Псалтыр 19:7 - Коми Библия 2023

⁷ Ӧні ме тӧда, мый Господь мездӧ Ассьыс мавтыштӧмасӧ, вочавидзӧ сылы Аслас вежа енэжсянь, мездӧ сійӧс вына веськыд кинас.

Псалтыр 19:7 Kruisverwysings

Ӧксыяслӧн 2 небӧг 23:5

Абу-ӧ татшӧм менам рӧдӧй Ен водзын? Енмыс пыр кежлӧ кӧрталіс мекӧд йитӧд – зумыдӧс да вежсьывлытӧмӧс. Быд кадӧ Сійӧ мездыліс менӧ, збыльмӧдліс менсьым кӧсйӧмъясӧс.

Иов 23:12

Сылӧн тшӧктӧмъясысь ме ог ӧтдортчы, Сылысь кывъяссӧ сьӧлӧм бердын видза, аслам кӧсйӧм дорысь вылӧджык на пукта.

Псалтыр 111:7

Сійӧ оз повзьы лёк юӧрысь, сійӧ зумыд лача кутӧ Господь вылӧ.

Псалтыр 23:3

Коді вермас кайны Господьлӧн керӧс вылӧ? Коді вермас сулавны Сылӧн вежаинын?

Псалтыр 93:5

Господьӧй, Тэнсьыд войтыртӧ найӧ топӧдӧны, Тэнсьыд бӧрйӧм войтыртӧ дзескӧдӧны.

Шусьӧгъяс 1:4

Кага вежӧралы найӧ сетӧны сюсьлун, том мортлы – тӧдӧмлун да вежӧр.

Исай 8:16

– Гартышт тайӧ гижӧдсӧ, мыйӧ ме велӧді ассьым велӧдчысьясӧс, да тупкы сійӧс сёйысь вӧчӧм печатьӧн.

Исай 8:20

Шыасьӧй менам велӧдӧмӧй да гижӧдӧй дінӧ. Коді висьталӧ мӧд нога, оз тайӧ кывйыс серти, сылы аскиа луныс оз ло.

Иоан 5:39

Ті тӧдмаланныд-туяланныд Гижӧдъяссӧ, медым тіянлы вичмис помтӧм олӧм, а Гижӧдъясыс висьталӧны Ме йылысь.

Ап. уджъяс 10:43

Сы йылысь став пророкыс висьталӧ, мый быдӧнлысь, коді эскӧ Сылы, лоӧ прӧститӧма мыжъяссӧ Сы нимӧн».

Римӧ 12:2

Энӧ вужъясьӧй тайӧ мувывса оласногас. Лэдзӧй Енмыслы вежны тіянӧс, выльмӧдны вежӧрнытӧ, медым тӧдны тіянлы Сылысь кӧсйӧмсӧ: мый колана, шогмана да тыр-бур.

Римӧ 15:4

Став воддза гижӧдсӧ вӧлі гижӧма миянӧс велӧдӧм да бурӧдӧм могысь, медым Гижӧд пырыс ми вермим ёнмыны да зумыд лача кутны.

Римӧ 3:2

Унатор сетӧ, да быд боксянь бур. Медводз, налы вӧлі сетӧма Енлысь кывсӧ.

Индӧд 32:4

Сійӧ – зумыд изйыс, Сылӧн уджъясыс тыр-бурӧсь, Сылӧн туйясыс веськыдӧсь. Сійӧ – эскана Ен, Сы пытшкын ылӧгыс абу, Сійӧ – веськыда вӧчысь Ен.

Колосӧ 3:16

Кристослӧн кывйыс мед озыра овмӧдчас тіян пытшкӧ. Мывкыда велӧдӧй-туйдӧдӧй ӧта-мӧднытӧ. Господьӧс аттьӧалӧмӧн сьӧлӧмсяньныд сьылӧй псаломъяс, ошкана сьыланкывъяс да бурсьылӧмъяс.

2 Тимофейлы 1:8

Сідзкӧ, эн яндысь висьтавлыны Господьным йылысь. Эн яндысь и меысь, Кристос вӧсна дзескыдінӧ йӧртӧмаысь. Мӧдарӧ, Ен вынӧн тэ тшӧтш ну Бур Юӧр вӧсна сьӧкыдсӧ.

2 Тимофейлы 2:19

Но Енмӧн пуктӧм подулыс вӧрзьывтӧм. Сэтчӧ пасйӧма: «Господь тӧдӧ Ассьыс йӧзсӧ», нӧшта пасйӧма: «Господьлысь нимсӧ висьталысь мед эновтчас лёксьыс».

Яков 1:17

Быдпӧлӧс бурсетӧмыс да тыр-бур козиныс воӧ вылісянь, югыдыслӧн Батьсянь. Сійӧ некор оз вежсьыв, Сылӧн югыдыс некор оз кус.

Нав Исус 1:8

Тайӧ Индӧд небӧгысь кывъясыс мед пыр лоӧны тэнад вомын. Лун и вой велӧдчы, медым ставсӧ вӧчны стӧча, мый сэні гижӧма. Сэки тэнад ставыс артмас.

Восьтӧм 19:10

Ме уськӧдчи андел кок дорӧ, медым копыртчывны сылы, но сійӧ шуис меным: «Эн вӧч тайӧс! Копыртчыв Енмыслы! Тэ да тэнад вокъясыд моз Ме кесъяла Енмыслы. Вокъясыд висьтавлӧны Исус йылысь, сёрнитӧны пророкалан Ловсянь».