Псалтыр 36:4 - Коми Библия 2023

⁴ Бурмӧд сьӧлӧмтӧ Господьӧн, и Сійӧ збыльмӧдас тэнсьыд сьӧлӧм кӧсйӧмтӧ.

Псалтыр 36:4 Kruisverwysings

Эсфир 5:14

Сэки Зереш гӧтырыс да ёртъясыс шуисны Аманлы: «Тшӧкты сувтӧдны ветымын гырддза судта пу сюръя. Асывнас ӧксылы шу, мед тшӧктас ӧшӧдны сэтчӧ Мардокейӧс. Сэки нимкодь сьӧлӧмӧн верман мунны ӧксыкӧд гаж вылад». Аманлы сьӧлӧм вылас воис татшӧм вӧзйӧмыс, и сійӧ тшӧктіс сувтӧдны пу сюръя.

Эсфир 6:4

[Кор ӧксы вӧлі юасьӧ Мардокейлӧн бур вӧчӧм йылысь, йӧрӧ пырис Аман.] Ӧксы юаліс: «Коді сэні йӧрас?» Ӧксы керкалӧн ортсы йӧрӧ вӧлі локтӧма Аман сёрнитны ӧксыкӧд, медым ӧшӧдны Мардокейӧс пу сюръя вылӧ, мый Аман сувтӧдіс сылы.

Иов 15:16

Кыдзи вермас лоны сӧстӧмӧн пеж да шогмытӧм морт, кодлы лёк вӧчӧмыс ва юӧм кодь?

Псалтыр 38:12

Тэ кӧ мыж вӧчӧмысь янӧдан да мыждан мортӧс, сэки сылӧн мичлуныс бырас воз сёйӧм паськӧм моз. Быд мортлӧн олӧмыс тӧвру пӧльыштӧм кодь.

Псалтыр 52:3

Енмыс енэжсяньыс видзӧдӧ йӧзыс вылӧ, медым аддзыны, эм-ӧ вежӧра мортыс, Енсӧ корсьысьыс.

Шусьӧгъяс 24:2

Найӧ олӧны лёк мӧвпъясӧн, лёк вӧчӧм йылысь сёрнитӧны.

Шусьӧгъяс 24:23

Мывкыд йӧзсянь нӧшта шусьӧгъяс. Ёрдысь мед мыждӧ веськыда, оз чужӧм вылӧ видзӧдӧмӧн.

Шусьӧгъяс 4:16

Найӧ оз вермыны унмовсьны, оз кӧ вӧчны лёксӧ, налӧн унмыс вошӧ, оз кӧ дойдны кодӧскӧ.

Исай 65:2

Быд лун Ме нюжӧдлі киӧс кывзысьтӧм войтыр дінӧ, коді мунӧ шогмытӧм туйӧд, олӧ аслас колӧм-кӧсйӧм серти.

Еремей 4:22

– Менам войтырӧй мывкыдтӧм, Менӧ найӧ оз тӧдны. Найӧ мывкыдтӧм челядь кодьӧсь, нинӧм оз вежӧртны, лёксӧ вӧчны сюсьӧсь, а бурсӧ вӧчны оз кужны.

Еремей 6:16

Господь тадзи висьталӧ: – Сувтыштлӧй асланыд туй вылӧ, видзӧдлӧй да юасьӧй важся ордым йылысь, юасьӧй, кӧні веськыд туйыс, сэті и мунӧй, сэки асланыд ловлы ті аддзанныд шойччӧг. Но ті шуинныд, огӧ пӧ мунӧй.

Еремей 8:6

Ме сюся кывза найӧс, но збыльсӧ найӧ оз висьтавны, некод оз каитчы аслас лёк вӧчӧмысь, некод оз шу: «Мый нӧ ме вӧчи!» Тышӧ петысь вӧв моз быдӧн котӧртӧ аслас туйӧд.

Амос 5:15

Мустӧмтӧй лёксӧ да радейтӧй бурсӧ, веськыда мыждӧй ёрд вылын. Гашкӧ, Господь Ен Саваоф бурсьӧлӧмтчас Ӧсип рӧдысь ловйӧн кольӧмаяс дінӧ.

Микей 2:1

Курыд шог налы, кодъяс дасьтысьӧны лёксӧ вӧчны, весиг вольпасяс куйлігӧн мӧвпалӧны та йылысь. Асывводзнас найӧ збыльмӧдӧны мӧвпъяснысӧ, лёксӧ вӧчны налӧн киныс вына.

Микей 6:8

Мортӧй, тэныд юӧртӧма, мый бурыс да мый виччысьӧ тэсянь Господь. Сійӧ кӧсйӧ, медым уджъясыд вӧліны веськыдӧсь, медым вӧлін бур сьӧлӧма да раммӧдчӧмӧн олін Ен водзын.

Матвей 27:1

Асывводзнас чукӧртчисны став аркирейыс юрнуӧдысьяскӧд. Найӧ сёрнитчисны да воисны ӧти кывйӧ: вины Исусӧс.

Ап. уджъяс 23:12

Асывнас иудейяс пӧвстысь кодсюрӧ ас костаныс сёрнитчӧмӧн кыв сетісны, мый оз кутны сёйны-юны, кытчӧдз оз вины Павелӧс.

Римӧ 1:32

Найӧ тӧдӧны Енлысь веськыда мыждӧмсӧ, мый татшӧмтор вӧчысьӧс виччысьӧ кулӧм. Но та вылӧ видзӧдтӧг найӧ вӧчӧны лёксӧ, весиг ошкӧны тадзи вӧчысьясӧс.

Римӧ 12:9

Радейтӧй восьса сьӧлӧмӧн, ылыстчӧй лёксьыс да кутчысьӧй бурас.

Восьтӧм 2:2

Ме тӧда тэнсьыд уджъястӧ, мырсьӧмтӧ да зумыдлунтӧ. Тӧда, тэ он терпит лёк йӧзӧс. Тэ тӧдмалін найӧс, кодъяс нимтӧны асьнысӧ апостолъясӧн, но збыльвылас найӧ абу апостолъяс. Тэ аддзин, мый найӧ – пӧръясьысьяс.

Ӧксыяслӧн 1 небӧг 19:11

Саул ыстіс ассьыс кесйӧгъяссӧ Давид керкаӧ, медым кыйӧдны да вины сійӧс асъядорыс. Но Мелкола шуис Давид верӧсыслы: «Тавой кӧ он пышйы, асывнас тэнӧ виасны».