3 Лун юӧртӧ та йылысь лунлы, вой висьталӧ войлы.
Ме шыася ёна ошкана Господь дінӧ, Сійӧ мездас менӧ мустӧмтысьясысь.
Сэсся Исус, Кадмиэл, Бани, Хашавни, Шеревий, Ходий, Шеваний да Петахий левитъяс шуисны: «Сувтӧй да ошкӧй Господьӧс, ассьыныд Ентӧ, ӧні да нэмъяс чӧж! Господьӧй, мед лоӧ кыпӧдӧма Тэнсьыд ыджыд нимтӧ! Сійӧ став ошкӧмсьыс медвылын!»
Давидлӧн ошкана сьыланкыв. Енмӧй, менам Ӧксыӧй, кута ыдждӧдлыны Тэнӧ, кута ошкыны Тэнсьыд нимтӧ нэмъяс чӧж.
Энӧ кутӧй лачанытӧ юралысь вылӧ, морт вылӧ, коді оз вермы мездыны.
Но Тэ, Господьӧй, менам сайӧдыс, ме ошка Тэнӧ. Тэ кыпӧдан менсьым юрӧс.
Лун и вой Тэнад киыд сьӧктӧдіс менӧ. Менам олан вынӧй бырис, кыдзи гожся пӧжигӧн косьмӧ веж турун.
Сьылысьясӧн веськӧдлысьлы. Корей пиянлӧн псалом.
Лёк вӧчысьясӧс ме веськӧда Тэнад туй вылӧ, мыжаяс мед бергӧдчасны Тэ дінӧ.
Ме ёна кӧсъя аддзыны Тэнсьыд вынтӧ да дзирдлунтӧ, кыдзи водзын ме аддзывлі Тэнӧ вежаинын.
Ӧд Тэ – меным отсӧг сетысьыс, Тэнад бордъяс улын ме кута долыда нимкодясьны.
Керӧсъяс мед ваясны йӧзыслы лӧньлун, мылькъяс – веськыдлун.
Кор казьтывла Ен йылысь, менӧ дзӧрӧдӧ, кор мӧвпала Сы йылысь, менсьым лолӧс личкӧ.
Весиг пӧрысь кадӧ веськыда олысьяс вайӧны вотӧс, лоӧны чӧскыдӧсь да вежӧсь,
Кутшӧм бур ошкыны Тэнӧ, Господьӧй, сьылӧмӧн ошкыны Тэнсьыд нимтӧ, Медвылыссаӧй!
Сылӧн чардбиыс югзьӧдлӧ муюгыдсӧ, муыс аддзӧ тайӧс да сыркмунлӧ.
– Господьӧй, Тэ – менам выныс, Тэ – менам изкарыс, менам шог дырйи сайӧдчаніныс. Му помсяньыс локтасны Тэ дінӧ войтыръяс, найӧ шуасны: «Миян батьяслы вичмис сӧмын ылӧгыс – вичмисны идолъяс, кодъяслы весьшӧрӧ юрбитӧны, ӧд таысь нинӧм бурыс абу».
Сійӧ кӧсйысис мездыны миянӧс дзескӧдысьясысь, дорйыны мустӧмтысьяс киысь,
И быдӧн, коді шыасяс Господь дінӧ, мездмас.
– Господьӧй, Тэ шогман сибӧдны ошкӧм-нимӧдӧмсӧ да вынсӧ, ӧд Тэ вӧчин ставсӧ. Тэнад кӧсйӧм серти вӧчӧма ставсӧ, Тэнад кӧсйӧм серти ставыс олӧ.
