Псалтыр 30:1 - Коми Библия 2023

¹ Сьылысьясӧн веськӧдлысьлы. Давидлӧн псалом. [Шогсян кадӧ сьылӧм.]

Псалтыр 30:1 Kruisverwysings

Ӧксыяслӧн 2 небӧг 20:3

Ерусалимын Давид ӧксы муніс аслас гортӧ. Даснан кесйӧг-гӧтырсӧ, кодъясӧс кольліс керка бӧрсяыс видзӧдны, овмӧдіс торъя керкаӧ. Давид сувтӧдіс сэтчӧ видзысьясӧс да могмӧдіс аньясӧс став коланаторнас, но на дінӧ эз пыравлы. Олӧм помӧдзныс аньяс олісны видзӧдӧм улын дӧваяс моз.

Ӧксыяслӧн 2 небӧг 24:25

Сэсся гумла вылас вӧчис Господьлы висьпуктанін да сы вылын вайис сотан да бурасян висьяс. [Бӧрынджык Соломон ыдждӧдіс тайӧ висьпуктанінсӧ, ӧд сійӧ вӧлі ичӧт.] Господь кыліс войтырыслысь кевмӧмсӧ и вештіс кулӧм-бырӧдӧмсӧ Израиль вылысь.

Ӧксыяслӧн 2 небӧг 5:11

Тирса Хирам ӧксы мӧдӧдіс аслас йӧзкӧд Давидлы сус пуяс, тшӧтш тшупсьысьясӧс да изйысь вӧчасьысьясӧс. Найӧ лэптісны Давидлы ыджыд керка.

Ӧксыяслӧн 2 небӧг 6:20

Давид муніс гортас, мед бурсины гортсаяссӧ. Сылы воча петіс Сауллӧн Мелкола нылыс [чолӧмасис сыкӧд] да шуис: «Израильлӧн ӧксы талун янӧдіс асьсӧ. Тэ пасьтӧгыд чеччалін аслад йӧзлӧн кесйӧг аньяс водзын, асьтӧ йӧй туйӧ пуктін».

Ӧксыяслӧн 2 небӧг 7:2

Ӧтчыд ӧксы шуис Нафан пророклы: «Кывзы, ме ачым ола сус пуысь вӧчӧм керкаын, а Енлӧн кудйыс сулалӧ чомйын».

Ӧксыяслӧн 3 небӧг 8:63

Соломон вайис Господьлы бурасян вись пыдди кызь кык сюрс ӧшкӧс да сё кызь сюрс ыжӧс. Тадзи ӧксы да став Израиль войтыр вежӧдісны Господьлысь крамсӧ.

1 Каднебӧг 21:6

Левий чужанкотырысь да Венямин чужанкотырысь йӧзсӧ Йоав эз лыддьы, ӧд ӧксылӧн тшӧктӧмыс вӧлі мустӧм сылы.

Псалтыр 13:4

Мыйла оз мывкыдсявны лёксӧ вӧчысьяс? Найӧ нянь моз сёйӧны менсьым войтырӧс, оз шыасьны Господь дінӧ.

Псалтыр 140:8

Господьӧй Ыджыдӧй, ме лэпта синмӧс Тэлань, ме лача кута Тэ вылӧ, эн эновт менӧ!

Псалтыр 145:1

Аллилуйя! Ошкы Господьӧс, менам лолӧй!

Псалтыр 25:2

Господьӧй, видзӧдлы менам сьӧлӧмӧ да тӧдмав менӧ, тӧдмав менсьым мӧвпъясӧс да сьӧлӧмӧс.

Псалтыр 27:6

Ошкӧм Господьлы, ӧд Сійӧ кыліс менсьым кевмысьӧмӧс.

Псалтыр 28:9

Господьлӧн гӧлӧс шыысь вайсьӧны кӧръяс, Сылӧн гӧлӧс шыысь кушмӧны вӧръяс. Сылӧн крамын ставныс гораа шуалӧны: «Ошкӧм Сылы!»

Псалтыр 41:11

Дойыс йиджӧ менам лыясӧдз, кор мустӧмтысьяс янӧдӧны менӧ, быд лун юасьӧны менсьым, кӧні пӧ тэнад Енмыд.

Псалтыр 79:10

Мусӧ Тэ весалін, виноградтӧ сэтчӧ вужйӧдін, и сійӧ паськаліс му пасьталаыс.

Псалтыр 79:4

Енмӧй, выльысь сувтӧд миянӧс! Сет миянлы аддзыны Тэнсьыд югыд чужӧмбантӧ, сэки ми мездмам.

Бӧрданкыв 2:15

Туй вывті ветлысь-мунысьяс кинас шлопнитӧмӧн шутьлялӧны, юрнас довкйӧдлӧны да Ерусалим йылысь омӧльтӧмӧн шуалӧны: «Тайӧ ӧмӧй сійӧ карыс, кодӧс шуисны медся мичаӧн, став муюгыдыслӧн гажӧн?»

Индӧд 20:5

Веськӧдлысьяс мед шуасны войтырлы: ”Тіян пиысь кӧ кодкӧ лэптіс выль керка, но сэтчӧ эз на овмӧдчы, мед бӧр бергӧдчас гортас. Сійӧ вермас тышын усьны, а сылӧн керкаӧ мӧд овмӧдчас.