Псалтыр 45:11 - Коми Библия 2023

¹¹ Господь висьталӧ: «Сувтыштлӧй да тӧдӧй, мый Ме – Енмыс. Менӧ вылӧ кыпӧдӧны войтыръяс пӧвстын, Менӧ ошкӧны став му пасьтала».

Псалтыр 45:11 Kruisverwysings

Псалтыр 2:12

Вылӧ пуктӧй Писӧ, медым Сійӧ эз скӧрмы, и медым ті энӧ кулӧй туй выланыд, ӧд Сылӧн скӧрлуныс регыд нин ыпнитас. Шудаӧсь Сы вылӧ лача кутысьяс.

Псалтыр 45:6

Ачыс Енмыс кар шӧрас, карыс оз вӧрзьы, водз асывсянь Енмыс отсалӧ сылы.

Псалтыр 95:6

Сылӧн эм ыджыдалӧм да дзирдлун, Сылӧн вежаинын – вын да мичлун.

Сьылан 1:8

Фараон тарантас бердӧ доддялӧм вӧв кодь тэ, мусаӧй.

Сьылан 2:14

Гулюӧй менам, мыйла дзебсясян изкырта потасын, сайӧдчан джуджыд кыр бердын! Петкӧдлы меным чужӧмбантӧ, сет меным кывны гӧлӧс шытӧ, ӧд тэнад гӧлӧс шыыд – небыд, тэнад чужӧмбаныд – мичасьыс-мича!»

Сьылан 2:2

– Нывъяс шӧрын менам мусаӧй быттьӧ лежнӧг пиын дзоридзалысь лилия. (Ныв:)

Сьылан 4:7

Мусаӧй, тэ сэтшӧм мича, тэнад ставыс тыр-бур! (Зон:)

Сьылан 6:4

– Мусаӧй, тэ Тирза кар кодь мича, тэнад мичлуныд Ерусалимлӧн кодь, тэ дӧрапасӧн локтысь тышкайӧз кодь шемӧсмӧдана.

Исай 54:5

Ӧд тэнад верӧсыд – тэнӧ Вӧчысьыд, Сылӧн нимыс – Господь Саваоф. Тэнӧ Мездысьыд – Израильлӧн вежа Ен, Сійӧс шуӧны став му пасьтала ыджыдалысь Енмӧн.

Софоний 3:17

Господь, тэнад Енмыд, тэ пӧвстын, Сійӧ вына мездыны тэнӧ. Тэ вӧсна Сійӧ кутас долыда нимкодясьны, кыпыда гажӧдчыны. Сійӧ лоӧ бур сьӧлӧма тэ дінӧ, ӧд тэ Сылы муса.

Лука 24:52

Найӧ муӧдзыс копыртчылісны Сылы, сэсся ёна нимкодясигтыр локтісны бӧр Ерусалимӧ.

Иоан 20:28

Фома вочавидзис: «Господьӧй, менам Енмӧй!»

Ап. уджъяс 10:36

Сійӧ мӧдӧдіс Израиль войтырлы Ассьыс кывсӧ, лӧньлун йылысь Бур Юӧрсӧ, кодӧс вайис Исус Кристос. Сійӧ ставныслы Господь.

Римӧ 14:9

Кристос ӧд куліс, ловзис да олӧ, медым ыджыдавны кулӧмаяс да ловъяяс вылын.

Филипӧ 3:8

Ставсӧ тайӧс пукта нинӧм туйӧ, ӧд Исус Кристосӧс, ассьым Господьӧс, тӧдӧм дорысь нинӧм абу ыджыдджыкыс. Кристос вӧсна эновті ставсӧ, ставсӧ лыддя ёгӧн, медым ме озырми Кристосӧн