Псалтыр 28:5 - Коми Библия 2023

⁵ Господьлӧн гӧлӧс шыысь пӧрӧны сус пуяс, Господь чегъялӧ ливанса сус пуяс.

Псалтыр 28:5 Kruisverwysings

Ӧксыяслӧн 2 небӧг 7:13

Сійӧ лэптас Меным керка, и Ме зумыдмӧда сылысь юралӧмсӧ нэмъяс кежлӧ.

Ӧксыяслӧн 2 небӧг 7:27

Тэ, Господь Саваоф, Израильлӧн Ен, восьтін меным, Аслад кесйӧглы, мый зумыдмӧдан менсьым рӧдӧс. Та вӧсна ме повтӧг шыаси Тэ дінӧ аслам кевмысьӧмӧн.

Ӧксыяслӧн 3 небӧг 11:38

Тэ кӧ пондан кывзысьны Менсьым, ветлыны Менам туйясӧд, вӧчны Ме водзын шогманасӧ да овны Менам индӧд-тшӧктӧмъяс серти, кыдзи оліс Менам Давид кесйӧгӧй, Ме лоа тэкӧд. Давидлысь рӧдсӧ моз Ме вӧча зумыдӧн тэнсьыд рӧдтӧ. Ме сета тэныд Израильӧс.

Псалтыр 10:5

Господь тӧдмалӧ веськыда олысьӧс, а лёк вӧчысьӧс да виалӧм-дзескӧдӧмсӧ радейтысьӧс Сійӧ мустӧмтӧ.

Псалтыр 104:24

Сэні Господь рӧдмӧдіс Ассьыс войтырсӧ, вӧчис вӧрӧг дорысь вынаджыкӧн.

Псалтыр 8:3

Челядь да морӧсбердса кагаяс вомсянь Тэ кыпӧдан Аслыд ошкӧмсӧ, медым янӧдны Тэнӧ мустӧмтысьясӧс, медым тупкыны лӧгалысьяслысь да водзӧс перйысьяслысь вомсӧ.

Исай 22:11

Кык стен костӧ ті вӧчинныд ва видзанін, медым чукӧртны сэтчӧ важ йӧртӧдысь васӧ. Но ті энӧ кыпӧдӧй синнытӧ Сы вылӧ, коді вӧчӧ тайӧс, энӧ видзӧдӧй Сы вылӧ, коді водзысяньыс вӧлі мӧвпыштӧма та йылысь.

Исай 40:26

Лэптӧй синнытӧ вывлань да видзӧдлӧй: коді ставсӧ тайӧс вӧчис? Сійӧ, коді вӧчис енэжвывса югзьӧданторъяс, тӧдӧ налысь лыдсӧ, ставнысӧ шуӧ нимнас. Найӧ ставныс ӧтитӧг мыччысьӧны – татшӧм ыджыд Сылӧн выныс да вынйӧрыс!

Исай 45:12

Ме вӧчи мусӧ, вӧчи му вылас йӧзӧс. Менам киӧй шевкнитіс енэжсӧ, Ме веськӧдла енэжвыв вынъясӧн.

Исай 45:18

Господь эм Ен, Сійӧ вӧчис енэжсӧ, вӧчис-артмӧдіс мусӧ, вӧчис сійӧс зумыдӧн, эз вӧч мусӧ кушӧн, но артмӧдіс мусӧ, медым сэні вӧлі олӧм. Господь тадзи висьталӧ: – Ме – Господь, и мӧд Енмыс абу.

Исай 45:8

Енэжсьыс мед зэрӧн киссяс веськыдлуныс, мед сійӧ киссяс кымӧръяссьыс, муыс мед воссяс да ваяс мездӧм, веськыдлуныс мед кутас дзоридзавны. Ме, Господь, вӧча тайӧс.

Исай 5:12

Налӧн гажӧдчанінын ворсӧны гуслиӧн да арфаӧн, тимпанӧн да пӧлянӧн. Сэні шорӧн киссьӧ вина! Но Господьлысь уджъяссӧ найӧ оз аддзыны, Сылысь вӧчӧмторъяссӧ оз казявны.

Еремей 31:4

Ме выльысь кыпӧда тэнӧ, и тэнӧ лоӧ кыпӧдӧма, Израиль ныв. Тэ бара босьтан киад тимпан, кутан йӧктыны гажӧдчысьяскӧд.

Осий 14:9

Ефрем, Менӧ-ӧ тэ ӧткодялан идолъяскӧд? Ме кыла тэнӧ да вочавидза тэныд, Ме тӧждыся тэ вӧсна. Ме лоа тэныд веж кипарисӧн, Месянь лоӧ тэнад вотӧсыд.

Лыд 23:23

Яков рӧдлы паныд туналӧмыс оз ин, Израиль войтырлы паныд тшыкӧдӧмыс оз во. Ас кадӧ шуасны Яков-Израиль йылысь: «Со мый вӧчӧ Енмыс!»

Иоан 12:37

Сы мында шензьӧданатор Исус вӧчис йӧзыс водзын, но найӧ эз эскыны Сылы.

Римӧ 1:20

Му пуксьӧмсяньыс Енлӧн став вӧчӧмторйысь позьӧ аддзыны тыдавтӧмсӧ: Енлысь помтӧм вынсӧ да Сылысь енмалунсӧ. Та вӧсна налы дорйысьнысӧ нинӧмӧн.

Римӧ 1:28

Найӧ эз лыддьыны коланаӧн тӧдны Енсӧ, та вӧсна Ен колис найӧс торксьӧм вежӧрас вӧчны ковтӧмторсӧ.