Псалтыр 18:9 - Коми Библия 2023

⁹ Господьлӧн тшӧктӧмъясыс веськыдӧсь, гажӧдӧны сьӧлӧмтӧ. Господьлӧн велӧдӧмыс югыд, югдӧдӧ синтӧ.

Псалтыр 18:9 Kruisverwysings

Ӧксыяслӧн 2 небӧг 22:10

Сійӧ доровтіс енэжсӧ да лэччис, сувтіс кокнас сьӧд кымӧръяс вылӧ.

Псалтыр 50:3

Енмӧй, Аслад буралӧмыд кузя ло бур сьӧлӧма ме дінӧ, Аслад ыджыд бурлуныд кузя чышкышт менсьым мыжъясӧс.

Псалтыр 68:4

Горзӧмӧйла менам эбӧсӧй бырис, менам гӧлӧсӧй сибдіс, синмӧй мудзис Енмӧс виччысьӧмысь.

Псалтыр 97:3

Сійӧ эз вунӧд [Яковсянь чужысьяс дінӧ] Ассьыс буралӧмсӧ, петкӧдліс Израиль войтырлы Ассьыс эсканлунсӧ. Став му пасьтала олысьяс аддзисны, мый миян Енным мездіс миянӧс.

Петӧм 19:18

Синай керӧс ставнас тшыналіс, ӧд Господь лэччис сэтчӧ биӧн. Керӧсыс ёна вӧрис, и пачысь моз сэтысь кайис тшын.

Исай 51:6

Лэптӧй синнытӧ енэжланьыс, видзӧдлӧй увлань му вылас. Енэжыс тшын моз бырас, муыс паськӧм моз важмас, му вылын олысьяс геб моз куласны. Но Меӧн мӧдӧдӧм мездмӧмыс пыр лоӧ, Менам веськыдлунӧй оз вежсьыв.

Исай 66:15

Со, Господь локтӧ би моз, Сылӧн тарантасъясыс ыджыд тӧвныр кодьӧсь. Сійӧ кисьтас Ассьыс скӧрлунсӧ ыджыд ярлунӧн, петкӧдлас Ассьыс мыждӧмсӧ ыпъялысь биӧн.

Йоиль 3:16

Господь равӧстас-горӧдас Сионсянь, Ассьыс гӧлӧс шысӧ сетас Ерусалимсянь. Сэки енэжыс да муыс сыркмунасны. Но Господь доръяс Ассьыс войтырсӧ, Сійӧ видзас Израиль пиянӧс.

Матвей 24:29

«Регыд тайӧ шог лунъяс бӧрын шондіыс пемдас, тӧлысьыс кусас, енэжысь кодзувъяс усясны, енэжвыв вынъяс вӧрзясны.

Марк 15:33

Луншӧр кадӧ пемдіс став му пасьталаыс, пемыдыс сулаліс куим часӧдз.

Иоан 13:7

Исус вочавидзис: «Ӧні тэ он на гӧгӧрво, мый Ме вӧча, но бӧрынджык гӧгӧрвоан».

Индӧд 33:26

Ешурунлӧн Ен кодь мӧдыс абу. Верзьӧма моз Сійӧ локтӧ енэжӧд, юралысь моз – кымӧръяс вывті, медым отсавны тэныд.

Еврейяслы 12:26

Сэки Енлӧн гӧлӧс шыыс вӧрзьӧдліс мусӧ, но ӧні Сійӧ кӧсйысис: – Нӧшта ӧтчыдысь Ме вӧрзьӧда мусӧ, и ог сӧмын мусӧ, вӧрзьӧда тшӧтш енэжсӧ.

2 Петыр 3:10

Господьлӧн луныс воас виччысьтӧг, войся гусясьысь моз. Сэки енэжыс ыджыд шыӧн бырас, став ентыкӧлаыс ыпъялана биысь пазалас, а муыс да ставыс, мый сэні эм, сотчас.

Восьтӧм 20:11

Сэсся ме аддзи ыджыд да еджыд юралан пуклӧс да сы вылын Пукалысьӧс. Енэжыс да муыс пышйисны Сылӧн син водзысь, но налы некытчӧ вӧлі дзебсьынысӧ.