Псалтыр 32:10 - Коми Библия 2023

¹⁰ Господь торкӧ войтыръяслысь шуӧмсӧ, жугӧдӧ налысь кӧсйӧмсӧ. [Сійӧ бырӧдӧ ӧксыяслысь сёрнитчӧмсӧ.]

Псалтыр 32:10 Kruisverwysings

Псалтыр 11:6

Но Господь висьталӧ: «Ме сувта, медым мездыны коньӧръясӧс дзескӧдӧмысь, медым отсавны гӧльяслы налӧн шог дырйи. Доръя сійӧс, кодӧс кӧсйӧны кыйны».

Псалтыр 146:5

Миян Господьным ыджыд да вына, Сылӧн мывкыдлуныс пыдӧстӧм.

Псалтыр 16:4

Ме ола Тэнад кывъясыд серти, некодӧс ог дзескӧд, кыдзи мукӧдыс вӧчӧны.

Псалтыр 2:12

Вылӧ пуктӧй Писӧ, медым Сійӧ эз скӧрмы, и медым ті энӧ кулӧй туй выланыд, ӧд Сылӧн скӧрлуныс регыд нин ыпнитас. Шудаӧсь Сы вылӧ лача кутысьяс.

Псалтыр 34:8

Найӧс мед тӧдлытӧг суас бырӧдӧмыс, найӧ мед асьныс шедасны меным пуктӧм налькйӧ, усясны асланыс гуӧ.

Псалтыр 40:4

Сылӧн висигас Господь ёнмӧдӧ сійӧс, чеччӧдӧ сійӧс вольпасьысь.

Псалтыр 5:12

Тэ вылӧ лача кутысьяс мед нимкодясясны, найӧ мед помтӧг гажӧдчасны. Тэ доръян найӧс, кодъяслы муса Тэнад нимыд, и найӧ кутасны ошйысьны Тэӧн.

Псалтыр 84:12

Збыльыс кыпӧдчӧ мусянь, веськыдлуныс видзӧдӧ енэжсянь.

Шусьӧгъяс 13:21

Мывкыд морткӧд кӧ волысян, мывкыд лоан, вежӧртӧмкӧд кӧ ёртасян, аслыд лёксӧ вӧчан.

Шусьӧгъяс 16:20

Мӧвпалӧмӧн уджсӧ вӧчысь бурсӧ аддзас, Господь вылӧ лача кутысь – майбыр.

Еклесиаст 8:12

Мыжа морт вӧчӧ лёксӧ сё пӧвстӧн да сирасьӧ сэтчӧ. Но ме тӧда, мый Енсьыс полысьлы аслас вежавидзӧм вӧсна бур лоӧ.

Исай 3:11

Но курыд шог лёк вӧчысьлы! Сылы лоӧ мынтысьӧма уджъясыс серти.

Исай 57:21

Ентӧг олысьяслӧн лӧньлуныс абу, – висьталӧ менам Енмӧй.

1 Тимофейлы 6:10

Став лёкыс заводитчӧ сьӧм радейтӧмсянь. Сьӧм бӧрся вӧтлысигӧн кодсюрӧ кежисны эскӧмысь да кӧлалісны ас выланыс уна шог.