Псалтыр 135:12 - Коми Библия 2023

¹² Сійӧ петкӧдіс найӧс вына кисӧ лэптӧмӧн, Сылӧн буралӧмыс оз помасьлы.

Псалтыр 135:12 Kruisverwysings

Лыд 33:54

Пудъясьӧмӧн юклӧй мусӧ чужанкотыръясныдлы. Кутшӧм чужанкотырын йӧзыс унджык, сэтшӧм чужанкотырлы сетӧй ыджыдджык му, а кутшӧм чужанкотырын йӧзыс этшаджык, сэтшӧм чужанкотырлы сетӧй ичӧтджык му. Пудъясьӧм серти кодлы кытысь усьӧ муыс, сэні и лоӧ сылӧн пайыс.

Индӧд 29:8

Босьтім налысь мусӧ да сетім сійӧс Рувим да Гад чужанкотыръяслы да Манассейлӧн джын чужанкотырлы.

Нав Исус 11:23

Тадзи Исус босьтіс ставнас мусӧ, кыдзи Господь висьталіс Мӧисейлы. Исус юкліс мусӧ Израильлӧн чужанкотыръяслы. Тышъяс бӧрын тайӧ муас пуксис лӧнь кад.

Нав Исус 12:7

Исус да Израиль пиян пасьвартісны ӧксыясӧс Йӧрдан ю рытыввыв муысь [аморейяслӧн муысь]. Налӧн муясыс нюжӧдчисны Ливан ковтысын сулалысь Ваал-Гад карсянь Сеир керӧсвыв му дорын сулалысь Халак керӧсӧдз. Тайӧ муяссӧ Исус юкліс Израиль чужанкотыръяслы, сетіс быд чужанкотырлы индӧм му юкӧн.