Псалтыр 20:7 - Коми Библия 2023

⁷ бурсиин сійӧс нэмъяс кежлӧ. Тэ сетан сылы нимкодясьны Аслад чужӧмбан водзын.

Псалтыр 20:7 Kruisverwysings

Ӧксыяслӧн 2 небӧг 10:18

Давид пасьвартіс арамейясӧс, и найӧ пышйисны израильсаясысь. Давид бырӧдіс налысь сизимсё тарантас да нелямын сюрс верзьӧмаӧс. Виис тшӧтш Шовакӧс, тышкайӧзлысь юралысьсӧ.

Ӧксыяслӧн 2 небӧг 8:4

Давид босьтіс сылысь сюрс сизимсё верзьӧмаӧс да кызь сюрс подаӧс. Давид кольӧдіс аслыс тарантаса сё вӧлӧс, а мукӧд вӧлыслысь сӧнсӧ сійӧ вундаліс.

2 Каднебӧг 13:16

Израильса тышкайӧз пышйисны иудаса тышкайӧзысь, но Енмыс сетіс найӧс иудаса тышкайӧзлӧн киӧ.

2 Каднебӧг 14:11

Аса шыасис аслас Господь Ен дінӧ: «Господьӧй, Тэ верман отсавны жеблы и выналы. Господьӧй, миян Енмӧй, отсав миянлы! Ӧд Тэ вылӧ ми лача кутам, Тэнад нимӧн ми петім тайӧ лыдтӧм-тшӧттӧм йӧзыслы паныд. Господьӧй, Тэ – миян Ен. Эн лэдз мортлы вермыны Тэнӧ».

2 Каднебӧг 32:8

Сыкӧд – мортлӧн выныс, а миянкӧд – Господь, миян Енным. Сійӧ пыр отсалӧ миянлы да тышкасьӧ миян пыдди». Иудаса Езекей ӧксылӧн кывъясыс ёнмӧдісны тышкайӧзӧс.

Иов 39:11

Сылӧн ыджыд выныс вылӧ ӧмӧй пондан лачатӧ кутны, сы вылӧ ӧмӧй уджъястӧ ӧшӧдан?

Псалтыр 28:8

Господьлӧн гӧлӧс шыысь вӧрзьывлӧ овтӧмин, Господь пыркнитлӧ Кадеш овтӧмин.

Шусьӧгъяс 21:31

Вӧлӧс дасьтӧны тышкасян лун кежлӧ, но вермӧмсӧ Господь сетӧ.

Исай 30:16

Ті шуинныд: «Ми котӧртам вӧвъяс вылын», та вӧсна тіянлы и ковмас пышйыны. Ті шуинныд: «Ми рӧдтам тэрыб вӧвъяс вылын», та вӧсна тіянӧс вӧтӧдысьясныд лоӧны тэрыбӧсь.

Исай 31:1

Курыд шог налы, кодъяс мунӧны Египетӧ отсӧгла! Найӧ лача кутӧны вӧвъяс вылӧ, тарантасъяслӧн уна лыдыс вылӧ да верзьӧмаяслӧн выныс вылӧ, а Израильлӧн вежа Ен вылӧ оз видзӧдны, Господь дінӧ отсӧгла оз шыасьны.

Еремей 17:5

Господь тадзи висьталӧ: – Ёрӧма сійӧ мортсӧ, коді лача кутӧ морт вылӧ, коді мыджсьӧ мувывса олысь вылӧ, кодлӧн сьӧлӧмыс ылыстчӧ Господьысь.

Ӧксыяслӧн 1 небӧг 13:5

Филистимсаяс лӧсьӧдчисны петны тышӧ Израильлы паныд. Налӧн вӧлі комын сюрс тарантас да квайт сюрс верзьӧма, а пода йӧзыс – саридздор лыа мында. Филистимса тышкайӧз локтісны да сувтісны Микмасӧ, Бет-Авенсянь асыввывладорӧ.

Ӧксыяслӧн 1 небӧг 2:10

Господь бырӧдас Сылы паныд кыпӧдчысьясӧс, енэжсянь гымыштас на вылӧ. [Господь вежа. Мывкыда морт мед оз ошйысь аслас мывкыдлунӧн, вына мед оз ошйысь аслас вынӧн, озыр мед оз ошйысь аслас озырлунӧн. Но ошйысьысь мед ошйысьӧ сыӧн, мый гӧгӧрвоӧ да тӧдӧ Господьӧс.] Господь мыждас муюгыдын олысьясӧс. Сійӧ вынсьӧдас ӧксыӧс, кодӧс бӧрйис, Ассьыс мавтыштӧмаӧс вылӧ кыпӧдас.