръяслӧн син водзын. Сэки найӧ тӧдмаласны, мый Ме – Господь».

Езекиль 39:3

Ме уськӧда шуйга кисьыд ньӧввужтӧ, веськыд кисьыд – ньӧвъястӧ.

Микей 4:3

Господь отсалас воны ӧти кывйӧ войтыръяслы, кутас веськыда мыждыны ылі муясысь вына чужанкотыръясӧс. Сэки йӧзыс дорасны шыпуртъясысь гӧръяс, шыясысь – чарлаяс. Войтыръяс ӧта-мӧдныслы паныд оз нин лэптыны шыпуртсӧ, водзӧ оз нин кутны велӧдчыны тышкасьны.

Аввакум 2:20

А Господь – Аслас вежа крамын. Став муюгыдыс мед ланьтас Сы водзын!

Закар 2:13

Господь водзын мед ланьтас быд морт, ӧд Господь петӧ Аслас вежа оланінысь.

Нав Исус 11:6

Господь шуис Исуслы: «Эн пов наысь. Аски тайӧ кадас Ме сета израильса тышкайӧзлы пасьвартны найӧс. Вӧвъясныслысь кок сӧнсӧ вундав, а тарантасъяссӧ сот».

Нав Исус 11:9

Исус вӧчис Господьлӧн тшӧктӧм серти – вӧрӧглӧн вӧвъясыслысь кок сӧнсӧ вундаліс, а тарантасъяссӧ сотіс.

Ӧксыяслӧн 1 небӧг 17:46

Талун Господь сетас тэнӧ менам киӧ. Ме виа тэнӧ, юртӧ керышта, и [тэнсьыд шойтӧ да] став филистимса тышкайӧзлысь шойсӧ сета лэбачьяслы да зверъяслы. Сэки став муыс тӧдмалас, мый Израильлӧн эм Ен.

Ӧксыяслӧн 1 небӧг 2:4

Вынаяслӧн ньӧввужйыс чегъясьӧ, а вынтӧмъяслӧн выныс содӧ.