Псалтыр 148:8 - Коми Библия 2023

⁸ Ошкӧй Сійӧс, би и шер, лым и ру, ошкы, Сылӧн тшӧктӧм серти пӧльтысь ыджыд тӧвныр!

Псалтыр 148:8 Kruisverwysings

Олӧм 19:24

Сэки Господь кисьтіс енэжсянь Содом да Гомора вылӧ тэгъя-биа зэр,

Иов 37:12

Енлӧн шуӧм серти кымӧръяс кытшлалӧны му весьтті, вӧчӧны сійӧ, мый Енмыс тшӧктӧ.

Псалтыр 103:20

Тэ мӧдӧдан пемыдсӧ, пуксьӧ вой, и зверъяс петӧны кынӧмпӧт корсьны.

Псалтыр 18:12

Тэнад тшӧктӧмъясыд видзӧны кесйӧгтӧ, на серти олӧмысь вичмӧ ыджыд тырдон.

Петӧм 10:13

Мӧисей лэптіс бедьсӧ Египет вылӧ, и Господь кыпӧдіс асыв тӧв. Тӧлыс шувгис лунтыр, шувгис войбыд, и мӧд асывнас вайис саранчаӧс.

Петӧм 10:19

Рытыввывсянь Господь кыпӧдіс ён тӧвныр, и тӧлыс лэбӧдіс саранчаӧс Гӧрд саридзӧ. Египет му пасьтала весиг ӧти саранча эз коль.

Петӧм 14:21

Мӧисей нюжӧдіс кисӧ саридзлань, и Господь войбыд йӧткис васӧ ён асыв тӧлӧн. Ваыс вешйис ӧтарӧ-мӧдарӧ, и тыдовтчис саридз пыдӧсыс.

Исай 66:16

Став ловъя олысьсӧ Господь мыждас биӧн, быд мортӧс – Аслас шыпуртӧн, и унаӧс лоӧ бырӧдӧма Господьлӧн ки помысь.

Йоиль 2:30

Енэжын и му вылын петкӧдла индысьпасъяс: вир, би да тшын.

Левит 10:2

Сэки петіс Господьсянь би да сотіс найӧс, и найӧ кулісны Господь чужӧмбан водзын.

Амос 4:13

Со, Сійӧ вӧчис керӧсъяссӧ, артмӧдіс тӧвсӧ. Сійӧ висьталӧ мортлы Ассьыс кӧсйӧмсӧ. Асъя югыдсӧ Сійӧ вежӧ пемыдӧн, ветлӧдлӧ керӧсъяс вывті. Сылӧн нимыс – Господь, Ен Саваоф.

Амос 7:4

Со мый петкӧдліс меным Господь Ыджыдыс. Сійӧ мӧдӧдіс мыждӧм могысь би. Биыс ньылыштіс пыдӧстӧм йирлысь васӧ да мулысь юкӧнсӧ.

Иона 1:4

Но Господь ыстіс саридз вылӧ ыджыд тӧвныр. Кыптіс бушков, саридз гызис, и корабль вӧлі жугласянвыйын.

Иона 1:5

Кывтысьяс ёна повзисны. Быдӧн кутіс кевмысьны аслас енлы. Корабльсӧ кокньӧдӧм могысь шыблалісны саридзӧ ставсӧ, мый позис шыбитны. А Иона сійӧ кадас чорыда узис корабль пытшкын.

Лыд 16:35

Господьсянь петіс би да сотіс тайӧ кыксё ветымын айуловсӧ, кодъяс вайисны тшынӧдчантор.

Нав Исус 10:11

Кор найӧ израильса тышкайӧзысь пышйигӧн лэччисны Бет-Хорон керӧс вылысь, Господь шыблаліс на вылӧ енэжсянь гырысь йиа шер. Тадзи вӧлі Азека карӧдз став туй чӧжныс, и унаӧн кулісны. Унджыкыс кулісны эз израильсаяслӧн шыпурт помысь, а гырысь йиа шер улӧ веськалӧмысь.

Восьтӧм 16:21

Йӧзыс вылӧ енэжсянь киссис зэв гырысь шер, шер тусьыс сьӧктанас вӧлі комын кило мында. Йӧзыс лёкӧдісны Енсӧ тайӧ шерсьыс, ӧд тайӧ бырӧданторйыс вайис налы уна сьӧкыдлун.