Псалтыр 16:5 - Коми Библия 2023

⁵ Ёнмӧд менсьым воськовъясӧс, медым менам кокӧй эз кеж Тэнад туйысь.

Псалтыр 16:5 Kruisverwysings

Псалтыр 11:6

Но Господь висьталӧ: «Ме сувта, медым мездыны коньӧръясӧс дзескӧдӧмысь, медым отсавны гӧльяслы налӧн шог дырйи. Доръя сійӧс, кодӧс кӧсйӧны кыйны».

Псалтыр 125:3

Господь вӧчис миян пӧвстын ыджыд уджъяс, и ми нимкодясим.

Псалтыр 142:5

Ме казьтывла важ олӧмӧс, мӧвпала став Тэнад уджъяс йылысь, мый вӧчин Аслад киӧн.

Псалтыр 2:6

«Ме мавтышті Ассьым Ӧксыӧс да сувтӧді Сійӧс Сионӧ, Менам вежа керӧс вылӧ».

Псалтыр 23:5

Сылы вичмас Господьсянь бурсиӧм, мездысь Ен шуас сійӧс веськыдӧн.

Псалтыр 89:4

Мортсӧ Тэ бӧр бергӧдан муӧ, Тэ шуан: «Мувывса йӧз, бӧр бергӧдчӧй муӧ».

Псалтыр 9:4

Меным паныд сувтысьяс бӧр бергӧдчасны да пышъясны, усясны да бырасны Тэнад чужӧмбан водзысь.

Исай 42:1

Со, Менам Кесъялысьӧй, Ме сета Сылы вын, Ме бӧрйи Сійӧс, Менам сьӧлӧмӧй нимкодясьӧ Сыӧн. Ме мӧдӧда Сы вылӧ Ассьым лолӧс. Сійӧ ваяс веськыда мыждӧм быд войтырлы.

Исай 53:12

Та вӧсна Ме сета Сылы пай ыджыдъяс пӧвстын, тышын шедӧдӧмасӧ Сійӧ пондас юкны вынаяскӧд, ӧд Сійӧ сетіс Асьсӧ кулӧм вылӧ, Сійӧс пуктісны лёк вӧчысьяс лыдӧ. Сійӧ босьтіс Ас вылас уна йӧзлысь мыжъяссӧ, кевмысис лёк вӧчысьяс вӧсна.

Еремей 10:16

Но Яковлӧн Енмыс абу на кодь, ӧд Сійӧ ставсӧ Вӧчысьыс, Сылӧн нимыс – Господь Саваоф, а Израиль – Сылӧн бӧрйӧм войтырыс.

Бӧрданкыв 3:24

Менам эм Господь, – висьталӧ сьӧлӧмӧй, – та вӧсна ме Сы вылӧ лача кута.

Ап. уджъяс 2:32

Дзик тайӧ Исусӧс Енмыс ловзьӧдіс, и ми ставным тайӧс аддзылім.

Ап. уджъяс 5:31

Енмыс пуксьӧдіс Сійӧс веськыдладорас, индіс Сійӧс Юралысьӧн да Мездысьӧн, медым Израиль вермис бергӧдчыны мыжъяссьыс да босьтны прӧститӧмсӧ.

1 Коринфӧ 15:25

Кристослы шуӧма юравны сэтчӧдз, кытчӧдз Сійӧ оз пукты Аслас кок улӧ став паныд сувтысьсӧ.

Ефесӧ 5:18

Энӧ коддзӧдчӧй винаӧн, ӧд тасянь овлӧ олӧмас лэдзчысьӧмыс. Мӧдарӧ, сетӧй Ловлы тыртны асьнытӧ.

Индӧд 18:2

Левий чужанкотырлы вокъясыс пӧвстын мусӧ абу сетӧма. Налӧн пайыс – Господь, кыдзи Сійӧ кӧсйысис налы.

Индӧд 32:9

Израиль войтыр – Господьлӧн юкӧныс, Яковсянь чужысьяс – Сылӧн пайыс.

Нав Исус 22:25

Йӧрдан юӧн Господь торйӧдіс миянӧс Рувим да Гад чужанкотыръясысь. Господь абу тіян Ен”. Татшӧм кывъяс вӧсна вермас лоны, мый миянсянь чужысьяс дугдасны пыдди пуктыны Господьӧс.

Нав Исус 22:27

Мед тайӧ висьпуктаніныс лоӧ пасӧн миян да тіян костын, тшӧтш миянсянь да тіянсянь чужысьяс костын сы йылысь, мый ми кесъялам Господьлы да сӧмын Сы водзӧ ваям сотан висьяс, бурасян висьяс да мукӧд висьяс. Сэки тіянсянь чужысьяс оз шуны миянсянь чужысьяслы, Господь пӧ абу тіян Ен.