Псалтыр 142:3 - Коми Библия 2023

³ Менӧ мустӧмтысь вӧтлысьӧ ме бӧрся, сійӧ няйтӧ талялӧ менсьым олӧмӧс, кулӧмаӧс моз йӧршитӧ менӧ пемыдінӧ.

Псалтыр 142:3 Kruisverwysings

Иов 23:10

Но Сійӧ тӧдӧ менсьым туйӧс, зарниӧс моз Сійӧ тӧдмалӧ менӧ биӧн.

Псалтыр 1:6

Господь тӧдӧ веськыда олысьяслысь туйсӧ, а лёк вӧчысьяслӧн туйыс нуӧдӧ кулӧмӧ.

Псалтыр 102:1

Давидлӧн псалом. Ошкы Господьӧс, менам лолӧй! Став пытшкӧсӧй, ошкы Сылысь вежа нимсӧ!

Псалтыр 102:4

Мездӧ тэнӧ кулӧмыслӧн кабыр улысь, кытшалӧ тэнӧ буралӧмнас да мелілуннас.

Псалтыр 140:5

Веськыда олысь мед чирыштас менӧ – тайӧ лоӧ меным бур вылӧ. Сійӧ мед янӧдас менӧ, ӧд тайӧ мавтыштан вый менам юрлы. Ме ог паныд сувт, дугдывтӧг кевмыся, медым мыжаяс эз вӧчны лёксӧ.

Псалтыр 143:4

Мортыс тӧвру пӧльыштӧм кодь, сылӧн олан лунъясыс бырӧны вуджӧр моз.

Псалтыр 17:3

Господьӧй, Тэ – менам зумыд изйыс да сайӧдчаніныс, менӧ Мездысьыс. Енмӧй, Тэ – менам изкыртаыс, Тэ вылӧ ме лача кута. Тэ – менам сайӧдыс, вына Дорйысьыс да Видзысьыс.

Псалтыр 31:4

Лун и вой Тэнад киыд сьӧктӧдіс менӧ. Менам олан вынӧй бырис, кыдзи гожся пӧжигӧн косьмӧ веж турун.

Псалтыр 56:6

Енмӧй, Тэнӧ нимӧдӧмыс мед кыптас енэжъясысь на вылӧджык, Тэнад дзирдлуныд мед паськалас став му пасьтала!

Псалтыр 61:2

Сӧмын Енмыс сетӧ менам ловлы лӧньлунсӧ, Сысянь воӧ меным мездмӧмыс.

Псалтыр 62:9

Тэкӧд йитчӧма менам сьӧлӧмӧй, Тэнад веськыд киыд кутӧ менӧ.

Псалтыр 77:3

Мый кывлім да тӧдмалім, мый батьяс миянлы висьтавлісны,

Еремей 18:22

Мӧдӧд на дінӧ мырддялысь-пазӧдысьясӧс, налӧн керкаясысь мед кылас бӧрдӧм шы. Ӧд найӧ кодйисны гу, медым кыйны менӧ, пуктісны нальк менам коклы.

Бӧрданкыв 2:19

Чеччы войнас да горзы, горзы войбыд, дугдывтӧг! Господьлӧн чужӧмбан водзын ваӧс моз кисьт сьӧлӧм дойтӧ. Нюжӧд китӧ Сылань, кевмысь ныв-пиыдлӧн олӧм вӧсна. Найӧ куйлӧны туйвежъясын, тшыгнысла кулӧны.

Матвей 22:15

Фарисейяс мунісны да ас костаныс сёрнитчисны Исусӧс кыйны сёрниас.