Псалтыр 37:10 - Коми Библия 2023

¹⁰ Господьӧй, Тэ аддзан став менсьым кӧсйӧмӧс, кылан став менсьым ышлолалӧмӧс.

Псалтыр 37:10 Kruisverwysings

Ӧксыяслӧн 4 небӧг 9:25

Еху шуис аслас Бидэкар отсасьысьлы: «Босьт Иорамлысь шойсӧ да шыбит изреельса Навотлӧн му вылӧ. Кор ми тэкӧд вӧлі мунам таті Иорамлӧн Ахав батьыс бӧрся, Господь висьталіс, мый лоас Ахавкӧд. Эн вунӧд, мый Сійӧ тадзи шуис:

Эсфир 7:10

Аманӧс ӧшӧдісны пу сюръя вылӧ, мый сійӧ дасьтіс Мардокейлы. Та бӧрын ӧксылӧн скӧрлуныс лӧнис.

Иов 14:10

А мортыс вынтӧммӧ да кулӧ. Кор сылӧн лолыс петас, кӧні сійӧ лоӧ?

Иов 20:5

лёк вӧчысьлӧн гажӧдчӧмыс дженьыд, Ентӧг олысьлӧн нимкодясьӧмыс здук мында?

Иов 24:24

Найӧ сӧмын на кыпӧдчасны, и абуӧсь нин, став йӧзыс моз найӧ усясны да куласны, найӧс нетшкасны шептӧс моз.

Иов 7:10

Аслас керкаӧ сійӧ бӧрсӧ оз бергӧдчы, сылӧн мувыв оланіныс оз нин тӧд сійӧс.

Иов 7:21

Мыйла Тэ он прӧстит менсьым мыжӧс, мыйла он вешты менсьым мыжмӧмӧс? Ӧні ме кыз му улӧ вода, Тэ кутан корсьны менӧ, а ме ог нин ло.

Псалтыр 103:16

Тэ пӧткӧдан ливанса сус пуяс, Господьлӧн пуяс пыр вежӧсь.

Псалтыр 49:10

ӧд вӧрса став звер-пӧткаыс Менам, сюрс керӧс вылын олысь став пемӧсыс тшӧтш Менам.

Псалтыр 52:5

Мыйла оз мывкыдсявны лёксӧ вӧчысьяс? Найӧ нянь моз сёйӧны менсьым войтырӧс, оз шыасьны Ен дінӧ.

Шусьӧгъяс 14:11

Лёк вӧчысьлӧн керкаыс киссяс, веськыда олысьлӧн – кутас дзоридзавны.

1 Петыр 4:7

Регыд ставыслы воас пом. Сідзкӧ, лоӧй мывкыдаӧсь да олӧй садь вежӧрӧн, медым верминныд кевмысьны.