Псалтыр 141:5 - Коми Библия 2023

⁵ Ме шыася Господь дінӧ, шуа, мый Тэ – менам сайӧдчаніныс, менам пайыс ловъяяслӧн му вылын.

Псалтыр 141:5 Kruisverwysings

2 Каднебӧг 25:16

Пророк эз на помав сёрнисӧ, а ӧксы шуис нин сылы: «Тэнӧ ӧмӧй индісны туйдӧдны ӧксыӧс? Дугды сёрнитнытӧ! Он кӧ, тэнӧ виасны». Но сёрни помавтӧдзыс пророк шуис: «Ме тӧда, мый Енмыс шуис бырӧдны тэнӧ сыысь, мый тэ вӧчин. Но менсьым туйдӧдӧмӧс тэ он кывзы».

Псалтыр 125:4

Господьӧй, бергӧд миян войтырлысь коляссӧ пленысь, кыдзи визув ва Тэ веськӧдан Негев кос му вылӧ.

Псалтыр 23:5

Сылы вичмас Господьсянь бурсиӧм, мездысь Ен шуас сійӧс веськыдӧн.

Шусьӧгъяс 12:1

Кодлы муса тӧдӧмлуныс, сылы муса велӧдӧмыс, но ӧлӧдӧмсӧ мустӧмтысь – вежӧртӧм морт.

Шусьӧгъяс 15:22

Туйдӧдтӧг вӧчӧмыд киссяс, а туйдӧдысьыс кор уна – артмас.

Шусьӧгъяс 15:5

Вежӧртӧм нинӧмӧ пуктӧ батьыслысь велӧдӧмсӧ, но коді кывзӧ ӧлӧдӧмсӧ, сійӧ – бур мывкыда. [Веськыдлунын – ыджыд вын, а лёк вӧчысьясӧс лоӧ бырӧдӧма му вывсьыс.]

Шусьӧгъяс 19:25

Омӧльтысьӧс кӧ нӧйтан, мывкыдтӧмъяс вежӧрсяласны, вежӧра мортӧс кӧ ӧлӧдан, сійӧ гӧгӧрвоас велӧдӧмсӧ.

Шусьӧгъяс 25:12

Мывкыд мортлӧн ӧлӧдӧмыс сійӧс кывзысьлы пельтӧ мичмӧдысь зарни исерга кодь.

Шусьӧгъяс 6:23

Тшӧктӧмыс югыд вайӧ, туйдӧдӧмыс югдӧдӧ, ӧлӧдӧмыс олӧмӧ бергӧдӧ.

Еклесиаст 7:5

Вежӧртӧмлысь сьылӧмсӧ кывзӧм дорысь бурджык кывзыны мывкыдалысь ӧлӧдӧмсӧ.

Левит 19:17

Эн мустӧмт матыссатӧ, а ӧлӧд сійӧс, медым сыкӧд ӧтвылысь мыж улас эн шед.

Матвей 5:44

Ме шуа тіянлы: радейтӧй тіянӧс мустӧмтысьясӧс, бурсиӧй тіянӧс ёрысьясӧс, бурсӧ вӧчӧй тіянӧс дзескӧдысьяслы, кевмысьӧй тіянӧс ӧтдортысьяс да вӧтлысьяс вӧсна.

Галатӧ 6:1

Вокъяс, мыжмас кӧ кодкӧ, сэки ті, Лов серти олысьяс, веськӧдӧй сэтшӧмсӧ рам сьӧлӧмӧн. Видзӧдӧй ас бӧрсяныд, мед асьныд энӧ шедӧй ылӧгас.

Восьтӧм 3:19

Коді муса Меным, сійӧс ме янӧда-чирышта. Сідзкӧ, сьӧлӧмсяньыд зіль бергӧдчыны мыжъяссьыд!