Псалтыр 34:7 - Коми Библия 2023

⁷ Ме нинӧм лёксӧ эг вӧч, но найӧ пуктісны нальк, медым кыйны менӧ, кодйисны джуджыд гу, медым босьтны менсьым олӧмӧс.

Псалтыр 34:7 Kruisverwysings

Ӧксыяслӧн 4 небӧг 19:35

Сійӧ войнас локтіс Господьлӧн анделыс да ассурса тышкайӧзлӧн чукӧртчанінын виис сё кӧкъямысдас вит сюрс мортӧс. Асывнас ловйӧн кольӧм ассурсаяс садьмисны да аддзисны, мый гӧгӧр туплясьӧны шойяс.

Ӧксыяслӧн 4 небӧг 6:17

Сэсся Елисей кевмысис: «Господьӧй, восьт менам кесйӧглысь синсӧ, мед сійӧ аддзас». Господь восьтіс кесйӧглысь синсӧ, и мӧдыс аддзис, мый Елисей гӧгӧр керӧс пасьтала сулалӧны биа вӧвъяс да тарантасъяс.

Псалтыр 138:3

Муна-ӧ ме, шойчча-ӧ, Тэ аддзан тайӧс, Тэ тӧдан менсьым туйясӧс.

Псалтыр 139:5

Господьӧй, видз менӧ лёк вӧчысьясысь, дорйы менӧ виалысь-дзескӧдысьясысь, ӧд найӧ кӧсйӧны уськӧдны менӧ кок йылысь.

Псалтыр 50:15

Лёк вӧчысьясӧс ме веськӧда Тэнад туй вылӧ, мыжаяс мед бергӧдчасны Тэ дінӧ.

Псалтыр 91:11

Тэ ёнмӧдан менӧ, и ме лоа ӧш кодь вына, Тэ мавтыштан менӧ выль выйӧн.

Петӧм 22:22

Дӧваясӧс да батьтӧм-мамтӧмъясӧс энӧ дзескӧдӧй.

Петӧм 22:26

Уджйӧзӧн сетӧмсьыд кӧ босьтан матыссаыдлысь паськӧмсӧ, шонді пуксьытӧдзыс сылы паськӧмсӧ бӧр сет.

Даниил 6:22

Менам Енмӧй мӧдӧдіс Ассьыс анделсӧ, и сійӧ тупкис левъяслысь вомсӧ. Найӧ эз вермыны вӧчны меным лёксӧ, ӧд Ен водзас ме сӧстӧм, и тэ водзын, ӧксыӧй, ме нинӧмӧн эг мыжмы».

Закар 9:8

Ме понда видзны Ассьым керкаӧс тышкайӧзысь, кодъяс ветлӧны тайӧ муыс пыр. Водзӧ некод нин оз дзескӧд Менсьым войтырӧс, ӧд Ме Ачым кута видзӧдны сы бӧрся.

Матвей 18:10

«Кывзӧй, тайӧ ичӧтъясысь весиг ӧтикӧс энӧ ӧтдортӧй. Висьтала тіянлы: енэжын налӧн анделъясныс век енэжвыв Батьлӧн чужӧмбан водзынӧсь.

Лука 16:22

Лазар куліс, и анделъяс нуисны сійӧс Ӧвраам дінӧ. Куліс тшӧтш озыр морт, и сійӧс дзебисны.

Еврейяслы 1:14

Анделъяс – кесъялысь ловъяс. Енмыс мӧдӧдӧ анделъясӧс кесъявны налы, кодъяслы вичмӧ мездмӧмыс.